حد عنده حلول لاطفال الشوارع ؟؟ بجد الموضوع خطير جدا من وجه نظرى

جانب سور حدائق المنتزة مليان اطفال شوارع ... المشكلة ان الاطفال دول مؤزيين جدا ووجودهم فى جانب من الخطورة رغم صغر سنهم
المفروض انهم بيتسولوا لكن دول بيتشعبطوا على العربيات وشوفتهم قبل كدة كانوا واقفين عند اليو تيرن بتاع البحر
وواحد مرضاش يديهم فلوس راحوا ضربوا العربية بالشلاليت لحد ما العربية فركت وطلعت تجرى
انا عن نفسى مش بعطيهم اى فلوس لكن ممكن اديلهم اكل لان انا متاكد ان فى حد بيسرحهم وبيقلهم يعملوا كدة والفلوس دى حترجعله مش حترجع للعيال
يعنى فى مرة ولد صغير جالى وفضل يزن وانا قفلت معايا مش حديله فلوس وهو بيزن سالته انت حتعمل ايه بالفلوس قالى حاكل بيها
ضميرى وجعنى وخوفت ليكون جعان فعلا .. روحت نازل من العربية واخدته ووديته عند محل اكل وظبته والواد كان مبسوط جدا وفرحان اخر حاجة
....................................
انتوا ايه رايكم فى الاطفال دول .. انا راى انهم نتاج المجتمع الفاسد لكن فى نفس الوقت انهم ممكن يكونوا خطرين جدا علينا وعلى انفسهم
قصدى انهم خطر بس ماينفعش اسجنه او اعدمه .... والله يا جماعة دة موضوع خطييير جدا وبقى منتشر باشكال كتير
ايه اللى ممكن نعمله للاطفال دول ؟؟؟؟ ازاى نقدر نساعدهم ؟؟؟ ازاى نقدر نوجه الدولة لحاجة زى كدة ؟؟؟؟
لان ببساطة شديدة دة مش طفل ... دة مشروووووع مجرم ولو متلحقش المشروع دة حينجح واحنا اللى حنخسر فى الاخر
...................................
دى صورة طفلة من اطفال الشوارع اللى كلمتكوا عنهم عند سوور حدائق المنتزة
http://www7.0zz0.com/2012/03/31/01/434000863.jpg

طبعا ربنا يجازيك خير علي الي عملتة .
والصورة الي انت حاططها دي حاجة صعبة اوي .
مشكلة اطفال الشوارع مشكلة كبيرة جدا وفيها اطراف كتير مشاركة فيها .
لازم يكون في ايجابية من الدولة اولا . وبالتباعية افراد المجتمع

هى دى المشكلة ان مافيش اصلا دولة فانا بسال على دور الافراد ... دور الناس للاطفال دول ؟؟؟
لو الناس مالهومش دوور قولولى علشان اريح نفسى

المشكلة انن عدد الاطفال دول فى ازدياد واحنا لحد دلوقتى معندناش دور تكفى الاعداد ى
والاسوا ان الدور المتوفرة بتعامل الاطفال معاملة تخليهم يفضلوا حياة الشوارع عن التواجد فيها

لو بتفكر فى مشروع دار للاطفال دول ياريت واكيد هتلاقى تجاوب من ناس كتير
بس اعتقد ان الدار دى بتحتاج موافقات وتصريحات وروتين الدولة وسيطرتها عليها
بس ممكن نحاول ونعمل اللى علينا

العيال دول بكرة يكبروا ويبقوا بلطجية وقطاع طرق وبنات ليل

يا أستاذة سما أنا ماعنديش امكانيات تخلينى أعمل دار زى اللى حضرتك بتقولى عليه
لأن دة دور الحكومة لكن أنا بتكلم عن طريقة تعامل المجتمع مع الأطفال دول لأننا لو انتظرنا الحكومة تتحرك حيكون الأطفال دول كبروا
أنا عارف ان وجه نظرى مش واصلة لأن الموضوع لازم يتشاف على الطبيعة