هو الواحد مننا يعرف أزاى أن الأنسانة دى بيحبها وأنة المفروض يتجوزها؟!

**Ghosts** · 30-03-2012 08:24 AM

المشاركة الأصلية كتبت بواسطة megamoudy

بلا وجع دماغ عيش لنفسك ......

تصدق بالله أنت عندك حق ....
الواحد بعد ما يشتغل و يكسب و يحوش ويحرم نفسة ....
يروح بمنتهى السذاجة يتجوز و يصرف كل اللى وراة واللى قدامة ....
عشان فى الأخر يلاقى نفسة عايش مع واحدة نكدية مطعة عينة

و مخلياة مش عايز يروح ....

**khaled_yassin** · 30-03-2012 10:21 AM

ايه يا رجاله حرام عليكم بصراحة
طب لو كل دول مضربين عن الجواز , البنات هتتجوز مين
ومن الاخر كلنا هنتجوز ومش بمزاجنا مجبر اخاك
فتتجوز بمزاجك احسن ما تتجوز غضب عنك
انا ليا تجارب وارتباطات مع اكتر من بنوتة بس لسة ما حصلش النصيب
انا بكرة جواز الصالونات وما فكرتش فيه اصلا
واى بنوته انت بترتبط بيها صدقنى هتتغاضى عن نقط كتير اوى فيها
وبعد ما تبعد عنها هتفكر فى العيوب دى
فلازم البنوتة الى ناوى ترتبط بيها تشوف انها مناسية ليك بالكامل ولا لالا
ونصيحة اخيرة فعلا ما فيش احلى من الارتباط ببنوتة انت بتحبها
والله احساس تحفة
وربنا يكرمك يا رب

**Screenplays** · 30-03-2012 05:44 PM

المشاركة الأصلية كتبت بواسطة khaled_yassin

ايه يا رجاله حرام عليكم بصراحة
طب لو كل دول مضربين عن الجواز , البنات هتتجوز مين
ومن الاخر كلنا هنتجوز ومش بمزاجنا مجبر اخاك
فتتجوز بمزاجك احسن ما تتجوز غضب عنك
انا ليا تجارب وارتباطات مع اكتر من بنوتة بس لسة ما حصلش النصيب
انا بكرة جواز الصالونات وما فكرتش فيه اصلا
واى بنوته انت بترتبط بيها صدقنى هتتغاضى عن نقط كتير اوى فيها
وبعد ما تبعد عنها هتفكر فى العيوب دى
فلازم البنوتة الى ناوى ترتبط بيها تشوف انها مناسية ليك بالكامل ولا لالا
ونصيحة اخيرة فعلا ما فيش احلى من الارتباط ببنوتة انت بتحبها
والله احساس تحفة
وربنا يكرمك يا رب

ان شالله ما عنهم ما اتجوزوا و لا شافوا جواز و خلي تناكتهم و دلعهم ينفعهم و خليهم اهاليهم اللي بيتنكوا برضه يعدوا يكعوا مصاريف لحد ما البنت تبقي عندها 60 سنه هههههههههههههههههههه خليهم قاعدين في ارابيز ابوهم و الله يستاهلوا

**الغزالى** · 30-03-2012 07:59 PM

المشاركة الأصلية كتبت بواسطة Mohab.Nabil

ههه جواز ايه بس يا عم هتضيعنا و لا ايه ؟

كل ما فى الموضوع انى دخلت اتفرج و لقيت الكلام ده فلقيته بيحصل معايا فعلا بس الموضوع فعلا حتى الخطوبة انا مأجله مش وقته خالص

لو معايا فلوس الـ ds4 هجيب الـ C5 هههههههه

و بعدين الرجالة هنا عاملة الواجب و زيادة .. الواحد كره الجواز من قبل ما يفكر فيه اصلا

نعم ... انت مسحوب منك العريبه ال c4 بتاعتك سوء استماع وسخريه .. تسيب عريبه تربو عشان تركب ال c5

**Screenplays** · 30-03-2012 08:05 PM

انت مسحوب منك العريبه ال c4 بتاعتك سوء استماع وسخريه

ههههههههههههههههههههههههه هههههه

**engtmk** · 30-03-2012 11:05 PM

المشاركة الأصلية كتبت بواسطة ghosts

هو الواحد مننا يعرف أزاى أن الأنسانة دى بيحبها وأنة المفروض يتجوزها؟!

أصلى عمرى ما قابلت بنت حسيت ناحيتها بالحب و الأنسجام ....

ممكن أقابل واحدة جميلة جدآ

بس لسانها طويل ومسترجلة وبيئة .... :01964e~163:
أو جميلة جدآ بس باااااااااااااردة و دمها يلطش الوقت معاها بيعدى ببطىء عجيب ....

أو متوسطة الجمال بس أخلاقها كويسة ....
بس الجمال مهم بردوا هو الواحد هيتجوز كل يوم؟؟!!

عندى فى الشغل بنات أشكال وألوان ....
بس فعلآ ولا كأنى شايف أى واحدة فيهم ....

وبقول لنفسى لو الدنيا مفيهاش غير البنات دول يبقى أن شالله عنى ما أتجوزت أحسن ....
أصل اللى يفوتة قطر الجواز أخسن ما يدوس علية ....

طب أعمل أية؟؟!! :u_thin1[1]:
مع العلم أنى مش من مؤيدين فكرة جواز الصالونات دى ....

عمرك اخترت الطوبه اللي بتتكعبل فيها في الشارع

ده نصيب
نفس الشئ الجواز مهما اخترت ومهما نقيت هتقع هتقع في احسن اعمالك ان شاء الله

**totaa** · 31-03-2012 03:17 PM

السلام عليكم ورحمة الله وبركاته

يمكن الموضوع يخص آدم أكثر لكن إسمحولي بالمشاركة فيه ولا تعتبروا ذلك ني تطفلا
فقد جذبني العنوان وشدتني ردودكم فلقد تابعتها جميعاً لذا إمسحولي أرد على بعض النقاط:ـ
فردا على من قااال أن عدم الزواج أفضل اقرأ هذا معي:ـ
1- فقد جاء من طرق عن بُرد بن سنان – وهو ثقة – عن مكحول عن عطية بن بسر الهلالي عن عكاف بن وداعة الهلالي ، ولفظه :
( أنه أتى رسول الله صلى الله عليه وسلم ، فقال : يا عكاف ! ألك امرأة ؟ قال : لا . قال : فجارية ؟ قال : لا . قال : وأنت صحيح موسر ؟ قال : نعم . قال : فأنت إذا من إخوان الشياطين ، إن كنت من رهبان النصارى فالحق بهم ، وإن كنت منا فإن من سنتنا النكاح ، يا ابن وداعة ! إن شراركم عزابكم ، وأراذل موتاكم عزابكم ، يا بن وداعة ! إن المتزوجين المبرءون من الخنا ، أبا الشيطان تمرسون ، والذي نفسي بيده ما للشيطان سلاح أبلغ - وقال بعضهم أنفذ - في الصالحين من الرجال والنساء من ترك النكاح ، يا ابن وداعة ! إنهن صواحب أيوب وداود ويوسف وكرسف ، قال : بأبي وأمي يا رسول الله وما كرسف ؟ قال : رجل عبد الله على ساحل البحر خمسمائة عام - وقال بعضهم ثلاثمائة عام - يقوم الليل ويصوم النهار ، فمرت به امرأة فأعجبته فتنها ، وترك عبادة ربه وكفر بالله ، وتدارك الله عز وجل بما سلف فتاب عليه ، قال : بأبي وأمي يا رسول الله زوجني ؟ قال : زوجتك باسم الله والبركة زينب بنت كلثوم الحميرية )
رواه العقيلي في "الضعفاء الكبير" (3/356) وابن قانع في "معجم الصحابة" (1274)

أما عن من وصف البنات بالتناكة والدلع وغيرها من الصفات
ربما أنت لم تر إلا هؤلاء فلا تعمم ..ولكني أقول أن في كلا الجنسين أولاد وبنات الكثير
ممن يشوهون البقية فلا تنكر بعض الصفات الذميمة للأولاد أيضا لكننا أبدا لا نعممها
لأن الانصاااااااف يقول أنني أرى الرجل بعين رؤيتي لأبي وأخي وإبني وزوجي
وعليك أنت الآخر أنت ترى البنت برؤيتك لأمك وأختك وإبنتك وزوجتك
لذا فالتعميم غير منصف ....

اسمحولى كلمة أخيرة..ردا على سؤال صاحب الموضوع ..
هتعرف البنت دي لما تحسها مميزة عن غيرها في كل حاجة ..ممكن ما تكون جميلة لكنها
هتكون بعينك أجمل من أى بنت ..هتجذبك أدق تفاصيل كلامها ..وهتدهشك ضحكتها
هتشتاق لها وأنت معاها ..هتحس بيها وهى بعيدة عنك إذا حزينة أو فرحانة
لما تيجي تقول جملة وتلاقيها بتسبقك بنفس الجملة ..ولما تخطر في بالك فكرة وتلاقيها
بتكملك تفاصيلها وبتشاركك فيها..وقتها هتكون حبيت بجد ..

ميزة زواج الصالونات إنه بيضمنك عيلة محترمة + بنت أخلاقها كويسة +وعقلك بيحبها مع قلبك
أما عن الحب قبل الزواج فعيبه إنه بيخليك تمشى ورا قلبك بدون تفكير وكل لما تشوف خطأ
تحاول تلاقيله مبرر عشان ما تجرح قلبك وقلبها وفى الآخر يايتم الجواز أو لا..

كل احتراااااااااامي للجميع وبعتذر مرة تانية على تطفلي فى المرور والرد

توتااااااا

**Screenplays** · 31-03-2012 05:51 PM

أما عن من وصف البنات بالتناكة والدلع وغيرها من الصفات
ربما أنت لم تر إلا هؤلاء فلا تعمم ..ولكني أقول أن في كلا الجنسين أولاد وبنات الكثير
ممن يشوهون البقية فلا تنكر بعض الصفات الذميمة للأولاد أيضا لكننا أبدا لا نعممها
لأن الانصاااااااف يقول أنني أرى الرجل بعين رؤيتي لأبي وأخي وإبني وزوجي
وعليك أنت الآخر أنت ترى البنت برؤيتك لأمك وأختك وإبنتك وزوجتك
لذا فالتعميم غير منصف ....

و الله العبد لله تعامل مع طوب الارض و اتلاقيت ان 99 % من البنات المصريات متدلعين و تنكين و العكس صحيح مع البنات اللي من جنسيات تانيه

اه فعلا 99 % من الولاد عينيهم تندب فيها رصاصه و انا مبنكرش كده الا من رحم ربي

و بعدين اني ابص للبنت بالعين اللي ببص بيها علي اختي و امي ده غير صحيح لاني كده بشتغل نفسي للاسف و مبقاش عايز اشوف عيوب البنت اللي قدامي