الموضوع: الدايود

انا هجاوبك عموما ( يعنى مش عارف الوضع عامل ازاى بالظبط في اللانوس تحديدا ) ، الدايود فايدته في اي جهاز لما يكون في اول الدايرة انه يمنع تأثير عكس القطبية

يعنى في اجهزة بتتحرق لما بيتبدل السالب مكان الموجب ( وارد انك تغلط وتوصل اطراف البطارية بالعكس )

فالدايود وظيفته انه يسمح للتيار يمشى في اتجاه معين ويمنعه لو اتوصل في الاتجاه التانى

يعنى يعتبر عنصر حماية اضافى مع الفيوزات ، الفيوزات بتحمى الدايرة من مرور تيار عالى نتيجة قفلة
والدايود بيمنع التيار يمر اذا اتعكست القطبية

لو بايظ ممكن يقطع تماما ( كأنه فيوز محروق ) او يبقى موصل تماما في الاتجاهين ( كأنه حتة سلكة )

طريقة اختباره بالافوميتر بتبقى في وضع الصفارة المفروض الافو يصفر بتوصيل الاطراف في اتجاه واحد فقط ( لو بايظ هتلاقيه بيصفر في الاتجاهين او مش بيصفر خالص )