عايز اشترى حاجات من الامارات والكويت..ايه نظام الجمرك

لو سمحتوا ياجماعة
انا احتمال اسافر الامارات اوالكويت قريبا كسياحة

لو حبيت اشترى حاجة زى الايباد 3 او اى موبايلات..ياترى لازم اشترى حاجة واحده بس من كل نوع على اساس انها استعمال شخصى؟؟

زى مثلا ممكن اجيب ايباد و3 موبايل واشتريتلهم خطوط وركبتها فيهم كأنى بستعملهم و3 ساعات ولابتوب ماك مثلا دول يتحسبوا عادى استعمال شخصى؟؟

والعلب بتاعتهم مستحيل تدخل ابدا؟؟؟

طب لو حصل وجبت مثلا 3 ايباد و5 موبايلات و2 لابتوب ابل ماك ساعتها يحصل ايه؟؟

وامتى اتجمرك على اى حاجة؟؟

وهل اقدر اجيب اكتر لو معايا حد من صحابى واشتريت واديتهومله مؤقتا فى المطار كأنهم بتوعه واستعماله الشخصى؟؟

ممكن الافاده لانى مسافرتش بره مصر قبل كده وحابب اعرف كل حاجة بالتفصيل الممل
وشكرا ليكم :)

لو شاف معاك الكترونيات كتيرة هيقفش فيك ويا تعرف تفهمه يا متعرفش
لو جبت ايباد ولاب وموبايلين تلاتة مش هيقولك حاجة .. بس يفضل تشيلهم معاك في ايدك او في شنطة على كتفك

اشكرك للرد اخى
هو انا ليا استفسار
لو معايا مثلا 4 موبايلات فجيبى يعنى 2 فكل جيب وفيهم خطوط
ولابتوب فشنطته ومعاه ايباد فنفس الشنطة..كده يبقى ايه النظام؟؟

طب ولو حطيت لاب وايباد تانى فشنطة الملابس يبقى الموقف ايه؟؟
وياترى هما بيفتشوا الراكب؟؟يعنى يعرف انا معايا كام موبايل فجيبى؟؟ويخلينى افتح شنطة اللاب كمان ويبص جواها؟؟
طبعا علب الحاجات دى باى باى طبعا..صح؟؟؟

عاااااااادى مش هايحصل حاجة بالنسبة للموبايلات عادية انا والدتى لما بتبقى جاية بيبقى معاها اربع موبايلات عادى بالنسبة للاب توب من حقك يكون معاك واحد اللى هو بتاعك وواحد ثانى عادى والايباد كذلك واحد شخصى وواحد عاااااادى.... وبالنسبة لفتح شنط اللاب على حسب لو وقعت مع واحد رخم ممكن يعملها انما فى العاده بيمشوها على الجهاز وخلاص.....
برده علشان لو قلقان من الموضوع ده وانت فى المطار والناس للى هاتبقى تبع الرحلة بتاعتك ممكن تستاذن من اى حد منهم وتقولهم لو ممكن ده بس يفضل معاك لحد بعد التفتيش وخلاص ماحدش بيعترض.... :)

عاااااااادى مش هايحصل حاجة بالنسبة للموبايلات عادية انا والدتى لما بتبقى جاية بيبقى معاها اربع موبايلات عادى بالنسبة للاب توب من حقك يكون معاك واحد اللى هو بتاعك وواحد ثانى عادى والايباد كذلك واحد شخصى وواحد عاااااادى.... وبالنسبة لفتح شنط اللاب على حسب لو وقعت مع واحد رخم ممكن يعملها انما فى العاده بيمشوها على الجهاز وخلاص.....
برده علشان لو قلقان من الموضوع ده وانت فى المطار والناس للى هاتبقى تبع الرحلة بتاعتك ممكن تستاذن من اى حد منهم وتقولهم لو ممكن ده بس يفضل معاك لحد بعد التفتيش وخلاص ماحدش بيعترض.... :)

اها حلو اوى رد حضرتك
بس ممكن حد يخاف ياخد حاجة عند التفتيش لحسن يفتكرها فيها حاجة وانا بلزقهاله ويتمسك بيها
وافرض حد جه فنفس الرحله واديته علب الحاجات دى بس فاضيه وحطهم جوه بعض فشنطته..يحصل حاجة؟؟

متقلقش وهات اللى انت عاوزه واوعى تحاول تدى حد حاجة
هيبقى منظرك وحش ومحدش هيرضى ياخد منك حاجة فمتحرجش نفسك

طالما هتجيب لابتوب واى باد وكام موبايل يبقى مافيش مشكلة

اشكرك استاذى للمشاركة
بس الراجل مش هيستغرب لو لقى فجيبى 4 موبايلات مثلا؟؟
و2 لاب توب و2 ايباد؟؟
ولا كده كتير وملفت اوى؟؟
ومش هيشك لو لقاهم كلهم بلزقة الشاشه وشكلهم زيرو؟؟