بدأن اشك فى عربيتي بومة 2008
السلام عليكم
انا اشترين عربيتى فى شهر مارس 2011
المفروض انها بومة سودا 2008 موتور 1600 منوال كلاسيك ودا اللى مثبوت كمان فى الرخصة وكانت فبريكة بالكامل برة وجوة
بس كل ما حد يشوفها يقوللى انها مش 2008 بسبب حاجات كتير وهي:
1- الدركسيون رباعى مش حرف T
2- الايريال فوق القايم بتاع السواق مش فى نص السقف فوق الزجاج الخلفى
ومحدش بيصدق انها 2008 الا لما بطلع الرخصة
الصراحة انا ابتديت اشك
مواصفات عربيتي بالتفصيل كالاتي:
1- الدركسيون زي ما قلت رباعى مش حرف T
2- موتور 1600
3- منوال
4- من غير ايرباج ولا ABS ولا فتحة سقف
5- العجل مقاس 15 مش غير جنوط
6- كاسيت سي دي
7- العداد 220
8- الريد زون فى أر بي ام من 6.5 تقريباً
9- الفبر اللى بعرض التابلوه لونها رمادي
10- الصالون لونه بيج
11- من غير اسبويلر ولا عتب
12- الفوانيس الخلفية لونها احمر
اتمنى لو حد يطمنى او يقوللى اطمن ازاى
لو حد محتاج مواصفات تانية يقوللى
نسيت اقول انى كشفت على ال VIN code من على النت ولقيت موديل 2008 فعلاً
وجزاكم الله خيراً