ده الحال دلوقتي في كل مكان بلاش محل حتة كشك معفن طالع من غير تصريح حتي حاطط صناديق البيبسي و طوب ارصفة ياما عواميد حديد كأنهم اشتروا الشارع لحسابهم و ده مثل من امثلة كتيير بتعرضلها كل يوم و التاني
http://www.nilemotors.net/Nile/261739-a.html
و ساعة ما نلاقي مكان فاضي مفيهوش حد حاطط حواجز او طوب نلاقي سايس ناطط زي عفريت العلبة
يعني اعمل ايه معرفش و يا ريت ع كده و بس الناس بطينها بلة و خاصة الشباب بالرغم اني شاب لسه في مرحلة الليسانس بكلية الحقوق بس أأقولك ان 90 % من الشباب اللي معاهم عربيات شخصيات مش تمام و قليل التربية و ماشيين يقفلوا ع الناس و يجري و غرز و حاسس نفسه مايكل شوماخر بيجرب بوجاتي و قمة الوقاحة
عشان كده بقيت مكبر دماغي و بركنها و بنزل مواصلات و شكلي ان شاء الله هقضيها بالعجلة
الواحد اساسا ماسك نفسه و بيخاف يتهور ع حد و اضيع مستقبلي عشان شخص مايسواش سحتوت مصدي
المفضلات