محتار ومحتاج مساعدة

**punisher** · 29-03-2012 01:44 AM

السلام عليكم

الموضوع بأختصار أنى بفكر فى الزواج بس أنا مش من النوع اللى عنده صديقات عشان أنا لا أؤمن بالصداقة بين الولد والبنت .. فا أكيد مش أعرف أى بنت خاااالص .. بس انا كنت خاطب وفسخت الخطوبة ... مفيش نصيب ..

أنا ليا صاحب من أكتر من 10 سنين وهو عنده أخت .. هى أصغر منى بحوالى سنة ونصف ... هما عيلة محترمة جدا والبنت مؤدبة ومتدينة .. كان أثناء الفترة اللى كنت خاطب فيها اتقدملها واحد وللصدفة كان من نفس دفعتى فى الكلية .. زميلى فى السكشن .. فا صاحبى سألنى عنه وكدا ... المهم فى الأخر عرفت ان الموضوع لم يتم ..

أنا مش عارف هل أكلم صاحبى ولا الغى الفكرة من دماغى خالص .. ولو كلمته أفتح معاه الموضوع أزاى ... والمشكلة الأكبر أنى أصلا مشوفتش أخته دى خاااالص وخايف من استكشاف المجهول وبصراحة أنا مش بدور على ملكة جمال بس أكيد متكونش وحشة " مقبولة " .. وخايف لو كلمته والموضوع متمش أنى أخسر صاحبى " تطبيقا لمقولة : صاحبك لا تناسبه ولا تشاركه " ...

أنا محتار ومش عارف اعمل ايه والموضوع ده شاغل بالى جدا .. ومحتاج مساعدتكم

**Screenplays** · 29-03-2012 02:11 AM

طالما مشوفتهاش قدامك يبقي بلاش و خصوصا انه صاحبك و ده رأيي

**أبو صلاح** · 29-03-2012 10:10 AM

ياباشا عادي جدا
انت كلم صاحبك وفهمه انك عايز تخطب اخته لانك عارفه وعارف تربيته واسرته واكيد اخته انسب حد تفكر فيها
وتفهمه انك عندك مشكلة انك مشفتهاش ولا تعرفها ولا هي تعرفك
ولازم يكون في جلسة مابينكم للتعارف
وهو هيسهلك الموضوع ده ماتقلقش