الموضوع: سؤال عن الصدادات والفرامل !!

السلام عليكم

اولا انا معايا كورولا 2004 ..

العربيه مشكلتها ان لما بحمل حاجه ورا او اي حد مليان يقعد.. العربيه بتنزل جامد علي الارض وبتخنقني في المطبات !!

المهم رحت لواحد قالي هنركب صدادات ودي هتشتغل بس لما اكون محمل يعني العربيه متنزلش علي الارض جامد ..

قلت خلاص قشطه ورحت مركبهم النهارده

اللي لاحظته ان العربيه كأداء في المطبات وكدا متغيرتش خالص بس زمان لما كنت بضغط بايدي جامد علي العربيه ورا العربيه كانت بتنزل دلوقتي لا هل دا ممكن يأثر علي العربيه في حاجه؟؟

او ممكن يسبب اي شئ علي السرعات العاليه ؟؟!! ولا هما امان ؟؟


ثانيا ودي الاهم ان الفرامل بتاعتي تقريبا مش كويسه نهائي ..

لاني لو انا ماشي علي 100 مثلا وجيت امسك فرامل الدريكسون بيتهز انا كنت فاكر ان العيب من الترصيص بس لسا الرجه موجوده !!

ولو ماشي علي سرعه مثلا 80 او 90 ومسكت فرامل فجأه لان في واحد بيعدي البحر بلاقي العربيه بتذحف من ورا جامد يمين وشمال وانا بحاول اعدلها بالطارة !!

ايه الحل هل لو ركبت اجهزة فرامل خلفيه الموضوع هتحل؟؟

واسف علي الاطاله :)