إلغاء الجمارك علي السيارات المستوردة من ٢٠١٠ حتي ٢٠١٩

**bassam nagy** · 07-06-2008 08:10 PM

المشاركة الأصلية كتبت بواسطة wawoo

قصدك يعنى زى العلاوة ام 30% كدة , مش عارف لية دائما الناس ظلمة الحكومة , :)

ههههههههههههههههههههههههه هههههههههههههه

**Powert** · 07-06-2008 11:35 PM

هيخترعوا ضريبة جديدة بدل ضريبة المبيعات

وممكن يسموها ضريبة جمارك وتزيد بنسبة 10% كل سنة

وبكده العربيات تتشال من عليها الجمارك على سنة 2019 ويكون

عليها ضرايب بنسبة 120 % + 10 % زيادة كل سنة

**M_HaFeZ** · 08-06-2008 07:57 AM

مأظنش هيغلبوا فى حاجه اسمها جمارك
هيطلع لها الف اسم لحد مانقعد نفتكر ايام الرخاء بتاعه 2008 والجمارك اللى كانت 130% بس على اللى اكتر من 1600 سى سى
وال بنزين ال 95 اللى كان ببلاش 2.75 جنيه

**zicooo2008** · 08-06-2008 08:38 AM

اتفاقية الجات يا اخوانى قاربت على التنفيذ و فترة السماح الممسموح بها لمصر قاربت على الانتهاء و سوف يبدا من المفترض تطبيق الاتفاقية من 2010 و لذلك حركة الجمارك متوقعة و لكن يمكن يرفع الجمارك على قطعه الغيار او ضرائب الترخيص و هذا ما بدا بالفعل بالنسبة للسيارات الحديثة

**boty50** · 08-06-2008 08:59 AM

عزيزي زيكو

اللي بيتطبق علي السيارات بيتطبق علي قطع الغيار
مفيش جمارك يعني علي كل المنتجات المستوردة الي
البلد ، والهدف منها هو ان السلعة في اي بلد بتكون
بسعر واحد عالميا ماتفرقش عربية من ثلاجة.

خد بالك ان ضريبة القيمة المضافة vat دي علي المنتج
المستورد والمحلي بنفس الوقت ونفس القيمة وألا يقعوا
في المحظور حسب الأتفاقيات العالمية ، يعني انت لما تشتري
عربية تصنيع مصري بتدفع تكلفة المصنع + ضريبة المبيعات
والعربية اللي جايه من بره نفس الشيئ

المهم في الموضوع ودة اللي لازم المصانع والوكلاء
هنا في مصر يفهموه كويس ان لازم يكون عندنا في
مصر منتج يقدر يواجة الجودة والسعر الخارجي
طبعا الجودة في المنتج والصيــــانة وخدمة العملاء

علشان كدة حاتلاقي العربية مثلا الأفيو تقفيل كوريا
نفس تمن تقفيل مصر ، وبكدة حايكون قدامك أختيارين
وكمان مصنع مصر غصب عنة يهتم بالمنتج بتاعة
او يقفل

طبعا فية سياسات حماية ضد المضاربه علي الأسعار
وكمان الأغراق زي ماحصل من كام سنة مع لمبات
الأنارة من الصين وكمان السيراميك من الأردن

**tutankhamoun** · 08-06-2008 09:07 AM

تخفيض أسعار السيارات يقابله
أنخفاض في إنتاج البترول
زيادة الطلب على البترول و زيادة الإستهلاك

مما يؤدي إلى إرتفاع أسعاره مما يؤدي إلى نفس الحالة التي عليها السيارات أغلى و البترول أرخص

و بعدين قيمة الضريبة المضافة أو ضرائب المبيعات أو أي مسمى لها ستقوم بتعويض الفرق
و ده حق شرعي لأي حكومة في العالم
لأن المنتج أساسا لم يتم إنتاجه في الدولة المستوردة فيجب أن يستفيد المواطن بطريقة أخرى من دخل المنتجات المستوردة

و أنا بصراحة مش مع تنزيل أسعار السيارات
أنا مع إلغاءها تماما و إنزال عربات كارو تجرها الحمير و البغال و الأحصنة

و تبقى العربية الكارو أم حمار زي العربية 1300 سي سي
و العرية أم بغل ........ 1500 سي سي
العربية أم حصان تبقى المقابل ل 1600 سي سي
إنما بقى العربيات الكبيرة أكتر من 1600 سي سي نجبلها ........... جمال ...

و هو ده اللي ينفع الشعب المصري ...
بلا تكنولوجيا بلا بطيخ ............. لما نتعلم نستخدم الحاجة صح ......... نبقى نطالب الحكومة بتنزيل الأسعار