الموضوع: النترا وصيانة الالف كيلو

السلام عليكم حابب اقولكم تجربتى مع صيانة الالف كيلوا على العروسة الالنترا 2012 اولا كلمت عمك غبور على رقمهم المجانى وخيرونى مابين قليوب وابو رواش وطريق مصر اسماعيلية واخترت اللى فى مصر الاسماعيلية وحجزت على الساعة 11 صباحا روحت الساعة عشرة ونص وفورا قابلنى المهندس وقالى فية حاجة مش عاجباك فى العربية غير الصيانة العادية قلت العربية الحمد لله ممتازة مافيش لا زنة ولا طقطقة ولا اى حاجة من اللى كنت بسمع عنة المهم قالى فية زيت 10000 وزيت 5000 اخترت العشرة الالف ادانى وصل كدة وقالى لما اخلص العربية ادفع فى الخزنة ومتنساش تاخد اى حاجة فى العربية زى ولاعة السجاير واى متعلقات شخصية وسيب المفتاح فى الكونتاكت . روحت الاستراحة وبعد ساعة جا واحد ونادى عليا وعطانى ورقه تانيه فيها تفاصيل الفاتورة روحت الخزنة ودفعت 293 جنيةمقابل الزيت العشرة الاف وفلتر خدت العربية ومشيت لقيت فرق فى صوت الموتور بقى انعم من الاول مع انى فى الاول والله احيانا ما بعرفش العربية دايرة ولا لا لكا بكون راكن وقاعد فى العربية ومستنى المدام وما شابة ذلك ولقيت العفشة زى ما تقول كدة شدوها بس تيجى بقى للمشكلة الكبرى للانترا 2012 وهيا كل يوم تقريبا لازم تتخربش منى العربية بتقول لاى حد تعالى خربشنى مش عارف دى عين ولا دا العادى ولا ايه مع ان الانترا فعلا زوايا الرؤيا فيها لازم تشترى اللى فيها كاميرات علشان تشوف الدنيا مفتوحة المهم حد يدلنى على اسم اى حاجة ادارى بيها الخرابيش الصغيرة دى زى سبراى او اى حاجة وشكرا لكم

المشاركة الأصلية كتبت بواسطة ashturbo

مبروك العربية الجديدة ربنا يرزقك خيرها ويكفيك شرها ..... خد بالك من أن عربيتك توكيل أي لعب في ضفيرة الكهرباء هتطلعلك كهربة العربية من الضمان .


بعدين أنت عربيتك بيضاء وزعلان من الخربشة مابالك عربيتي سوداء أعمل أيه بقى أتجنن .

الله يبارك فيك . فعلا المهندس حذرنى من اى لعب فى الكهربا . واللون الاسود فخم اوى على العربية وخصوصا لو العربية بجنوط ولكن الخرابيش مشكلة