عرض للطباعة
انا ساكن فى المريوطية وعشان اطلع دائرى المعادى لازم بعدى من شارع البيني اللى فيه النفقين اللى بيعدوا تحت فيصل والهرم
بقاللى فترة كل ما اعدى النفقين واوصل للمطب اللى قبل مدرسة الاهرام الدولية الاقى واحد ما بين 12-17 سنة كدا يجري ناحيتي ويقوللى العجلة نايمة
انا طبعاً مش بقف لحد لما بمشى مسافة كبيرة وبعدين انزل وابص الاقى الكوتش كله سليم
انا بصراحة الحمد لله محصليش حاجة فى الموضوع دا بس لانى مش بقف بس قلت لازم احذركوا
اشكرك على التحذير
وربنا يستر
شكرا على التحذير
آه بالحق
إلحق العجلة نايمة هههههههههه
ما تظلمش الراجل ممكن يكون قصده عجلة الانتاج هههههههه
ياعم يقولك العجلة نايمة قوله واخدة تعسيلة وانك سايبها ربنا يسترها عليك وعلينا
اتعرضت لهذا الموقف كذا مرة على المريوطيه من قبل الثورة و كنت بامشى مسافه و بعدين اقف اشوف و كنت بلاقيهم تمام و مافيش اى حاجه نايمه
دة بيبقى متفق مع واحد بتاع كاوتش وانا كنت عملت تحذير قبل كدة من الراجل اللى عند توكيل اديداس قدام بنزينه اسو
انا تعرضت لنفس الموقف فى نفس المكان وعارف انها خدعة عشان مربطين مع اقرب بتاع كاوتش
حصلت معايا من اسبوعين تقريبا عيل عندة 12 سنة بالكتير قالى العجلة نايم
بس طبعا وقفت بعدية بمسافة وانزل مالقيش حاجة
اللى انا توقتة الواد دة بيظهر قبل بتاع كوتش ويقول للناس العجلة نايمة وبالتالى هتمشى خطوتين هتلاقى بتاع كوتش تخش علية يتاع الكوتش دة فارش الارض اكيد مسامير او ازاز مسافة ماهتنزل من العربية التانى فاهم يجبلك ازازة المية ويرش على الكاوتش ويقلك فى كذا خرم
والله اعلم بالحقيقة فين
بس اية اللى يخلى الواد دة يعمل كدة فى الحتة دى؟
بس بتاع الكوتش اللى كان هناك واللى امة لا اله الا الله حذروا منه غير نشاطه وبقى بيبع زيوت
انا لو مكانك هعمل حاجه تانيه خالص
انا هنزل واخد الواد ده قلمين على وشه وصدقا هربه واخده لاقرب قسم يا يقر على بتاع الكاوتش عشان نقفله المحل يا اما هيترمي في سجون الاحداث
والموضوع ده مفيهوش هزار عشان الحرامية ولاد التيت دول بيسرقو الناس وبيستحلو فلوس الناس
حد هنا عنده استعداد يعمل كده ؟؟
انا مستعد انزلهم من مصر الجديده لحد هناك عشان اشوفه
ياريتني شفته لما كنت هناك من اسبوع
الله المستعان
لو اضمن انه لوحده هنزله واشرحله ان كدا يبقى حرام
بس لو طلع مش تبع بتاع كوتش وطلع من الناس اياهم اللى بيعملوا اي حيلة عشان يوقفوك وبعد كدا ياخدوا العربية يبقى قليل البخت يلاقى البلطجى فى الكوتشة :)
يشهد الله على كلامي
الشباب دول تبع كاوتش شفتهم بعنيا اللي ياكلهم الدود والتراب
لاني ساكنة قريبة من بتاع الكاوتش
كل يوم دمي يتحرق لما امر عليهم يصطادو العربيات الفخمة
العجلة نايمة وهي مش نايمة فيه اللي بيوقف وفيه اللي يمشي ما يسمعش كلامهم
ونزلت مواضيع على الفيس بوك تحذير في جروبات
عشان حرام
هوما حوالي 4 اتنين قدام شوية يقولو العجلة نايمة والتانيين معاهم زجاجة الغسول
مرة من حرقة دمي قلت لاخت من بعيد خلي بالك دول نصابين واحد منهم خذ بالو وقالي هوما تبعك ولا ايه ؟
والله نصابين ومنهم لله مش عارفة كل يوم بياخذو فلوس حرام لبيتهم ليه بدون وجه حق
اي حد يجرب يروح يشوف وحيحصل الكلام اللي بقول عليه
بتاع الكاوتش قدام محل موبيليا اسمه قصر علي خلوا بالكم لو في يدي شيئ كنت عملتو
من راى منكم منكر فليغيره حسبي الله ونعم الوكيل
التقييم ممتاز عشان كل الناس تعرف النصابين دول
جزاك الله خيراً على التحذير
ربنا يستر طريقنا و يسلمنا من كل مكروه و سوء......... قولوا آمين
عملوها مع والدي قبل كده وعمل 12 خرم ورجع يتخانق معايا علي اساس اني بوظت الكاوتش
قولتله نصبو عليك ودي غلطتك
وعملت فخ لبتاع الكاوتش ولبسته صح
وبعدها بفتره قفل كان جنب سور المدرسه
العجله بتلف يا كابتن
قوله هزها يمكن تصحي هههههههههههههه
يعني الموضوع ده تكرر في نفس المكان و أكتر من مره ولا أماكن مختلفه
شكراا علي التحذير
والله ممكن لو اتكررت معايا اخبطه بالعربية اكسر له رجله ولا ايده اللي تستاهل الكسر الحراميه دول وبتوع الركنات
ربنا يكفينا شر القدر
الواحد مهما يحرص ويعمل فيها بقا عنده خبره من احوال اللى حواليه
يرجع يخاف ويقلق اكتر
ربنا يستر علينا جميعا يارب
قل لن يصيبنا الا ما كتب الله لنا
أيوه حصلت معايا في نفس المكان تقريبا أو قبله شوية وطبعا إترعبت بس وقفت بعدها بمسافة وطلع الكاوتش زي الفل الحمد لله
بتحصل في شارع السودان يوميا وانا معدي من هناك رايح الصيدليه ألاقي واحد واقف عمال يقول الكاوتش لكل العربيات تقريبا
المحل ده بعد ميدان لبنان على طول
ههههههههههه الحق العجلة ماشية على الأرض....*
وساعات واحد بموتوسيكل عند النزله الجديده وبيشتغلوا الناس والمحل بيخرم العجل
معظم بتوع الكاوتش بين الدايرى بتاع المعادى والمرج عايزين ضرب النار
كله بيقلب عيشه
ومش مهم حلال ولا حرام
حسبي الله ونعم الوكيل
الف شكر على التحذير وحسبى الله ونعم الوكيل
احنا فعلا حذرنا منه قبل كدة الراجل دة
بيوقف عيل او راجل قبله بحوالي 50 او 60 متر ويقولك الفردة مريحة وبينقي العربيات الفارهة او الجديدة وحاليا مش عاتق جديد وقديم
بس غباءه انه بيعملك في الفردة بتاع 6 او 7 اخرام
يعني الفردة فيها 7 اخرام وكل دة انا مش حاسس ؟؟؟؟؟؟؟؟
غباء
بس هتعمل ايه
بيكون فعلا خرملك العجل قبل انت ما تلحق تنزل من العربية
الراجل دة مشهور جدا جدا علي نفق المريوطية بالظبط فعلا قبل المدرسة
وجمبه مقلة ومخبز عيش
شكرا علي التحذير
والله المستعان
،
،
الله يخربيوتهم خلو الواحد لو فعلا قابل حد عنده مشكله عمره ما هيقفله
هوده بالظبطاقتباس:
المشاركة الأصلية كتبت بواسطة syd
حسبي الله ونعم الوكيل
كل ما اعدي من جنبة بحاول ابعد لحسن يكون حاطط مسامير علي الارض ..
قبل كدا والدي ركن العربية جنب المدرسة رجعت لقيت 6 او 7 مسامير في كل كاوتش بدون مبالغة
ربنا يسترها
هو ينفع ابلغ عنه
ولو ينفع ابلغ مين ( الشرطة العسكرية ولا حماية المستهلك ولا الضرائب ولا الحي ولا مين )
المفروض يتبلغ عليه عشان حرام اللي بيعملوا والساكت عن الحق شيطان اخرس
شوفتة اول امبارح الواد كان بيقول للعربيات العجلة نايمة
انا المرة الجاية هنزل وهخطف الواد الصغير وهجبهلكو ونقررة ونعرف الحقيقة فين
عشان قبل كدة لبست فى 40 جنية عندهم منهم للله وكانت العربية ماليانة شغل والشنطة كمان ومعرفتش انزل الاستبن
منهم لله حسبى الله ونعم الوكيل