نفسك فى مين من السادة المترشحين يكون ريس عليك فى البلد دى ؟؟
ومين نفسك ترشحه وعارف انه مش هينجح؟
ولا مفيش حد ينفع اصلا معانا؟
عرض للطباعة
نفسك فى مين من السادة المترشحين يكون ريس عليك فى البلد دى ؟؟
ومين نفسك ترشحه وعارف انه مش هينجح؟
ولا مفيش حد ينفع اصلا معانا؟
بالظبط كده مفيش حد ينفع اصلا واول رئيس هايحكم هايطلع عينه
عايز واحد يعرف ربنا ويكون قلبه على البلد ويكون عارف مشاكل الشعب وهمومه ويكون عنده القدره على الحل
بس اهم حاجه يكون عارف ربنا
يعنى مين من الموجودين دلوقت تحسوا انه ممكن يصلح ؟
الموضوع مش دعاية لشخص بعينه
احنا بس عايزين نفهم الناس دى تنفع لغاية فين
الناس دى تنفع لغايه الجيزه لغايه الشرقيه لكن مصر كلها لا
المشكلة ان الصفات مش متوفرة في شخص واحد
يعني ال فيه القدرة السياسية او الادارية مش مضمون ولاءه لمين
و ال عنده النية الكويسة معندوش ققدرة سياسية و ادارية
عايزين محمد علي لو في منه تاني
مفيش حد متجمع فيه كل الصفات المطلوبة
يعني زي العضو aly_hosny ما ذكر بالظبط
عموما هاجاوب في حدود الافراد الموجودين
نفسك فى مين من السادة المترشحين يكون ريس عليك فى البلد دى ؟؟
عبد المنعم ابو الفتوح
ومين نفسك ترشحه وعارف انه مش هينجح؟
ابو العز الحريري
السلام عليكم ,
انا نفسى فى الشيخ حازم صلاح ابو اسماعيل , و أى كان الرئيس القادم نسال الله ان يختار لنا من يصلح .
الرئيس مش هيحكم البلد لوحده والشعب كله يقف يتفرج
هو هيقدر يحط الراجل المناسب في المكان المناسب ويكون بيعرف ربنا وعنده ضمير ويكون عنده رؤية يقدر يوجه بيها البلد لما هو افضل
والناس تلتف حواليه وينهضوا بالبلد ويكون عنده رؤية لحلول مشاكل البلد
الحاجات دى تلخص يعنى ايه رئيس
فمش لازم الخبرة السياسية مع الاقتصادية مع التعليمية مع الامنية لان ببساطة مفيش حد كدة في الدنيا !
دلوقتى المجال الواحد نفسه بيتفرع لمجالات كتير وما ينفعش الالمام بكل جوانبه ! ولو واحد حاول يعمل كدة يبقى فاشل !!
دلوقتى انا مهندس كمبيوتر او اي تى ، في مجالى اللى ممكن الناس تعتبره اصلا مجال واحد ، في واحد بتاع صيانة وواحد بتاع قواعد بيانات وواحد بتاع ادمنستريشن وواحد بتاع برمجة ويب وواحد بتاع شبكات ، وواحد بتاع برمجة برامج ويندوز وواحد له في برمجة الموبايل ، وواحد غاوى انظمة يونكس .. ...
وكل مجال فرعى ، له مجالات تانية فرعية وبحوووووووووووور كبييييرة اوى
يعنى صعب الالمام بكل حاجة بدون التميز في حاجة بعينها ..
بس ده لا يعنى ان في نفس الوقت في حد ادنى بتبقى عارفه من المجالات المقاربة ليك ، الا انك اولا واخيرا متخصص وبارع في حاجة واحدة او 2 او 3 بالكتير ..
---------
االلى يؤهلك لحاجة زي رئيس جمهورية او مدير ان عندك رؤية وشخصية محبوبة وقيادية و تكون مؤتمن وتعرف تختار الناس وتأثر فيهم ويكون عندك حكمة وبعد نظر في قراراتك ، وتعرف ازاى تاخد قرار وازاى تستشير وتستشير مين وعلى اي اساس تحدد كفاءة الناس الجديرة بالمواقع القيادية وادارة قطاعات الدولة
شوفوا فيديوهات الحملة الانتخابية بتاعت اوبااما وردود اوباما كانت عاملة ازاى لما كان عندهم ناس فاكرة ان الرئيس ده يعنى واحد محترف في كل حاجة وخبرة 10 سنين على الاقل في كل مجال !!
مفيش حد فيهم نافع ( فلول \ اسلامين ) الا حمدين صباحي و ده اعتقاد شخصي
سليم العوا ...........
حتى الان عبد المنعم ابو الفتوح
اولا العنوان مش حلو خالص لان الرئيس سوف يأتى ليحكمه الشعب وليس ليحكم الشعب لاننا ادميين وحضاريين لا يصح ان يحكمنا انما نساعده كى يتم الانضباط ثانيا حمدين صباحى فى اعتقادى انا
و إن كان أبو الفتوح من وجهة نظري أقرب المرشحين إلا أن الحقيقه للأسف إن ولا مرشح فيهم بحجم مصر أو يناسب مصر أو يحقق طموحات الشعب أو الثوره ولو كان واحد زي نبيل العربي كان إترشح كان ممكن يكون أقربهم إلى المنصب من وجهة نظري طبعاً
وبالنسبه للأخ اللي قال الموجودين يا إما إسلاميين أو فلول طبعاً الفلول لا يصلح لكن يا ريت لا نتكلم عن الإسلاميين كأنه عيب أو نقصان فيهم ويا ريت يكون الإعتراض على أشخاص أو شخصيات لأن لا يعيب الإسلامي كونه إسلامي ولكن يعيب فلان إنه بيعمل كذا أو بيقول كذا أو فلول أو مش أمين أو أو وهكذا
وشكراً لصاحب الموضوع الهادف
عبد المنعم ابو الفتوح ان شاء الله
شخصيه قويه
واحد مننا
تاريخ نضالي مشرف