مش لاقى سباك يركبلى موتور يا رجالة اسكندرية

**akramlail** · 28-03-2012 07:37 PM

محتاج اركب موتور ماية وانا ف المندرة ودور تانى والماية زفت
مش لاقى سباك ومش عارف هيتكلف كام ومحتاج حاجة ف الحنين صينى هندى اى بتنجان بس يطلع ماية اغيثووووونى

**tamerosman** · 28-03-2012 08:51 PM

دى نمرة سباك اسمه خميس فى اسكندرية : 01007981837
روح المنشية شارع السبع بنات او شارع جامع رمضان شحاته و لف و اسال على المواتير قبل ماى تشترى

**shaddadfalcon1** · 28-03-2012 10:46 PM

طيب ممكن بعد اذن صاحب الموضوع اعرف لو حبيت اركب خزان مياه وانا عند موتور وفي الثامن اعمل ايه ويتكلف كام؟
انا في سيدي بشر قبلي

**wassim_nasser** · 29-03-2012 02:01 AM

عايز تركب حاجه نضيفه اشتري الكالبيدا الاصلي ربع حصان أو نص حصان وده المانى ف حدود 300 500 جنيه .. تجنب الصينى عشان بيتحرق بسرعه وده لو اتحرق بالسلامة ترميه وتجيب غيره فا وفر احسن و هات حاجه نضيفة بالمرة .. هاتلاقي المواتير نوعين .. كهربا و ده بينزله سلك من شقتك ومتوصل بفيشه أو مفتاح عندك يعنى تشغله وتبطله حسب الحاجه .. والاوتوماتيك ابو بالونة وده فكرته زي السيفون بتاع الحمام .. فيه عوامة بتقيس ارتفاع منسوب المياه .. لما تسحب منه مياه يستشعر السحب فايشتغل و يبطل وحده .. لو انت مقيم ف الشقه يبقى الاوتوماتك مناسب اما لو شقة مصيف يبقى خليك ف الكهربا .. و هاتلاقي ف العصافره جنبك ميت سباك ان كان ف شارع 45 أو شوارع العصافره قبلى و خده معاك وانت بتجيب الموتور