اكراميات شراء عربيه جديده

**melagouze** · 31-03-2012 12:47 AM

السلام عليكم و رحمه الله

انا جايب عربيه جديده من عند المحمل و ان شاء الله هستلمها الاسبوع الجاي يا جماعه قولولي علي تجربتكم في استلام عربيه جديده ( قسط) .... هل بدفع فلوس لبتاع المبيعات ( اللي خلصلي العربيه) و تقريبا قد ايه؟؟؟ و هل فيه اكراميات تانيه ( مثلا للي بيطلع يرخص معايا) ....انا بسالكم علي العرف في المواضيع دي ...جزاكم الله خيرا

**MARTINDALE** · 31-03-2012 01:00 AM

اعمل حسابك على 100 جنيه وفرقها حسب الوضع وعدد الاشخاط وماتزودش عن كده . واعتبرها نوع من الصدقه عن العربيه .

**BUNSH** · 31-03-2012 01:07 AM

احنا لما استلمنا من معرض (س ر) ,, ووواد بتاع مبيعات (كان بجح بجاحة رهيبة) وشغاااال زن رهيب (فييين حلاوة حلاوة) الله يقطعوااا هوة وحلاوة اخد 250 جند (150 لنفسواا+100 لرجالة اللى غسلت وشالت الاستكير ) ,,
نصيحة (لوجة الله) متخليش حد يطلع يرخص معاك من معرض اطلع كدة لوحدك ورخص ودنيااااا هتمشى تمام (بس طبعا لازم تقفش رجالة) بتاع فحص وواللى بيسلم نمر واللى بيركب نمر (مش اقل من بريزة ومش اكتر من ربع) .. وربنا يوفقك والف مبرووووك وربنا يباركلك فيها ويديك خيرها ويكفيك شرها .

**mmaaggddyy** · 31-03-2012 02:44 AM

المشاركة الأصلية كتبت بواسطة bunsh_fox

احنا لما استلمنا من معرض (س ر) ,, ووواد بتاع مبيعات (كان بجح بجاحة رهيبة) وشغاااال زن رهيب (فييين حلاوة حلاوة) الله يقطعوااا هوة وحلاوة اخد 250 جند (150 لنفسواا+100 لرجالة اللى غسلت وشالت الاستكير ) ,,
نصيحة (لوجة الله) متخليش حد يطلع يرخص معاك من معرض اطلع كدة لوحدك ورخص ودنيااااا هتمشى تمام (بس طبعا لازم تقفش رجالة) بتاع فحص وواللى بيسلم نمر واللى بيركب نمر (مش اقل من بريزة ومش اكتر من ربع) .. وربنا يوفقك والف مبرووووك وربنا يباركلك فيها ويديك خيرها ويكفيك شرها .

صح كدة تمام جدا - كلام سليم 100%

**hugan** · 31-03-2012 02:47 AM

انا دفعت 200 جنيه
للكل

**corsair** · 31-03-2012 08:48 AM

ثواني بس يا جماعه ايه المبالغ اللي بتدفعوها دي كلها انا جبت عربيتي من ابو غالي ومرضتش استلم العربية من المعرض وروحت مركز ابو غالي اللي في العبور واستلمتها بنفسي وهناك غسلوها وكل اللي دفعته 20 جنيه

وكونتكت بعت واحد معايا للمرور علشان يرخصلي العربية وحاولت اديله فلوس حلف ومرضيش ورخصلي العربية مفيش في نص ساعه وهو تقريبا خد 50 جنيه زيادة فوق تمن الترخيص علشان ينجز العربية ويرش بيها علي الناس جوه المرور وحتي مكنش معايا طفاية حريق ورخصها من غيرها