ان شاء الله عندى فرح يوم الخميس المقبل فى دار الدفاع الجوى وعاوز طريق سهل ياجماعه اذا سمحتو انا جاى من طنطا الزراعى يعنى ياريت وصف للذهاب والعوده
عرض للطباعة
ان شاء الله عندى فرح يوم الخميس المقبل فى دار الدفاع الجوى وعاوز طريق سهل ياجماعه اذا سمحتو انا جاى من طنطا الزراعى يعنى ياريت وصف للذهاب والعوده
اطلع دائرى من الزراعى فى اتجاه مدينة السلام (الطلعه اللى بعد ما تعدى من تحت الدائرى) و تكمل و تنزل نفق السلام و بعديه ب حوالى 8-10 كيلو منزل الماظه (بعد مدخل المطار على طول) هتنزل و تكمل فى اتجاه القاهره هتطلع الكوبرى اللى هتلاقيه و بعديه هتعدى من تحت 2 كوبرى (هتعدى من تحت واحد و تمشى شويه و تعدى من تحت التانى) و تاخد اول يوترن و ترجع تخش يمين من جنب الكوبرى ... هتمشى حوالى 400 متر هتلاقى اول سور دار الدفاع .. غالبا هتخش يمين قبل الدار لأن مدخل الجراج فى الشارع الضيق
و انت راجع نفس الطريق .. هتطلع من دار الدفاع و توصل للشارع الرئيسى ... هتكمل طوالى و تلف يوترن و ترجع ما تاخدش الكوبرى و تنزل يمين من جنبه كده طريق السويس تفضل ماشى فيه لحد الدائرى و تاخد المطلع اللى بعد ما تعدى من تحت الدائرى عشان تكون فى اتجاه الزراعى .. هتنزل نفق السلام و تكمل لحد نزلة الزراعى
خلى بالك بس ان الخميس زحمه فاعمل حسابك فى الوقت
الاخ الفاضل / هناك عدة طرق للدخول الى القاهرة 1- الطريق الدائرى من طلعة مدينة نصر من تحت الطريق واول طلعة يمين وتمشى على طول هيقابلك اول نفق عدى النفق وامشى على طول الى ان تصل الى طريق السويس - القاهرة وانت مازلت على الطريق الدائرى ستجد لوحة المتجه الى الماظه والمطار امشى فى هذا الطريق على طول لا يمين ولا شمال هيقابلك كوبرى اركب الكوبرى وامشى بعد مسافة بسيطة اسال عن شارع النزهة ودار الدفاع الطريق ده طويلاقتباس:
المشاركة الأصلية كتبت بواسطة elshinzawy
2- او امشى من الرراعى على طول لحد عبود بعد عبود 300 متر هتلاقى كوبرى فوق احمد حلمى والسكة الحديد ادخل يمين قبل الكوبرى مباشرة عشان تركب الكوبرى وتمشى على طول لا يمين ولا شمال الكوبرى اسمه كوبرى ابوافيه الى ان تصل الى منطقة كوبرى القبة هتركب الكوبرى وهو فى طريفك لا يمين ولا شمال هينزلك فى شارع الفنجرى امشى على طول هتصل الى الاتوستراد امشى فى اتجاه السيارات ومع اول تيرن لف وامشى فى الاتوستراد على طول لا يمين ولا شمال الى ان ترى ساعة ضخمة على شمالك والجامعة العمالية على يمينك اول تيرن لف وامشى هتلاقى شارع النزهة على يمينك ادخل الشارع وامشى على طول الى ان تجد كوبرى متطلعش وحاول تركن تحت الكوبرى ودار الدفاع على شمالك او تركن فى البارك بتاع دار الدفاع بس الساعة ب10جنيه وتوصل بالسلامة
معلش مع احترامى لرأى الزميل اوعى تعمل نمره 2 دى يوم الخميس ... مش هتوصل غير بعد الفرح ... الطريق ده ممكن ياخد جوه القاهره ساعتين تلاته مستريح ... خليك فى 1 اللى هو انا وصفتهولك بالتفصيل فى اول مشاركه
اسف مش فاهم اعدى من تحت الكوبرى ازاى يعنى الكوبرى بعرض الطريق ولا ايهاقتباس:
المشاركة الأصلية كتبت بواسطة mohamed_selim
بالظبط كده
هتلاقى الكوبرى بالعرض و مفيش تقاطع ولا اشاره وانت ماشى فى طريقك من تحته
توصل بالسلامة
اخى الكريم
دار الدفاع الجوى فى شارع النزهه بجوار الرقابه الاداريه
الطريق اليها كالتى:ـ
حضرتك تركب الدائرى من الزراعى اتجاه مصر الجديده وتعدى نفق السلام وتظل سائراً فى الطريق حتى منزل السويس اتجاه الماظه وتظل سائراً حتى اعلى الكوبرى وتواصل السير اتجاه مصر الجديده بسرعه معقوله وتخلى حضرتك فى الشمال واول يوترن شمال تلف معاه ومع اول يمين طريق الاتوستراد تدخل فيه وتسير يميناً وبسرعه معقوله وستلاحظ قسم مدينه نصر على شمال الطريق حتى ميدان الساعه فى وسط طريق الاتوستراد ستعرفه مجرد ان تراه قبل شارع عباس العقاد وستلاحظ باركنج كبير للسيارات على اليمين تدخل مع الشارع ستكون دار الدفاع الجوى شمال حضرتك
وطريق العوده ستخرج من شارع النزهه يمين وتذهب تدريجياً للشمال عشان اليوترن وتكمل طريق العوده بالسلامه
وتوصل بالف سلامه
حضرتك عارف أكيد ان الوصفة دى هتخليه يروح يلف يوترن من تحت الكوبرى عند شارع الثوره.....
فالأفضل يمشى على الوصفة الاولى أسهل و مفيهاش لخبطه
اقتباس:
المشاركة الأصلية كتبت بواسطة mohamed_selim
اخى الكريم
اشكرك على المداخله
ولكن لما بنوصف لواحد فى القاهره هيكون اكيد عارف طرق بديله او انو على الاقل يسلك فى الطريق ميتوهش
لكن لما نوصف لواحد غريب عن المكان واول مره يروحه فكلما امكن الوصف بدقه حتى لو فى طريق اطول بس مش هيلف كتير
دا كان هدفى
واليوترن هنا قبل الكوبرى هتبقا ايدال على اليمن وعلى الرصيف التانى
دار المدفعيه
واللفه دى لو حضرتك خارج من موقف الماظه للسوبر جيت يمين هتكمل لحد متطلع شارع الثوره فالطريق اجبارى يمين فى اتجاه نفق الثوره ولو هتدخل الاتوستراد فدا يوترن اجبارى شمال ومش بعيد لان بلف
منو كتير اوى
اشكر حضرتك
باشا طبعا لما بنوصف لحد مش عارف لازم نديله أسهل وصفه ....
بدل ما يلف ٢ يوترن هيكمل طريق السويس طوالى ويعدى تحت كوبرى الاوتوستراد و كوبرى النزهه (كله طوالى ومفيش أسهل من كده) و هياخد يوترن واحد ويرجع يمين هيلاقى الدار على يمينه ...... مش عارف رأيك إيه بس ما اظنش ان ده صعب ....بالعكس وصفة حضرتك أصعب و فيها كذا لفه تلخبط
اقتباس:
المشاركة الأصلية كتبت بواسطة mohamed_selim
ياباشا انا سعيد بوجودك
واحنا عرضنا ارائنا على صاحب الموضوع ان يختار مايناسب له
كل التحيه لحضرتك