هقول لك رأيى كمالك للعربية من حوالى 8 شهور و بعد 14 الف كيلو
قبل الفلوانس كان معانا سيراتو 2010
أتفق معاك فى حاجات و هختلف معاك فى حاجات تانية
التصميم الداخلى:
انا معاك إنه غريب شوية ... يعنى تحس ان معظم التابلوه فاضى و الكل الزراير بعد كده قريبة من بعضها و ده سبب ان الزراير التكييف و الكاسيت صغيرة و عايزة وقت عقبال ما تعرف تظبط التكييف و ان سايق من غير ما تبص
بخصوص مسند اليد ... متفق معاك إنه كان المفروض يتقدم لقدام شوية و يبقى أعلى قليلآ
بخصوص قفلت السنتر ... دى بصراحة مركزتش معاها قبل كده d:
بس التكة العالية دى تحسسك بالأمان ... يعنى الأبواب بتتقفل جامد d:
الخامات الداخلية فعلآ ممتازة ما شاء الله و يمكن تكون أحسن من عربيات أغلى منها فى السعر
الأداء:
انا معاك إنها تقيلة و مش بتاعة سباقات خالص ... على عكس السيراتو كانت طلقة ... الفلوانس عايزة شوية تفاهم عشان تسحب بيها حلو
يعنى لازم تستخدم التيب ترونيك لو عايز تطلع أحسن ما فى العربية
بس عمومآ هى مش مرضية اوى للى عايز يشد بيها فى وسط البلد بس على الطريق السريع العربية بتجمع حلو و بتجرى و انا جبت بيها 170 بدون ما تحس ان العربية تعبانة فيهم
الدركسيون:
هى طبعآ خفيف على السرعات المنخفضة و بيتقل على السرعات العالية
الدركسيون بتاعها دقيق يعنى تناور بلفة صغيرة للدركسيون
بخصوص العفشة:
زى ما قلتلك العربية السابقة كانت سيراتو 2010 ... فطبعآ انا حاسس بفرق فى العفشة أفضل بمراحل عن السيراتو ... يعنى انا بحس بعكس اللى انت قلته تمامآ d: ... غريبة صح؟
و كذلك الثبات ... بجد لحد دلوقتى محستش و لا مرة إنى قلقان منها مع العلم إنى بسوق كتير على محور التعمير ... يعنى بجرى بيها على طريق مش قد كده
اللى معانا فى جنط 16 و عجل 205 جايز يكون ده مديها ثبات أحسن
الفرامل:
الحمد لله الفرامل ممتازة فعلآ و الabs تمام
انا جربت قبل كده افرمل بيها بعجلتين على الرمل و عجلتين على أسفلت
كنت ماسك الدركسيون و محستش إنها عايزة تحدف بصراحة .. وقفت كويس
معظم الحاجات اللى اراءنا إختلف فيها مبنية على مسألة "التعود على العربية" يعنى لو سقتها شوية فى وسط البلد هتتعود على تقل العربية و هتلاقى نفسك تلقائيآ بتعرف تظبط نفسك مع حركة الطريق
و كذلك وضعية الفيتيس
كلمة على جنب:
مفيش زعل و ممكن حد يتضايق طالما الكلام موضوعى و منطقى d:
فى الآخر دول شوية حديد و ربنا يرزقنا باللى أحسن منهم
جربت تقلب العربية بيج من جوة ؟ وبنزينها عامل اية ... العربية بتسحب جامد بنزين
المفضلات