دلوقتي ان شاء الله انا علي وشك شراء شقه في حدائق الاهرام وهادفع النص والباقي قسط ياريت اي حد ليه تجربه يعرفني الضمانات بتاعتهم ايه يعني بتمضي علي شيكات او ايصلات الشهر بشهر وواحد بالمبلغ كامل ولا ايه الموضوع انا قلت اسال اخواتي في المنتدي
عرض للطباعة
دلوقتي ان شاء الله انا علي وشك شراء شقه في حدائق الاهرام وهادفع النص والباقي قسط ياريت اي حد ليه تجربه يعرفني الضمانات بتاعتهم ايه يعني بتمضي علي شيكات او ايصلات الشهر بشهر وواحد بالمبلغ كامل ولا ايه الموضوع انا قلت اسال اخواتي في المنتدي
بيتهيالى نظام الايصالات والشيكات ده اغلب الشركات بطلت تعمله هو بيكتب فى العقد انك لو اتأخرت عن سداد عدد معين من الاقساط لفتره معينه بيعتبر العقد لاغى دون الرجوع اليك وبيرجعلك فلوسك مخصوم منها نسبه معينه حوالى 10او 15 % وده علشان بدل ميلف فى المحاكم بالشيكات ويسيب العميل مستفاد بالشقه لا بياخد بالعقد حكم بالطرد وياخد الشقه يبيعها مره تانيه .
ودلوقتى اغلب الشركات يا بيدى لحضرتك رقم حساب فى بنك معين تحط فيه القسط وتاكد معاه بالتليفون ان البنك اخطره بالايداع واللى بيضمن حقك انك دفعت القسط هى وثيقه الايداع _ او ان حضرتك بتروح تدفع القسط فى مقر الشركه وتاخد ايصال ممضى ومختوم بالمبلغ اللى دفعته .
اعتقد كمان انك احسب الفايده على تقسيط المبلغ للشركة او لصاحب الشقة واحسب فايده لو خدت قرض من البنك وسددته كتمن للشقة الباقى
لان البنك اضمن بكتييييييير من الافراد والشركات
يارييت ياباشا معلش تكتب التفاصيل والاسعار لو مافيهاش تعب علي حضرتك
والله ياباشا انا سالت وعرفت ان الاسعار في حدائق الاهرام بتبدا من 1100 الي 1400 حسب المكان والشارع بس دا طبعا كلام مبدئي لاني مره اتكلمت مع واحد في شركه وكان المتر ب 1400 ووصلت معاه ل 1200 لازم تكسر معاهم طبعا جامد والدور الاخير اللي هو الخامس بيكون ب 800 او 900 وعاده بيكون مخالف وانا هانزل قريب تاني ان شاء الله وهاعرف اكتر عشان اخلص وادفع الفلوس مع اني كان نفسي اشتري من شخص مش من شركه بس مفيش
طب هل في شقق في حدود 100 متر او 110 ونظام التقسيط بيبقي ازاي معلش طولت عليك
هل ممكن الزملاء يفيدونا ايه هى الضمانات اللى لازم اخدها لما الواحد يجى يشترى شقه قسط ....يعنى هل لازم يتوثق العقد فى الشهر العقارى؟ ...و ازاى اضمن ان الشقه مش متباعه لحد تانى غيرى ؟
أتأكد من دخول الكهرباء للشقة لأن في مشكلة في الموضوع ده
عداد الكهربا اهم حاجه
اهم حاجه الشقه تكون استلام فورى مش ارض ولسه هيبنى لو استلام فورى متاخدش شقة من غير عداد وبيكتب العقد وبيكتب فيه المقدم وبتمضى على الاستلام لو الشقه جاهزه خالص محاره وحلوق وكلو انما لو لسه المدخل ماتعملش والواجهة متعملتش متمضيش على محضر استلام وبيكتب فى العقد ان اى طرف من الطرفين البايع او المشترى تخلل فى شروط العقد بيخصم 20 الف جنيه يعنى لو حبيت ارجع الشقه يتخصم من تمنها عشرين الف ولو صاحب العمارة حب ياخدها او مسلمنيش الشقه اخد فلوسى وفوقيها 20 الف وبالنسبة للاقساط معظم الشركات عندها مندوبين بتعتهم لحد بيتك بيحصل منك القسط وبيبقا عبارة عن ايصال امانة مثلا انت مدة قسطك 30 شهر وانت بتتعاقد بتمضى على 30 وصل امانة بس كدا بس اهم حاجه الشقه تكون واضحه قدامك وقيسها بالمتر كويس وربنا يوفقك ياكبير