انا والعلبة والقطمة والتوكيل ل الالنترا 2012
صباح الخير والفل على الجميع .......... عايز احكيلكم عن تجربتى مع الالنترا 2012 والتوكيل ( فرع الغردقة ) كان عندى صوت دبدبة فى الناحية اليمين عند المطبات الصعبة زى الحدجيد اللى على الارض وروحت التوكيل قالوا انها علبة الدركسيون ولكن هى مش موجودة هانبعت نجيبها ب ال dhl وفعلا بعد حوالى 8 ايام كلمونى وقالوا ان العلبة وصلت .... غيرنا العلبة والصوت راااااااح وكله تمام جدا جدا .... ولكن وانا راجع من عندهم حسيت ان الدركسيون تقيل شوية ولما باخد اى ملف الدركسيون مابيرجش لوحده يعنى لازم تساعده .... روحتلهم تانى يوم وجربنا انا والصنايعى ثم انا والمهندس ميشيل ثم انا والمهندس هانى ... لكن هما مش مقتنعين ان العربية فيها حاجة وكلموا مدير الدعم الفنى فى القاهرة للاستشارة ... وكان قد تم الكشف على نظام الباور الكهربائى بالجهاز ولم يعطى اى مشاكل ونظرا لاصرارى ونظرا لانهم ناس وتوكيل ( الغردقة ) محترم قرروا يغيروا القطمة الكهرباء .. انا لما شفتها اتخضيت حاجة كدة عاملة زى الفتيس الصغير وكلها اسلاك وفيش مهرباء ... انا قلتلهم طالما الجهاز لم يقرأ اى مشاكل وطالما ان الباور كان طبيعى قبل تغيير علبة الدركسيون اذا العيب مازال فى العلبة وقررنا نغير العلبة تانى ونشوف الفرق ....... ساوافيكم بالاخبار بعد التركيب ان شاء الله خلال 4 ايام
ايه رايكم دام فضلكم