الموضوع: انا اتخنفت والله وقربت اسيب البيت

المثل بيقول " متعرفش قيمة امك الا لما تشوف مرات ابوك "

تملي امي تقولي المثل ده و تقولي بكره تتجوز و تعرف قيمه امك فبقولها لما اتجوز الاول ربنا يساهل هههههههههههههههههههه و الله اهالينا دول عسليه مهما عملوا فينا

فى البداية طبعا شكرا جدا على نصائحكم الغالية

المشاركة الأصلية كتبت بواسطة cdkareem

معلش انا اسف يعنى ايه مش بتشوف والدك غير بالصدفة ؟
يعنى هو بسيب البيت ويروح يتفسح ولا بيتعب وطالع عينه هو كمان علشان يصرف على البيت ، يا جماعة ابوس ايديكم بلاش تتعملوا مع اهلكم من وجهة نظر واحدة ، مصيرك فى يوم من الايام هتكبر وتتجوز وتشيل مسئوليه اولادك وهتعمل نفس اللى بيعمله ابوك دلوقت ، اسف على كلامى بس دى الحقيقة ، معظم الشباب دلوقت مش حاسه يعنى ايه مسئولية بيت 0

لا يا فندم هو بيجى من الشغل على الساعة 3 العصر على ما يتغدى وينزل بعد صلاة المغرب ويطلع الساعة 12 او 1 باليل

المشاركة الأصلية كتبت بواسطة screenplays

كلامك سليم ان الشباب ميعرفش يعني ايه مسئوليه بيت و لكن هل الابهات لسه فاكرين ان مسئوليه البيت صعبه فيتعاملوا معانا بالطريقه دي ؟ اللي مش قد المسئوليه ميتجوزش من الاول و انا بتكلم بشكل عام و الله لما ابويا بيعد يعمل العمايل دي ببقي نفسي اقولهاله بس بمقدرش عشان ده برضه ابويا اللي بحبه و بحترمه

والله العظيم نفسى اقول الكلام دا باردوا بس طبعا ماينفعش
المفروض الواحد يعيش حياتة الاول ويعمل كل اللى هو عايزة وبعدين يتجوز انما ماينفعش انة يجى يعيش حياتة اوى كدة وهو متجوز وعندة عيال عايزين اهتمامة ووقتى كلة

المشاركة الأصلية كتبت بواسطة aif

واضح ان مفيش لغة حوار مشتركة بينكم
ربنا يهدي الحال
عاوز اقولك ان كل ما الانسان بيكبر في السن كل ما قدرته على التغير بتقل
انت تقدر تغير اسلةبك لكن هو صعب جدا
وعاوز اقولك حاجة كمان يمكن ماتصدقهاش ... اكتر واحد بيحبك في العالم هو ابوك
وحاجة اخيرة .... معاملة الابناء للآباء سلف ودين
ولازم يترد في الاجيال القادمة ..... يعني زي ما خ تعامل ابوك وتستحمله وتبره ..... او تتنرفز عليه وتعقه ..... زي ما بالظبط ح يعمل اولادك معاك لما تكبر
...
ربنا يصلح الحال ويهدي نفوسكم

والله العظيم انا عارف دا وعارف انة خايف على مستقلبى وحنين اووووى
بس اسلوبة ومعملتة تخليك حتى لو عملك كل اللى انت عايزة باردوا هاتبعد عنة
وعلى فكرة انا اصلا مش عايز حاجة منة والله غير المعاملة الكويسة او على الاقل احسن انى ليا اب بيعاملنى كويس وبيخاف عليا
ويبقى فى بينا لغة حوار ووالله العظيم ماعايز حاجة غير كدة

المشاركة الأصلية كتبت بواسطة epnmasr

بالإضافه لكل اللي نصحك تستحمل وتصبر علشان أبوك وحرام تغلط معاه
أنا عايزك تحاول تبتدي أنت معاه بالرفق واللين والطاعه يعني ممكن وإنت رايح الجامعه أو شغلك تسئله عايز حاجه وأنا جاي أو محتاج حاجه يا بابا وتقوله إدعيلي أنا عارف إنها خطوه صعبه جداً في حالتك دي ولكنها ليست مستحيله وتستطيع ذلك ولو فعلاً قال لك أعمل كذا أو هات كذا نفذ وجرب الموضوع ده أكتر من مره وهتشوف الفرق إن شاء الله و متكشرش في وشه ومتردش عليه رد وحش مهما حصل ومهما قال وربنا يهديه لكم ويهدينا جميعاً

وانا فعلا لو هو قال اى حاجة بتتنفذ فى الحال ومش بغلط فية خالص
بس فى اوقات لما الحوار بيبقى خلاص جاب اخرة انا كل اللى بعملة انى يا بسكت ياما ارد رد باحترام مش غير اى عصبية ولا كلام عيب بس باردوا مابيبقاش عابة

المشاركة الأصلية كتبت بواسطة midoabdeen

فى البداية طبعا شكرا جدا على نصائحكم الغالية
لا يا فندم هو بيجى من الشغل على الساعة 3 العصر على ما يتغدى وينزل بعد صلاة المغرب ويطلع الساعة 12 او 1 باليل

والله العظيم نفسى اقول الكلام دا باردوا بس طبعا ماينفعش
المفروض الواحد يعيش حياتة الاول ويعمل كل اللى هو عايزة وبعدين يتجوز انما ماينفعش انة يجى يعيش حياتة اوى كدة وهو متجوز وعندة عيال عايزين اهتمامة ووقتى كلة

برضه عشان نكون عادلين هما اه مطحونين في شغلهم و لكن الواحد بيحس انهم في المقابل بيطلعوا قرفهم فينا و كأنهم ندمانين انهم خلفونا انا مش فاهم هما يخلفونا و ينسونا ؟ ههههههههههههههههههه و الله حاجه تجيب الشلل