-
بتدفع ضرايب؟
الموضوع ده للى عنده عمل حر ..
كل سنة وانتم طيبين بمناسبة موسم دفع الضرائب العامة ..
واحد عنده محل بقالة ، عيادة ، تاجر قطع غيار ، محامى .. إلخ ..
بيصفى من مشروعه 50 ألف جنيه فى السنة مثلاً ..
المفروض يدفع ضرايب 5 آلاف جنيه ..
قوم ايه .. يظبط نفسه بحيث يدفع 300 أو 500 جنيه بس.
كل اللى أعرفهم بدون استثناء بيعملوا كده ..
بما فيها مشروعات خيرية تابعة لجهات دينية.
حد يقول لى ان كده عادى علشان ضميرى تاعبنى :(
-
عادي ..الي بيدفع مظبوط مصيره الافلاس
-
ضميرك تاعبك ؟ هديك مثال بسيط عندنا محلين بنأجرهم بملغ محترم و في موسم الضرايب بنكتب ان المحل بيتأجر ب 175 جنيه يعني الليله كلها ب 350 جنيه يعني معفين من الضرايب ايه رأيك بقه ؟ و بعدين الضرايب في البلد دي سرقه فانت بتجتنب الحرامي عشان ميسرقش و ربنا يكفينا شر باراشوتات الحكومه
-
الضرايب بتندفع .. علشان تلاقي منها طرق نضيفة وخدمات ....إلخ إلخ
لكن طالما مابنلاقيش
يبقا ندفع ليه ؟
علشان تروح مرتبات للواءات والمحافظين الي بيقبضوا أرقام تقارب الــ مليون جنيه شهريا
عاوز تفهمني مثلا إن لواء شرطة او محافظ..راتبه مليون جنيه شهريا
يعني 12 مليون في السنة
هيروح يقدم إقراره الضريبي..ويدفع 1.2 مليون جنيه ؟
؟
؟
؟
وبعدين ماحنا ماهريين دفع في كل حتة في البلد
أي ورقة بتخلصها من الحكومة .. بتدفع عليها .. دمغات ورسوم
وتجديد رخصة العربية عليها رسوم
وأي توكيل أو تنازل أو عقد بيع أو عقد شرا ..أي ورقة أي ورقة بتدفع عليها فلوس
ياراجل ده أنا روحت أعمل شهادتين من إدارة الصيدلة في مصر..ورقتين بينطبعوا من الكمبيوتر هناك وإتلزق عليهم دمغات بــ 8 ج
دفعت لهم رسوم (خمس ورقات بــ 100 مقفولين)
500 ج في ورقتين..لما كنت ماشي محصورررررررررررررر
وبتدفع فلوس الميه والكهربا والتليفونات والتأمينات .. وبتدفع رسوم طرق على الطرق السريعة
وبتدفع مخالفات عملتها..ومخالفات ماعملتهاش
وبتدفع
وبتدفع
وبتدفع
يانهار إسود
الواحد طول ماهو ماشي بيدفع
وكمان عاوزنا ندفع ضرايب
-
الضرايب مصلحتك اولا انا لسه في فتره الاعفاء وبعد الاعفاء مش دافع ولا مليم بلا هم
-
هي الضرايب المفروض كام في الميه 10 ولا 20
انا اللي عارفه ان المفروض 20
و سوءال ...دلوقي لما يكون الواحد حاطط فلوسه في البنك ذي اي حد
اللي اعرفه برضه من بعد ربع مليون هيقولك من اين لك هذا ...
مش عارف يعني بالضبط بيعملوا ايه علشان يعرفوا انت جبت الفلوس ازاي
فا لو الواحد مش بيدفع الضرايب مظبوط او مش بيدفع اصلا باعمال حره و مصالح
اي المفروض يتعمل ساعتها
-
انت ربع مليونير ياعمرو............اوباااااااااا ااااا
معرفش والله يازميلي
بس أنا نفسي أعرف..صاحب البيت الي فيه الصيدلية على المعاش
وايجار المحلات بتاعتي 400 ج
هل بيدفع عليهم ضرايب ولا لأ ؟
-
ربع مليون مين يا باشا :help2:
ياريت كان معايا ربع مليون...
انا بتكلم في الفكره عماتا
يمكن الله اعلم نمسك المليون مش الربع مليون:B4_282:
-
ربع مليون مين يا باشا :help2:
ياريت كان معايا ربع مليون...
انا بتكلم في الفكره عماتا
يمكن الله اعلم نمسك المليون مش الربع مليون:B4_282:
-
يا جماعة بخلاف ان في شركات ما بتدفعش ضرائب الدخل
لو في حد محاسب هنا واشتغل في ضرائب المبيعات
هيعرف ان في بيزنس كبير بيتعمل من ورا الفواتير الضريبية
البيزنس ده بيستفاد منه اصحاب الشركات والمحاسبين القانونيين ومأمورين الضرائب نفسهم بتسهيل مصالح للغير
المكسب في موضوع الفواتير ده بيوصل لحد 85%
يعني كمثال بسيط
انا شركة ببيع منتج ومجبر اني اطلع فواتير مبيعات ضريبية (سواء وهمية علشان الضرائب او فعلية) ولنفترض انه تم تحصيل ضريبة 10% على هذه الفواتير 1000 ج
ولازم يكون عندي فواتير مشتريات ضريبية ولنفترض ان الضريبة اللي عليها 900ج
يبقى الضرائب بتطالبني اني اسدد الفرق اللي هو 100ج
نيجي بقى للعبة اللي بتتعمل ان الشركة دي بتشتري فواتير ضريبية وبدل ما تدفع الضريبة المستحقة عليها (900 ج) تدفع بس مثلا 100ج والفرق 800 ج مكسب ليها
وطبعا كل ما تكون مبيعاتك فعلية وحقيقية واكبر كل ما فائدتك من مشتريات بفواتير مضريبة تكسبك اكتر
الكلمة دي للمحاسبين
في ناس بتبيع فواتير ضريبية بأي مجال (اي مجال ييجي على بالك) بنسبة بيع 1.50% يعني لو عايز فاتورة ب 100 الف هتدفع 1500 ج بس والفواتير فعليه مش مضروبة
وفي فواتير بتبقى طالعة من شركات توريدات عمومية بنسبة 1% بس
Content Relevant URLs by
vBSEO 3.6.0 PL2