احدث تكنولوجيا في خدمة الاطارات و امان الاطارات
اعضاء و صقور نايل موتورز
من فتره كنت عديت على محل tire mania لخدمات تسليح الكاوتش و انبهرت الصراحة بدقة العمل هناك و ازاي بيستخدموا تكنولوجيا متطوره و انتوا عارفيني مبحبش الا الشغل على اسس علميه
و يمكن اول مره اشوف الامكانيات دي في مصر من ناحية
1- تسليح الكاوتش
2-ترصيص الكاوتش
3-اي جهاز متعلق بخدمة الكاوتش
من ناحية تسليح الكاوتش هما ماشيين زي ما الكتاب بيقول و بيشتغلوا بنفس الطرق و الاجهزه الموجوده بره مصر و انا اتاكدت من ده بنفسي
اما عن الترصيص فحدث و لا حرج اولا اول مره اشوف محل جايب جهاز جديد ترصيص مش يوزد و كمان احدث حاجه نازله و فيه معايره ذاتيه و بيتم معايرته دوريا مش زي بقية الورش
و ده اهم شئ و الاهم ان الفنيين مدربين عليه كويس و كمان عندهم خبايا المهنه الي مثلا منها ان الكاوتش فيه نقطه حمرا من بره لازم تكون قصاد البلف في الجنط عشان تاخد العجله اقل ترصيص و وزنها يكون مزبوط على الارض و ده بيعزز ثبات العربيه
لفت نظري هناك جهاز بيعمل قياس للكاوتش طول ما انت ماشي بالعربيه من غير ما تقف ؟؟!!!
الجهاز ده بينزل في العربيات العاليه و مش كلها و هو بيقيس ضغط العجل و حرارته طول ما انت ماشي و ده يديك نسبة امان عاليه و تمشي و انت مطمن و طبعا بيطول عمر الكاوتش عشان بينبهك لاي مشكله فيه
كمان بيعمل سجل تاريخي للكاوتش يعني مثلا لو فرده بتسخن دايما ممكن يكون مثلا العجله دي عاوزه بليه او تيل الفرامل محمل
و هو مهم للبنات طبعا في الظروف الامنيه دي لانك مش مضطر تروح تقيس كاوتش بره و حد يقعد يشتغلك او العجله تنام على طريق سريع مثلا
بتبان من قبلها
و بيركب بلف فيه بلوتوث جوا الكاوتش و شكله بيبقى زي اي بلف من بره و بيبعت القرايات للجهاز الي جوه العربيه
و بيجي معاه 4 حساسات و شاحن عربيه
و الجهاز ده صناعه كوري من انتاج شركة اورانج الامريكيه و اسيبكم مع الصور
http://img688.imageshack.us/img688/2946/94680081.jpg
http://img21.imageshack.us/img21/3636/84521922.jpg
http://img26.imageshack.us/img26/4002/72832305.jpg
و طبعا موقع الشركه المصنعه
http://http://www.orangetpmsusa.com/...er-car-tpms-2/