عاوز اتنازل عن الجنسية المصرية نظير اني اخد اي جنسية محترمة واهاجر
هجرة .. بلاااااااااااااااا عودة
ومستعد اكتب اقرار علي نفسي اني مش عاوز ارجع البلد دي تاني
المشكلة مش ثورة ولا مبارك ولا نظام
والله العظيم مش دول المشكلة
المشكلة ان احنا كمصريين وحشين اوي في بعض

وفكك بقي من قولة الشهامة والجدعنة والجو بتاع نانسي عجرم ده
احنا وحشين
تنزل الشارع ومبقتش قادر تمشي مع حد من اهل بيتك بسبب المعاكسات
ومقتش قادر تنزل بعربيتك لان مش هتلاقي مكان تركن فيه ولو لقيت هتلاقي صاحب محل حيواااااااان طلع لك من تحت الارض يقولك "لوركنت هنا يا استاذ هتطلع تلاقينا نيمتلك العجل

شرطة مش عاوزة تشتغل لانهم ببساطة خلاص حسوا ان البهوية اللي دخلوا الكلية عشانها راحت
ومبقاش غير البهدلة
حرامية في كل مكان
مفيش مسئول واحد عاوز يقتنع ان اللي حصل في البلد ده اسمه ثورة

الحل مش في انتخاب رئيس جمهورية ولا لجنة تأسيسية ولا غيره ولا حتي تغيير حكومة

الحل الوحيييييييييييد . . . اننا نستورد شعب تاني !!!!!!!

وفي النهاية : ادي اقرار مني
اقر انا ......... انني وبكامل قواي العقلية قد تنازلت تنزلا لا رجعة فيه عن الجنسية المصرية مقابل اكتساب جنسية دولة ........... واتعهد حال خروجي من مصر بعدم العودة اليها مرة اخري
وشكرا