عرض للطباعة
السلام عليكم ورحمه الله وبركاته
قبل ازمه البنزين فولت العربيه
انهارده فولتها تانى كانت عملت 200 كيلو اخدت فيهم 40 لتر بنزين
مع ناها قبل كدا كانت بتعمل 330 كم فى نفس كميه البنزين
مع ان هى هى الطرق اللى بمشى فيها ونفس مستور الزحمه
عاوز اعرف ايه اللى حصل ويبب الزياده الرهيبه دى فى الاستهلاك
انا كل اللى عملته فى العربيه ركبت ترموستات الحراره عشان كانت باظت
واللة انا بشك فى بنزين الايام دية لاننى ملاحظ مثلك تماما ان الاستهلاك مرتفع
و أنا كمان شاكك فيه لأنها كانت قبل كدة أكثر من ممتاز على الطريق السفر على سرعات 90 و 100
و دلوقتي بقت مش زي الأول خاااالص
ياريته زاد
دا اتضاعف!
من العوامل اللي بتتحكم في استهلاك البنزين :
1- ضغط الاطارات
2- كفاءه البوجيهات
3- عدد لفات الموتور ( rpm ) ....يفضل يبقي معدل النقل بين كل غيار من 2.5 الي 3 .... للوصول للاقتصاديه في استهلاك البنزين .
4- زمن الوقوف في الاشارات و الفرامل الكتير .... الطلعه علي الاول كتير بتستهلك دفعات اكتر من البنزين علي عكس القياده في الطوالي .
و بصفه عامه شكاوي الزياده في الاستهلاك زادت اليومين دول بنسبه كبيره
عربيتي لانوس 2011 و بنقل علي rpm من 3 الي 3.5 و بحط 92 و اخر استهلاك كان 26 لتر لمسافه 200 كم داخل البلد كلهم يعني حوالي 8 كيلو لكل لتر و بدون تكييف ..... و المعدل ده مش مرضي بالنسبه لي لانها السنه اللي فاتت في نفس ظروف التشغيل كانت بتاخد 20 لتر بالظبط لكل 200 كم .
لسه مغيرتش بوجيهات و بقالهم 20000 كم ..... و اعتقد هما السبب .
hلرشاشات والبوجيهات مغيرهم من 6000 كم وكل الفلاتر نضيفه عدا بتاع البنزين وقته قرب عاوز يتغير
عشان تحكم على الاستهلاك صح جربوا في طريق مفتوح
طيب المفروض الطبيعى اللتر يعمل كام كيلو مع افتراض سواقة عادية فى ظل ظروف البلد
انا عربيتى موديل 2007 و اللتر بيعمل متوسط 10 كيلو بدون تكييف طبعا و اعتقد ده مش طبيعى فمش عارف اقيس اية بالظبط
ده إنت كده فل قوي
10 في اللتر أحمد ربنا فالزحمة اللي احنا فيها دي
متأكد إن حساس الشكمان سليم؟
هتأكد ازى انه بايظ ؟
العربيه مش بتأخر فى الدواره ولا بتدخن والحمد لله
سكانر هيقولك الحساس ده سليم ولا بايظ
غالبا لمبة التشيك بتنور بعد سرعة 100 وتتطفي بعد لما تقف وتبطلاقتباس:
هتأكد ازى انه بايظ ؟
التأخير في الدوارة والدخنه دي عيوب رشاشات مش حساس شكماناقتباس:
لعربيه مش بتأخر فى الدواره ولا بتدخن
اعتقد ان البنزين اللى نزل الفترة اللى فاتت دى كان مغشوش او محطات البنزين كانت بتغشه، لأنى ومعظم اصدقائى بالبنزين الفترة دى بيتشفط..
الاضافات الي علي البنزين اليومين دول مش مظبوطه وبالتالي الاستهلاك ذاد
التشك مش بتنور خالص والحمد لله
اعتقد البنزين مغشوش لان ناس كتير بتشتكى من نفس القصه
ربنا يستر علينا وعليكم
المشكله زى ما هى يا جماعه
ثالت تفويله م نبنزينات مختلفه والدنيا زى ما هى
عملت سكان الحساسات كلها تمام ومفيش اى مشكله
ميكانيكى قالى تعلى يوم الصبح نشيك على وصلات البنزين ممكن تكون واحده بتسرب
فهل دى ممكن اعملها انا لان انا صعب اروح الصبح عشان شغلى
انا كمان شاكك في البنزين هذه الايام ومعظم اصدقائي قالولي نفس الكلام
انا بعانى من نفس المشكلة من اخر مرة فولت العربية .... ومن مشاركات الاعضاء كده من الواضح ان البنزين هو اللى فيه المشكلة لأن مش معقول عربياتنا كلها مش مظبوطة ....