ممكن السادة الكرماء يوصفولى ازاى اروح مدينة الشروق وانا جاى من طريق اسكندرية الصحراوى وتقريبا حياخذ منى وقت اد ايه
ممكن السادة الكرماء يوصفولى ازاى اروح مدينة الشروق وانا جاى من طريق اسكندرية الصحراوى وتقريبا حياخذ منى وقت اد ايه
وقت دى حسب الزحمه على الدائرى بس لو الدنيا ماشيه ياخد حوالى 40 دقسقه على الدائرى و 20 دقيقه على طريق السويس .. بس لو زحمه ممكن الموضوع يكون اطول
و انت جاى من الصحراوى كمل على طول من تحت المحور لحد الدائرى و اطلع الطلعه اللى بعد ما تعدى من تحته .. هتمشى 2-3 كيلو هتلاقى منزل ملكش دعوه بيه و بعديه ب 100 متر دخله يمين تاخدها و كده انت على وصلة المريوطيه تكمل طوالى و هتلف معاها كده مسكت الدائرى و طوالى كتير هتنزل نفقين (نفق التجمع و نفق اكاديمية الشرطه) و بعديهم هتلاقى JW mariott على يمينك تنزل طريق السويس من النزله اللى بعد الفندق على طول و تكما حوالى 20 كيلو فى طريق السويس هتلاقى مدينتى على اليمين و الشروق على الشمال .. تاخد يوترن و ترجع يمين مدخل الشروق 1 بعد بنزينة اويليبيا
مش عارف اشكرك ازاى على ردك الجميل
انا سفرياتى للقاهرة قليلة جدا
ممكن توصفلى بشكل اكثر تفصيلى من بعد بوابة الرسوم
اطلع اى كوبرى او ادخل اى دخلة لانى مش عارف بصراحة دخلة المحور من دخلة الدائرى
اعذرنى لجهلى بالقاهرة ودخلاتها لكن هى ديه الحقيقة
هى دخلة مدينة 6 اكتوبر توصل للشروق لانى قبل كده زرت مدينة الانتاج الاعلامى فعارف الدخلة ديه كويس
سامحنى لطلبى
اخيك
محمد
لا يا باشا انت عايز تروح ناحية الشرق (شمال من وانت جى منن اسكندريه) 6 اكتوبر غرب يعنى بتخش يمين ....
طيب ركز معايا بقى و انا حجاول اقولك بالتفصيل اسهل طريق مفيهوش اختيارات كتير (بس ممكن يكون اطول سنه)
هو انت هتطلع من اسكندريه الساعه كام ؟
انا هقولك على وصفه بس ممكن حسب معاد دخولك القاهره اغيرهالك بحاجه اسهل
انت بعد البوابات هتكمل طوالى و هتعدى من تحت المحور و مكمل طوالى برضه هتلاقى نفق تنزله و تكمل طوالى هتلاقى طريق بالعرض فوق قدامك ... ده الدائرى اول ما تعدى من تحته هتلاقى ليه طلعه يمين تطلعها (كأنك من اتجاهك الاصلى دخلت شمال) و هتمشى حوالى 3 كيلو هتلاقى يافطه المريوطيه يمين خلى بالك ان فى منزل بعد اليافطه على طول ملكش دعوه بيه (ده اول منزل يمين بعد ما تركب الدائرى) و بعديه ب 100-200 متر دخله يمين (مش منزل) و هتلاقى كأن فى كوبرى قدامك بالعرض و انت هتخش من تحته او جنبه .... المهم انت هتخش فى تانى يمين بعد ما تطلع الدائرى .... هتفضل ماشى و هتلاقى الطريق بيلف بيك شمال (معنكش اختيارات انت بتلف معاه) و تفضل طوالى متنزلش اى منزل ... هتعدى النيل و طوالى و هتعدى منزل الاوتوستراد و طوالى ... هتلاقى بنزينة الامارات على يمينك و بعدها كارفور و انت طوالى .... هتلاقى بعد شويه نفق تنزله و تكمل هتلاقى نفق تانى تنزله و بعديه بحاجه بسيطه هتلاقى فندق JW mariot و يفط طريق السويس ... تنزل اول نزله بعد الفندق كأنك رايح السويس .... بعد حوالى حوالى 20 كيلو فى طريق السويس هتلاقى مدينتى على اليمين و الشروق على الشمال (فى يفط متقلقش) .. تاخد يوترن و ترجع يمين مدخل الشروق 1 بعد بنزينة اويليبيا
لو عايز وصفه ترجع ازاى اقولك بس مستنى منك تقولى متوقع تكون عند بوابات القاهره على كام
اخى اشكرك جدا على ردك بالتفصيل
انا متوقع اخرج من اسكندرية حوالى خمسة ونصف الفجر وبكده ممكن ان شاء الله اصل للبوابات عند مدخل القاهرة حوالى من سبعة ونصف الى الثامنة صباحا
انا ان شاء الله حمشى حسب وصفتك بالضبط وربنا الحارس وان شاء الله اصل بخير
جزاكم الله خيرا
اخيك
محمد
كويس ... فى الوقت ده ان شاء الله ده احسن طريق ... تيجى بالسلامه ان شاء الله