اخيرا عملت الصيانة الدورية - بس عندى شوية اسئلة ؟

**ehabomar1987** · 28-03-2012 06:55 PM

امبارح روحت للميكانيكى و عملت الصيانة الدورية للعربية
غيرت
زيت ليكوى مولى 10.000
فلتر الزيت
زيت الفتيس
زيت الفرامل
فلتر الهواء
فلتر البنزين
اولسيل تكيهات و اولسيل بوبينة

عايز اغير زيت البور كله ينفع ولا لآ ؟
و العربية محتاجة سربنتينة تكيف سخن ياترا بتتباع جديدة ولا لآ و لو استيراد اجيبها من فين و بكام و ياترا مين ممكن يركبهالى ؟
و عايز واحد بتاع تكيف محترم علشان اراجع على دورة التبريد و اشحن فريون ؟
و حد بتاع شكمانات علشان اكشف على الشكمان و غالبا هغير حاجات فيه ؟

**mailo** · 28-03-2012 08:02 PM

عايز اغير زيت البور كله ينفع ولا لآ ؟
ينفع بس مش هيفرق كتير
و العربية محتاجة سربنتينة تكيف سخن ياترا بتتباع جديدة ولا لآ و لو استيراد اجيبها من فين و بكام و ياترا مين ممكن يركبهالى ؟
و عايز واحد بتاع تكيف محترم علشان اراجع على دورة التبريد و اشحن فريون ؟
و حد بتاع شكمانات علشان اكشف على الشكمان و غالبا هغير حاجات فيه ؟

إنت ساكن فين عشان الناس تفيدك بالقريب منك

**ehabomar1987** · 28-03-2012 10:01 PM

انا ساكن فى مصر الجديدة انا قصدى الميكانيكى اللى بتعامل معاه ممكن يعملى الموضوع ده و مكان لما كشف على سربيتينة التكيف السخن قالى ممكن الغيلك السخن بس انا قلقت لياثر على اى حاجة فى العربية ياتراا ممكن تبقى عاملة كام و ايه احسن مكان ممكن اجيبها منه

**mostafablidy** · 28-03-2012 10:35 PM

انت غيرت كل حاجة فى الصيانة طيب فين تغير البيجوهات ووصلة البيجوهات.وبعدين ماتشغلش بالك بالتكيف السخن لان استعمالة قليل جدا . عايز افهم ازاى تغير زيت الباور كلة متزود وخلاص

**ehabomar1987** · 29-03-2012 01:10 AM

ماهو التكيف السخن عامل مشكلة و بيخلى المية بتاعت الريداتير تقل علشان السربنتينة بايظه و لازم تتغير يا ترا ممكن تتكلف كام و اجيبها من فين

**mahmoudysf** · 29-03-2012 02:03 AM

انت مش محتاج تغير سربانتينة السخن انت ممكن تلغيها وفيه ناس كتير معانا هنا لاغياها ومفيش مشاكل

**mailo** · 29-03-2012 02:19 AM

بص يا باشا بالنسبة للتكيف السخن أنا بشغله مروحة بس وهات المؤشر الحرارة على السخن وخلاص
هيدفي العربية جامد
جرب ولو لسة محتاج السخن ابقى ركبه

بالنسبة للميكانيكي في مصر الجديدة
فيه واحد فشارع دمشق كنت بتعامل معاه زمان وسبته عشان المسافة مش أكتر
هو مقابل لبنك عودة كروس التقاطع على النحيا التانية
تقريبا كان اسمه سيد مش فاكر قوي
لو عايز تروحله أحاول اجيبلك اسمه ورقم تليفونه

**ehabomar1987** · 29-03-2012 02:50 AM

اولا شكراا على الردود
يعنى ممكن الغيها و مش هاتاثر على اى حاجة فى العربية
طب لو حابب اجيبها ممكن اجيبها من فين

**ehabomar1987** · 29-03-2012 02:59 AM

اه و حاجة اخيرة كمان لسة فاكرها انا عايز سروجى كويس علشان اثبت البلاستيكات اللى موجودة فى الشنطة علشان بتخبط فى بعضيها و عاملة صوت مش كويس

**mailo** · 29-03-2012 03:29 AM

معلش هي إيه البلاستيكات اللي موجودة فالشنطة دي
قصدك الفيبر اللي فيها صح

دي أي حد ممكن يعملها سمكري أو ميكانيكي أو كهربائي حتى عساها كلهم بيفكوها مش لازم سروجي