الموضوع: طلمبة المياه في الشاهين

هى العربيه موديل كام وعمله كام كيلو ممكن الصوت داه تعرفه فك سير الدينامو ودور العربيه وشوف الصوت موجود ولا راح لو الصوت راح يبقا العيب ياما من بليه الدينامو ودى بتبوظ فى الشاهين بعد 100الف كيلو ياما من طرمبه الميه وممكن تحرك الطمبوره بتاعه الدينامو اوطرمبه الميه وتشوفهم ناعمين ولا خشنين ولا ايه بص ماتدورش العربيه من غير سير كتير يدوبك تتاكد انها بتعمل صوت ولا لا انا مش عارف طرمبه الميه بتبوظ بعد كام كيلو انا عامل 140الف ولسه سليمه وهى رخيصه عمومان

موديل 2006 وعامله 40 الف كيلو وبالنسبة للدينمو كويس والاضاءة كلها كويسه

40 الف بس ماظنش انها طمبه الميه000 انا بكلمك عن الصوت ممكن طرمبه الميه او الدينمو يكونو بيعملو صوت حكه ومعا زالك شغلين كويس انا كان عاندى نفس الصوت دا وكان النور عاندى تمام بس الصوت كان مدايقنى فاطريت اغير بليه الدينامو وبعدين دى مسافه قليله اوى 40الف دى معناها فى الشاهين ان العربيه لينت وبقت بكامل لياقتها وتبدا تحس ان العربيه بتسحب وموتورها قوى

انتا بتحص ميه نوعها ايه وهل بتزودها ولا دوره التبريد تمام مابتحتجش تتزود ميه

بحط ميه من شل زرقاء والدورة الحمد لله مش محتاجه تزويد تمام يعنى

بس مش عارف انا كنت غسلتها من فترة كده ومن بعدها والحرارة بقت تأخر بالطريقه دي مش عارف بقى عيب في الغسيل ولا سلك الارضي ولا طلمبة الميه الله اعلم بس كل اللى حاسس بيه ان الموضوع ده مضايقني ونفسي اخلص منه

بحط ميه من شل زرقاء والدورة الحمد لله مش محتاجه تزويد تمام يعنى

بس مش عارف انا كنت غسلتها من فترة كده ومن بعدها والحرارة بقت تأخر بالطريقه دي مش عارف بقى عيب في الغسيل ولا سلك الارضي ولا طلمبة الميه الله اعلم بس كل اللى حاسس بيه ان الموضوع ده مضايقني ونفسي اخلص منه

وبعدين بالنسبة للشاهين هو فعلا دلوقتي تلاقيها لينت وصوتها فعلا بقى اهدى من الاول بس ناس كتير فعلا اشتكو من طلمبة الميه وانها بتبوظ بسرعه مع العلم اني في جاتلي فترة كنت بشد بالعربية والار بي ام يوصل لحد 4.5 و5 كمان

طيب تتوقعا سبب السخونة الزيادة ده ايه؟؟؟

كله سليم وكله كشفت عليه ما عدا طلمبة الميه وسلك الارضي بس

انتا تاعب نفسك اوى بحكايه الطرمبه طب الناس الى عندها 128 ولا 131 موديلات 80 وطرمبه الميه لسه شغاله طرمبه الميه عندك ممكن تطلع صوت بس انما تبوظ لالا وبعدين السخونه ممكن يكون ليها اسباب كتيره انتا عندك المروحه بتشتغل لما العداد بتاع الحراره يقرا كام انا عندى بتشتغل لما العداد يجيب 90 بس معمرش العداد بيعدى ال90 ابدا

عندي المروحة بتشتغل لما مؤشر الحرارة يوصل قرب النقطة اللى بين ال90 وال130 يعنى تقريبا بتشتغل عند 100 لان النقطة دي بتمثل 110 فهي بتشتغل 100 ولما أكون بشد بتشتغل عند 105 وطبعا دي معدلات زيادة اوي

طيب ايه الاسباب في نظر حضرتك اللى ممكن تكون السبب في الموضوع ده؟؟؟