العربيه عندى لونها فضى و كنت عايز ارش السقف اسود بدل الكربون ووجع الدماغ مع اللجان
و كماين المرور انا سمعت انه ممكن يتثبت على الرخصه اللونين عشان مبقاش مخالف هل ده
ينفع ولا لا وشكرا:help2:
عرض للطباعة
العربيه عندى لونها فضى و كنت عايز ارش السقف اسود بدل الكربون ووجع الدماغ مع اللجان
و كماين المرور انا سمعت انه ممكن يتثبت على الرخصه اللونين عشان مبقاش مخالف هل ده
ينفع ولا لا وشكرا:help2:
هو الكربون مخالف؟؟؟
هل لو لزقت السقف كربون ابيض يعتب مخالف مع العلم ان عربيتي اصلا لونها ابيض؟؟
حيقولك ملصقات وسحب رخصه العربيه و فحص فنى و زفت الكربون اصلا ممنوع بس الناس ناشيه بيه دلوقت هو الفاميه كده عشام ظروف البلد و الى بيتمسك فى لجنه يا بيشيل و بيدفع فى اللجنه
(ده لو الضابط عايز يرحمه) او يسحب الرخصه و تروح تعمل فحص فى المرور و انت شايل و شغلانه
هو قانونا ينفع و فيه ناس عملتها قبل كده و ثبتت لونين على الرخصة عادى و فيه عضو معانا ahmod منسق قسم تويوتا ثابت لونين على الرخصة و هو حاطط استيكر اصلا مش دهان فأكيد الدهان هيبقى امره اسهل
بس خد بالك رش السقف بيقل من قيمة العربية فى عرف السوق المصرى يعنى هيقولك راشة عشان حادثة و بتاع طبعا انا مش مع الكلام ده بس قولت انبه حضرتك برده للنقطة ديه
والله يا باشا عرف السوق المصرى ده اللى مودى الدنيا فى داهيه يعنى تبقى العربيه مشبحه و فيها بدايات برومه و يقولك اوعى ترشها عشان شركه بره و جوه وتلاقى واحد قاعد يحلف ان عربيه فلان مفيهاش قلم بويه و ده مستحيل عشان عربيه مشت فى شوراع المحروسه وسط عباقره السواقه عندنا مش معقول مخدتش حكه و لا نغزه و كله فتى دى العربيات بتييجى استيراد من بره عامله مرمات بس اللى عمل كل ده كلام السماسره عشان يحلوا البضاعه و بعديين انا لما اشترى
عربيه راشه بره و البويه ممتازه و دواخل العربيه سليمه يعنى مفهاش حوادث افضل ولا اخدها بهتانه و شكلها مقرف عشان تبقى شركه و كمان فى الحرفيين تشوف العجب بيتعمل فى العربيات
من تغيير انصاص و خلافه و الشغل يتعمل مظبوط و برده العربيه تتباع شركه بره و جوه و كله بيشترى و يلبس و الدنيا ماشيه و فى الاول و الاخر اقولك جزاك الله كل خير على توضيحك و شكرا
عندك حق ..ودا الفرق بين انك تبيع عربيتك لواحد حافظ او تبيعها لواحد فاهم
ان شاء الله فى خلال الشهرين الجايين هارش العربية فى توكيل ابو غالى ..يعنى دهان بالاجهزة وكل البوية تطلع تمام ومافيهاش غلطة ..زى الفابريكة بالظبط
ولو جيت ابيع العربية مش هانزل مليم واحد عشان الدهان دا