لا بصراحه توكيل رينو ممكن اسعاره مرتفعه بس اكتر من شخص عن تجربه شهد انه احسن توكيل في مصر و البيجو معلوماتي عنه قليله اوي بس اعتقد ان c4 احسن برضه
عرض للطباعة
انا فرنساوى وطول عمرى بحب الفرنساوى
شكرا على الرد يا حسام
انا كنت ناوى على شراء اكسارا 1 بجانب اللوجان فقولت استنى شوية واحوش مبلغ اكبر اجيب الـ c4 او الميجان 2 والعربيتين تقريبا شبة يوميا اشوف اخر الاسعار على موقع كونتك كار واعرف فيهم شوية بس على قدى وانا قولتلك كدة فعلا من مجال خبرتى فى الفرنساوى عامتا
وخصوصا ان اول عربية لى اشتريتها كانت رينو بحكم الفئة السعرية وبحكم كان المطلوب كان زيرو
العفو يا باشا علي ايه :) طب الاقي عندك تفسير ان العربيتين 2012 مش بشوفهم في مصر !!! طب الميجان و الناس قالت الفلونس غطت عليها عشان سيدان طب c4 ماشوفتهاش ولا مره في الشارع الموضوع ده هيجنيني
ارشح في المقارنة سيات ليون ٢٠١٢
الناس كلها بتخاف من الفرنساوى
ولما اشتريت رينو
مفيش حد قلى جبها
كلوا قلى انت مجنون انت مخبول
ضربت كلام الناس كلها بالارض واهو الحمدلله دلوقتى اللوجان منتشرة
نفس الكلام بالنسبة للفئة السعرية الاعلى الا ان الفلونس فعلا غطت على الكلام دا وغطت على الميجان 2 ومشكلة ان العربية كمبيوتر والكلام دا كلوا فسيبك من الناس
اهم حاجة راحتك انت
وطالما هتعمل الصيانة فى التوكيل خلاص فكك من الناس اهم حاجة لما تركب العربية تحس انها جزء منك
مش جزء من الناس
واكتر عربية مظلومة فى مصر الستروين عامتا والـ c4 والاكسارا
يعنى اية اجيب عربية اكسارا 1 ب 35 الف ؟؟؟؟ فى حين ان الانوس موديل 2000 بـ 40 الف
شوف الفرق بين العربيتن عامل ازاى ؟؟؟؟
نفس الكلام بالنسبة لل c4 والميجان 2
يعنى اية ادفع 55 الف واجيب نوبيرا ولا ادفعهم واجيب c4 او ميجان 2 بجد حاجة تحرق الدم
كل لما اسال حد كدة يقولى علشان قطع الغيار ( قطع الغيار ..... قطع الغيار .... ) فى حين ان الفرنساوى مفيش قطع غيار صينى منوا لحد دلوقتى كله غالبا ياما فرنساوى يا اسبانى يا تركى يعنى حاجة محترمة لكن نقول اية بقى
فكل دا بيصب فى الموديل الجديد 2012
فكلو يقولك اجيب الالنترا الجديدة علشان هيونداى وقطع الغيار وسيبك من الفرنساوى يقولك بالضبط ( لية ناسوا )
حاول تزقها وتجيب فورد فوكس هاتشباك , لو مش هينفع ارشحلك ال c4 , تكنولوجيا عالية وراحة وثبات وموتور كويس وفخامة وامان