تقرير : وفر فلوسك : ومترحش (معرض الاهرام فورميلة ) سيء للغاية

بسم الله الرحمن الرحيم

نصيحة لوجه الله ... وفر فلوسك ومترحش معرض الاهرام فورميلة ، رحتو النهاردة وياريتني مارحتو أسوء من أي سنة ...

في البداية ... من جميع الجهات بتاعت شوارع المعرض ... ويادوبك كل خمس دقايق ماشي متر متر ... متر متر .. المهم رحت مخرم وداخل جراش الاستاد الي بجوار مركز المؤتمرات الي فيه المعرض ... دفعت خمس جنية باركن ودخلت ... وزززززحمة أنا قلت حلو مدام زحمة كده يبقى المعرض ده جبار ... المهم دخلت بكام التزكرة ياحبيبي للفرد قالي 20 جنية ... قاعدت أفاصل معاه شووية بس مفيش فايدة .. المهم وانا داخل على البوابة لقيت واحد واقف على الباب بيقلي تذكرة قلتلو أهي ... قام قالي ممكن أشوفها قلتلو أتفضل ... قام خد التذكرة وقطعها نصين ... كنت عاوز انط في كرشووو واقلو حرام عليك دي ب20 جنييييييييييييييييييييية .

المهم دخلت المعرض

http://www.toyotaclub-sa.net/up/uplo...3331482471.jpg

دخلت المعرض ... وبصيت لقيت انوار وتنظيم جميل والدنيا زحمة زززززززززززززحمة ...

http://www.toyotaclub-sa.net/up/uplo...3331482482.jpg

المهم قاعدت ماشي في المعرض بس مش قادر اصور حاجة ... وأصلاً كده ولا كده ربنا يخليلنا عموووو جوجل ... كل صور العربيات الحلوة عليه ... المهم دخلت من باب المعرض من هنا وشوية لقيت نفسي طالع من المعرض النحية التانية لمن بقيت هتشل أأأأأأأأأأأأأأأأأأأأأأيده معقولة المعرض هو ده بس .

فين العربيات فين شركة تويوتا فين شركة نيسان فين شركة هونداااااااااااااااااي ... فين شركة بي ام دبليو فين الاكسسورااااااااات بتاعت العربيات ... فيييييييييييييين جناح الكمايات ولا قطع الغيار ولا جناح الجنوط والتعديلات ... فين الشركات الصينية فين بتوع الفرش وبتوع الزينون وبتوع الاكسسورات ... هو ده بس المعرض وعشرين جنية يامفتررين .

الحاجة الوحيدة الي في المعرض عجبتني طرزات بيجو الحديثة ... وعندك كمان جناح فولكس كان حلو .. وجناح هوندااا وجناح كيا وصلى الله وبارك ... وعليه العوض ومنو العوض في العشرين جنية ... وزغرتي يا أم أحمـــــــــــــــــــد المعرض خلص .

أه وكمان حتى لا أنسى كان في حتت دين بت أنما أيه قمر قمر بسم الله مشاء الله عليها حاجة خواجاتي كده كانت وقفه جمب العربية الكيا هيا والعربية الكيا حكاية حدوته كده .

المهم نصيحتي لأعضاء المنتدى يوفرو فلوسهم ... ويطلعو يتمشو في كارفور ولا في سيتي ستارز ولا جنينة مول ويضربولهم سندويتشين شورمة بالعشرين جنية أحسن لهم ...أو يقعدو يزكرو ويشوفو مستقبلهم أحسن ... وتحياتي .

:untitled::untitled:

ههههههه
كويس دا انا كنت ناوي اروح بكرة
تسلم على ال feed back يا باشا

المشلكة ياشباب ... مش في العشرين جنية ... المشكلة الناس زحمة على المعرض وبالالوفات ، وكل واحد بيدفع 20 جنية في 20 جنية شوفو بكام مليون بيلموهم من الناس .

وياريت الواحد رايح علشان يستمتع انو يستمتع ... لحد أيمتى هيستخفوو بالناس ويقرطسوهم وياخدو منهم فلوس بدون مايدونا مقابل ... بالزمة بالزمة ياريت حد من الي راح المعرض يقول رأيوو بكل صراحة ده معرض يرضي ربناااااااااااااااااااااا ااااااا ... أحنا كل سنة بنقعد نستنى المعرض من السنة للسنة ... علشان يحطولنا كده كام عربية ويقلك ده معرض الله طيب ماهو في معرض عربيات جمب البيت عندنا ما اروح اتفرج عليه وبلاش .. روح معرض المصرية للسيارات هتلاقي عندهم عربيات اكتر من كده ... ده انا لو نزلت شارع دمشق ولا التوفيقية هشوف أكسسورات وكماليات مرمية في الشارع كده وعلى الرصيف معروضة ... ومعرض دولي ميكونش فيه كماليات .

وفي النهاية يطلع جورنال الاهرام ويقلك كان ناجح وكان في اقبال جماهيري غير متوقع على المعرض لأن الناس رايحه على عماهاااااا ... والناس مخنوقة نفسها تغير جوو .. فتروح المعرض تتخنق بزيادة على الفلوس الي دفعتها دون ادنى استفادة ... لغايت أيمتى هيستخفو بعقولنا ... المشكلة ان المعرض 3 او 4 ايام فما تحلقش الناس تنبه بعضها ... انهم ميرحوش . وتلاقي ابن اللزينة الي عمل المعرض يكسب بلاوي على قلبو قد كده من على قفى الناس وحسبي الله ونعم الوكيل .

شكرا على النصيحه

كويس انك قلت انا كنت رايح بكرة من اسكندرية مخصوص عشان قسم الاكسسوارات مخصوووص و تويوتا طبعا ...

و كاتبين افتتاح ساحق و نجاح هائل في جرنال الاهرام انهارده ...

الناس دول عبط ولا ايه ؟

كود:

---

فين شركة بي ام دبليو

---

تصحيح
بي ام دبليو موجودة

اقتباس:

---

المشاركة الأصلية كتبت بواسطة spiderman22

كود:

---

فين شركة بي ام دبليو

---

تصحيح
بي ام دبليو موجودة

---

طيب كويس انك رحت ياباشا هيا ممكن صحيح كانت موجودة بس انا مخدتش بالي منها بس ياريت ياباشا تحكلنا عن تجربتك داخل اروقت المعرض الكبيرررررررررررر هههههه
كان زمان في بصات توديك لاخر المعرض علشان تتفرج عليه مش معرض صالتين يالهوي على الزمن والي بيحصل لمعارض مصر فعلا مصر بقت في الباي باي خالص

بي ام كانت موجودة . والعربيات الصيني كان ليها جناح لوحدها .
باختصار شديد . من جولتي في اول يوم
مرسيدس منزلة اشكال جديدة . والعربيات من جوة تحفة .
فولكس فاجن عاملة عربية cc . من جوة وبرة رائعة .
جناح البي ام . والاودي . وعربيتين بورش . وبيجو . هوندا .كيا (والتحفة اوبتيما) . ميني . سيتروين.رينو.شيفورلية وحاطين عربية جديدة (فولت). ميتسوبيشي.

دول الي فاكرهم .
طبعا بتتفرج علي العربية من جوة وبرة وشنطة وموتور . (كل الي نفسك فية )

مقارنة بمعارض سابقة ( لا اعلم لان اول مرة ادخلة ) . هو طبعا ناقصة تويوتا وهيونداي

20 جنيه عشان ادخل معرض !!!!!! عمار يا مصر

ايه الهبل ده دا المفروض اللى داخل يدولو هدايا عشان يشجعو الناس تروح يمكن تنفع الشركات وتشترى

ده على رأيك الواحد يروح كارفور ولا التوفيقيه والحمد لله الفرجه ببلاش :) ربنا يديمها نعمه

ده ممكن بتوع التوفيقيه ودمشق لو سمعو كده يعملو الفرجه بتذاكر هما كمان

استاذي الفاضل المنارة الحمدالله انك. رحت وانبسطت ، يارب يسعد كل الناس بس حضرتك لو رحت اي فرع او اي معرض للمصرية للسيرات تقدر تتفرج وتقلب في العربيات براحتك كمان وهتلاقي تشكيلة اكبر من كدة
كان زمان بعد ماتركن عربيتك في الباركن بتلاقي اتوبيسات كتيرة واقفه مستنياك علشان توديك صالة رقم ١ وعلى الاقل على الاقل تلاقي ست سبع صلات عرض ويوزعو بروشورات ودعايه وتلاق ي شركات كتيرة مشاركة في المعرض وتلاقي صلات بحلها لكبرى الشركات قطع الغيار والاكسسورات انا ببص للمعرض من منظور اسمو معرض واقارنو بالمعارض الي قبل كدة مش عاوز اقولك كان في سباق عربيات كان بيحصل وكانو بيقدمو معرض لليخوت والتريلات مش كام عربية كده وصلى الله وبارك وتحياتي ليك ياغالي

اقتباس:

---

المشاركة الأصلية كتبت بواسطة misoalex

20 جنيه عشان ادخل معرض !!!!!! عمار يا مصر

ايه الهبل ده دا المفروض اللى داخل يدولو هدايا عشان يشجعو الناس تروح يمكن تنفع الشركات وتشترى

ده على رأيك الواحد يروح كارفور ولا التوفيقيه والحمد لله الفرجه ببلاش :) ربنا يديمها نعمه

ده ممكن بتوع التوفيقيه ودمشق لو سمعو كده يعملو الفرجه بتذاكر هما كمان

---

ياباشا ده مرات كانت بتوصل التذكرة ل ٢٥ جنية و ٣٠ جنية بس كنا نروح نتفرج وننبسط ونتصور ونلاقي هدايا ودعايا ونشتري كمان حجات عمرنا ملقيناها بره في السوق دلوقتي عاملينلك معرض حرام يسموه معرض ويدحكو على الناس انا عرفت ليه شركة نيسان وتويوتا وشركة غبور انسحبت منو علشان ما يشاركوش في مهزلة اسمعا معرض الاهرام انا من راي الاهرام تركز في الجرايد الي بتطبعها وتبعد خالص عن مجال العربيات وميكونش في معارض غير لاوتو. ماك.

بما انك دخلتة قبل كدة . وبالوصف الي انت قلت علية . يبقي المعرض دة فقير جدا .
انا اتبسط من حاجتين اوي .
المرسيدس s350 والكيا اوبتيما .
والبروشور بتاع اودي هو الوحيد المحترم . غير كدة ....
الاكسسوارات والحاجت دي هناك تقدر تقول كانت تحصيل حاصل . اهو اسمة معرض ولازم نحط فية كام حاجة
(انا لاحظت انهم تعبانين . وماتفرجتش علي حاجة يدوب عديت عليهم )

احبيب. قلبي انا كمان عجبتني الكيا الريو بجد بجد فاجر الجنوط الي راكبلها تعتبر تحفة العربية دي. انا لو كنت شفتها مكنتش استعجلت وجبت الهونداي اكسينت الار بي. والابتيما كمان عجبتني موت هيا والبنوتهىالاطئوطة الي واقفة جمبها يالي برضو لو كنت شفتها قبل ما قابل ام العيال هههههههههه كنت رحت خطبتها. بس يالله نصيب ههههههههه

واضح ان اهم حاجة عجبتك في المعرض (الي واقفة جمب الكيا) .
وشكلك زعلان من المعرض عشان ماكانوش كتير . :C_laugh[1]:

شكراا يا ريس علي التحذير -- مع اني كده كده مكنتش رايح --

اقتباس:

---

قاعدت أفاصل معاه شووية بس مفيش فايدة

---

هي دي احلي حته بصراحه :b4_282:

هههههههههههههههههههههههه
انا قريت موضوعك كله بالردود وعمال اضحك
انت استعجلت في شرا العربيه الهونداي rb و استعجلت في الجواز من ام العيال
كان فين المعرض دا من زمان !!!!!!!! كان زمانك معاك الكيا الجديده ومتجوز الحته اللي جامب الكيا كمان
انا كدا عرفت انت زعلان ليه ههههههههههههههههههه

شكلك ما روحتش ناحيه رينو
كان فيها خيرات الله وكلوا اجنبى وحاجة تفتح النفس
اولا انا هحرق دمك اكتر على ال20 جنيه , انا كان معايا 5دعوات vip ويارتى كنت روحت يوم الافتتاح بس ربنا رزقنى بشلة تفقع كلوا عايز الحاجة تجيلوا البيت
المهم المعرض كان فعلا لازم يتراح يوم الافتتاح لان معظم العربيات المحترمة مقفولة
انا وواحد صحبى كان شغال عند عادل وجدى فريحين نتفرج على التعديلات والاكسسورات وبس
ولالااسف الحاجات دى مكنتش تقريبا باينه خالص هناك
الى عجبنى جدا المينى كوبر الجديدة نحفة بس 415 الف عفريت
المرسيدس عاملة عرض وهمى ومن الاخر شكلهم هيدللوا على العربيات بتاعتهم , لان كل الى كان بيركبها دلوقتى فى طره
مجمل المعرض كويس , بس تقدر توفر فلوسك وتروح الشركة المصريه وتدلع نفسك هناك
بس مش هتلاقى هناك الخوجات الحلوين
اقولك انت دفعت 20 جنيه واتفرجت على الاجانب سيبك من العربيات
صحيح نسيت يا راجل انت اهم عربيه نسيتها الايفليوشن الى فى قاعة اللنسر
هما 2 حلوين بصراحة وربنا يبارك لصاحبهم فيها
الايفليوشن الزرقاء سعرها استوك كان 630 الف جنيه غير التعديل الى عملهولها احمد الوكيل
وفى اخر المعرض خالص فى شركة متخصصة تقريبا فى تعديل الاودى بس , كانت عارضة كام عربيه تحفة

شكرا على التقرير

أنا روحت المعرض واتفرجت ببلاش
ومغرمتش لا بنزين ولا باركنج كمان
:B4_556:


/
/
/
/
/
/

http://www.nilemotors.net/Nile/28016...-part-1-a.html

تسلم إيدك وشكراً على التحزير

الحمدلله انى مروحتش
شكراً لامتحانات الميدتيرم :))
ههههههههه

فعلا التوفيقيه فيها كل حاجه بس بردك هناك مفيش ركنه بس لو معاك 1000 تخرج من غيرهم من كترة الاكسسوارات العجيبه

فعلا المعرض السنة دي زي الزفت
والعارضات معرضاها علي الاخر ميني جيب وحجات كده استغفر الله

دة ردي في موضوع اخر

اقتباس:

---

المشاركة الأصلية كتبت بواسطة mzeid

أنا رأيي كدة برضة
هو المعرض حلو مش وحش

و لاحظو كمية العربيات اللي اول مرة تتعرض هتلاقوها اكتر من قبل كدة
عندكم في الرينو 3 عربيات
المرسيدس عربيتين
ميني 2
ميتسوبيشي 2
بورشه 1
بيجو 308 الجديدة
فولكس 2
سوبارو 1
شيفروليه 1
سوزوكي 1

و دة اللي فاكره دلوقتي

قارنوا الرقم دة بالمعارض السابقة

و على فكرة انا ملاحظ ان الشركات مركزة على اوتومك
لأني سألت في جناح بي ام على ال f30 قالولي هتنزل على شهر 6 ان شاء الله و قالي انها هتنزل اول فئة ال 320

---

اقتباس:

---

المشاركة الأصلية كتبت بواسطة khaled_yassin

شكلك ما روحتش ناحيه رينو
كان فيها خيرات الله وكلوا اجنبى وحاجة تفتح النفس
اولا انا هحرق دمك اكتر على ال20 جنيه , انا كان معايا 5دعوات vip ويارتى كنت روحت يوم الافتتاح بس ربنا رزقنى بشلة تفقع كلوا عايز الحاجة تجيلوا البيت
المهم المعرض كان فعلا لازم يتراح يوم الافتتاح لان معظم العربيات المحترمة مقفولة
انا وواحد صحبى كان شغال عند عادل وجدى فريحين نتفرج على التعديلات والاكسسورات وبس
ولالااسف الحاجات دى مكنتش تقريبا باينه خالص هناك
الى عجبنى جدا المينى كوبر الجديدة نحفة بس 415 الف عفريت
عربيه تحفة

---

حبيب قلبي لا خود بالك كويس وركز ... شكلك مركزتش زيي هتلاقي البنات الي عند شركة رينو كل وحدة فيهم متجوزة وعندها تلات أربع خمس عيال ... وجيبنهم من ورى الغسالة ولبسوهم جيبه قصيرة وقالولهم يالله كل وحده تقف جمب العربية هما دول بنات رينو ... بس كيا يأخي حاجة تانية خالص ... شركة محترمة واللهِ ...

أه صحيح انا عجبتني المني كوبر تحفة بجد بجد ... تحس انها عربية ريموت كنترول لعبة كده ... أيقونة بس ايه ده ياعم الحج تمنها 415 الف جنية ... يالهوووي دا أحنا طلعنا فقرة خالص .

المشاركة الأصلية كتبت بواسطة mzeid
طبعاً رأيك ياباشا على العين والراس ... بس بزمتك ينفع يكون في معرض من غير كماليات واكسسورات وشركات .... ينفع يكون معرض صالتين بس ... الاهرام عملت فرقعة أعلامية وحبت دعاية حسستنا ان ده معرض لا قبلو ولا بعدوو وفي النهاية نروح على فشوش .
وانا معاك ان كان في عربيات جديدة اول مره تطرح في السوق ... طيب باقي العربيات وباقي الشركات فين يافرحتي اروح اتفرج بس على كام عربية الي حضرتك زكرتهم ... وأصلا مينفعش اخش المعرض من هنا وألاقي باب الخروج من هنا .. ده ميبقاش معرض ... ياراجل ياطيب ... ده معرض مستلزمات الاسـرة بيكون أكبر من كده فما بالك معرض العربيات السنوي .

اقتباس:

---

المشاركة الأصلية كتبت بواسطة mohamedbook

فعلا المعرض السنة دي زي الزفت
والعارضات معرضاها علي الاخر ميني جيب وحجات كده استغفر الله

---

أحســــــــــــن حاجة الواحد يغض البصـر ... بس انا المشكلة ملقتش حاجة أتفرج عليها غير كام عربية جديدة فعلشان كده مغضتش بصري ههههههههههههه .

وبعدين ألواني باشا ... وبقيت الشباب كل واحد معاه دعوات vip الله محدش فكر يبعتلي دعوة أو يحن علي بتذكرة لالالا انا بجد زعلان .

بص يا ميدو متنساش ان المعرض اتأجل مرتين و فيه شركات مش عارضة فبالتالي لازم المساحة تكون اقل
و بغض النظر عن مساحة المعرض فيه نقطة تانية هل كل السيارات معروضة وﻻ ﻻ

و الله يا ميدو باشا أنا اساسا من الاول معارض فكرة ان يكون فيه معرضين
كنت عايز يبقوا معرض دولي عالمي و الشركات تطرح فيه الموديلات التجريبية الجديدة زي معارض برا
علشان مصر هتبقى ارخص و شوية من الدول المحيطة زي قطر و الامارات و يكون معرض اقليمي بما اننا بقالين 100 سنة بندرس ان مصر لها دور حيوي في المنطقة و لها مميزات و .. و .. و ..

اقتباس:

---

المشاركة الأصلية كتبت بواسطة Mzeid

بص يا ميدو متنساش ان المعرض اتأجل مرتين و فيه شركات مش عارضة فبالتالي لازم المساحة تكون اقل
و بغض النظر عن مساحة المعرض فيه نقطة تانية هل كل السيارات معروضة وﻻ ﻻ

و الله يا ميدو باشا أنا اساسا من الاول معارض فكرة ان يكون فيه معرضين
كنت عايز يبقوا معرض دولي عالمي و الشركات تطرح فيه الموديلات التجريبية الجديدة زي معارض برا
علشان مصر هتبقى ارخص و شوية من الدول المحيطة زي قطر و الامارات و يكون معرض اقليمي بما اننا بقالين 100 سنة بندرس ان مصر لها دور حيوي في المنطقة و لها مميزات و .. و .. و ..

---

والله كلامك معقول جداً ... وبجد بجد ياريت يتنفذ ... أنتا عارف سعتك لو مصر أتعمل فيها معرض سيارات دولي ... هتلاقي ناس يجولنا من بره بس علشان يحضرو المعرض ويشوفو ايه الجديد ... وترجع مصر من تاني على الخريطة الدولية ... أنتا عارف سعادتك دولة زي البحرين عاملين ومكلفين حاجة زي الاستاد كده للفورميلا سباق العربيات هل البحرين الدولة الفقيرة دي دولة غبية علشان تخسر المليرات من الدولارات دي ... ولا علشان هيا عارفة ان اي حدث رياضي سباق عربيات هيدخلها كل سنة أضعاف مضاعفة من دخل السياحة الناس الي جية تحضر السباق او تشارك فيه .
ده حتى أبو ظبي عاملة مول كبيررررررررررر طويل عريض بس لشركة فراري ...

http://www.ibda3world.com/wp-content...00231925_l.jpg

http://files.rooo7i.net/images_cash/...14345555Bq.jpg

http://sphotos.ak.fbcdn.net/hphotos-..._3820586_n.jpg

http://www.alm5zn.com/upfiles/RPq49821.jpg

http://www.m5zn.com/uploads/2010/11/...865m3w2k7y.jpg

العالم دي ... مبتهزرش ولا بتلعب ولا بتستعبط الناس زي
عندنا ويحطلك كام عربية جديدة ويقلك معرض ويلمو من ورى الناس ملايين الملايين .

في تخطيط في تكتيك ... في بعد استراتيجي للسياحة ..
لذلك هتلاقي دخل السياحة عندنا السنوي ... لا يتعد تفة في بحر
من دخل السياحة في دبي او بعض دول الخليج .
وتبص تلاقي واحد فارد كرشو وطالع يقولك لا دي مصر بلد السياحة ... سياحة مييييييييييين ياعم الحج والناس نايمين .
والي يقولك مصر بلد الاهرمات ... يا بابا يا حبيبي الاهرمات
دي ليها ناسها لكن في دخل تاني للسياحة والترفيه تساوي
صفر في مصر مفيش ترفيه في مصـر لا للشعب ولا للسياح .
وفي النهاية يقلك لا معرض الاهرام ده جميل ... جايز انو جميل .. بس لو في حد حضر معارض في مصر للعربيات وقارنو بالمعرض الحالي هيلاقيه صفر الصفر على الشمال جمب بقيت المعارض ... أنا معاكم ان في كام عربية جديدة ... ومعاكم ان في كام بت حلوة وقفين على العربيات بس ده مش مقومات المعرض الناجح ...

لكن اسلوب دعاية المعرض المبتذل الي تعودنا عليه في مصر ، زي ما تلاقي اعلانات فيلم جديد مغرقة الدنيا ... وتيجي تحضر الفيلم تلاقيه فشووش لاقصة ولا افية ولا اغنية ولا أي حاجة فيلم فاشل ... أو زي المغني الي بيعمل اغنية حلوة ويعمل دعاية قد كده والناس كلها تروح تشتري الالبوم ويطلع مقلب وفي النهاية الصحافة تكتب انو فلان البومو نجح نجاح ساحق ولاقا أقبال جماهير فظيع هههههههههههههه ماهو الناس أشترت صحيح بس بعد ما اشتريت رميت الشريط في اي حته في الدرج في صفيحة الزبالة في شنطة العربية في اي حته ... لأن الناس بتشتري او بتروح على عماها ... لأنهم مش هيشمو من على ظهر أيديهم ... وتحياتي .

أنا مستفدتش من المعرض غير إني جبت maxx 44 من شركة cyclo (أحسن منظف دورة وقود شفته في حياتي) وارخص من بره 15 جنيه وجبت شويه حبشتكنات تانيه فحللت ال20 جنيه الحمد لله غير كده المعرض عاوز ضرب النار

اقتباس:

---

المشاركة الأصلية كتبت بواسطة me_medoo

http://www.ibda3world.com/wp-content...00231925_l.jpg

http://files.rooo7i.net/images_cash/...14345555bq.jpg

http://sphotos.ak.fbcdn.net/hphotos-..._3820586_n.jpg

http://www.alm5zn.com/upfiles/rpq49821.jpg

http://www.m5zn.com/uploads/2010/11/...865m3w2k7y.jpg

---

ديه مدينة ألعاب عالمية
كانوا عاملين حلقها عنها فى قناة ناشيونال جيوجرافيك ابو ظبى
فيها ألعاب مش موجوده فى ديزنى لاند !!!!
القطار اللى فى الصورة ده اسرع قطار ملاهى فى العالم
عرباته مصممة زى عربيات فيرارى الفرميولا
ويتنطلق بسرعه خارقه
تقريبا 290 كم/س مش فاكر بالظبط كام
المهم انها نفس سرعة عربيات سباق فيرارى

طيب هما ليه ميعملوش عندنا معرض دائم كدة للسيارات في مصر ... والله والله العظيم ... كل ماعدي على مركز المؤتمرات ولا ارض المعارض قلبي بيتقطع من جوا ... وبقول مش حرام كده المباني دي تفضل كده مقفولة طول السنة يعني فيها أيه لمن يعملو معرض دائم للعربيات في مصر ... بشكل شيك ومنظم ... ويلمو العيال الي زحمين التوفيقية ويدو لكل واحد بسطة او كشك او حته جوا المعرض يعرض فيها منتجات الاكسسورات بتاعت العربيات ... وشركات العربيات بدل ماهيا فتحه كده في كل حته يجمعوها في مكان واحد مثلا من ارض المعارض ... منها انهم يساهمو في بلورت السياحة في مصر حلوة كلمة بلورة دي مش عارف سمعتها فين ههههههههههه ... ومنها ان يكون في دخل ثابت للدولة ... ومنها انهم يدو فرصة للشباب بتوع الشوارع انهم يعيدو هيكلت السوق المصري ... جامدة كمان هيكلت شايف الكلام الكبير يامعلم ... ومنها كمان ان بتعمل نوع من حركة وتنشيط السوق ... ويبقى سهل الواحد يركن عربيتو ويلف في المعرض يدور على قطعة او حاجة هو محتاجها .وتحياتي .

الله ينور