الموضوع: نصيحة بسأن شكمان Felicia/Combi,Favorit/Forman

السلام عليكم , انا حبيت اكتب الموضوع دة علشان ممكن يفيد ناس كتير, هو عن تعديل الشكمان,
طبعا الكل عارف ان لو الشكمان مش حلو او مسدود بيزود الحمل على الموتور , و بالتالى الواحد بيحرق بنزين اكثر و بيتعب الموتور , شكمان سليم = متور مرتاح
طب الواحد لازم يعرف فايدة الشكمان الاول قبل ما نعدل فيه ,هما فايدتين بس
1- طرد العادم
2-تقليل صوت العادم اثناء الخروج من الموتور

التعديل و فوائده :
التعديل بكل بساطة يكمن فى مساعدة العادم فى الخروج السلس حتى لا يتم التحميل على المتور , عن طريق مواسير و علب اوسع عن الاستاندرد , حيث ان الشركات اهم حاجة عندها ان العربية يكون صوتها واطى فبيستخدوا مواسير ديقة و علب صغيرة

كيف يتم التعديل :
الشكمان عندك فى Favorit,Forman,Felicia,Combi عبارة عن مشترك (2 ماسورة بيتجمعوا) سوستة , علبة رقم 1 و علبة رقم 2 , مقاس المواسير تقريبا كان 1 بوصة (مش فاكر لو غلط حد يصلحلى)

علشان نعمل التعديل حنحتاج:
1-سوستة شكمان النوبيرا , دى بوصة و نص
2- مسورة واحد و نص بوصة
3-علبة الشكمان الخلفية فقط من سيارة نوبيرا او حاجة شبها

سيتم الاستغناء عن العلبة الى فى النص علشان ملهاش لزمة و وزن على الفاضى و بتعمل مقاومة للعادم اثناء الخروج

نقطة مهمة :
الماسورة من بعد السوستة حتى العلبة الخلفية لازم تكون قطعة واحدة بدون لحامات و الثنيات تكون بدون عصرعلى قدر الامكان , علشان العصر بيضيع كل الشغل الى بنعملوا دة

كلام بعض الميكانيكية ملوش لازمة:
1-لو مشيت بعلبة واحدة العربية حتسخن ..... كلام فارغ العربية درجة الحرارة قلت جامد
2-لو حتطيت مواسير اوسع العربية مش حتسحب ..... كلام فارغ برضوا العربية بتسحب احسن من الاول بكتيير
كان ناقص يقولى "يا بية الى انتا بتقولو دة عيب و حرام ! "

نخش على المفيد , الفوائد و العيوب
1- درجة الحرارة على طول واطية صيف و شتاء
2- سحب احسن و السرعة القصوى زادت ( الاصلى 140 , الان 165)
3- صوت الشكمان اعلى شوية على عدد اللفات القليل ( بس صوت جامد زى شكمانات الدفيل )

التكلفة الاجمالية فى حدود ال 250-300 حسب الصنايعى , منهم 100 (اقل او اكثر) ثمن السوستة

انا عملت التعديل دة على Forman 94 , العربية الحمد لله دلوقتى احسن من الشكمان الاصلى 100 مرة , لو فى حد عاوز يستفسر عن حاجة يسأل و انا تحت امركم , ارجو الموضوع يكون مفيد