و الفروق اللي حضرتك حسيتها دي بالمقارنة بال525 ولا الكورولا ؟
عرض للطباعة
موضوع الزجاج الخلفى والمرايات والكراسى ..هم اسوا من الاتنين, الكورولا وال525
اما موضوع النور..فده مقارنه با525 بس طبعا..لان نورها فى نفس قوة ال525 اللى هى عمرها 6 سنين وفوانيسها مغبره شويه...مفروض عربيه زيرو فى 2012 تبقى نورها اقوى من كده
للاسف انا مسافر جمعه وسبت..حضرتك ابعتلى نمرتك على الخاص وانا اكلمك لما ارجع ان شاء الله
الف مبروك عربية رائعة
فى انتظار التقرير
ما شاء الله الف مبروك ان شاء الله عربية جميلة
ربنا يبارك
ربنا يبارك فى انتظار التقرير
مبدئيا لانى حاسس ان الناس مستنيه وهتضربنى :)
-تسارع العربيه ممتاز..ولا يوجد احساس بالنقلات مطلقا..لدرجة انها انعم من ال 525 موديل 2006 الى معايا والباسات 2007 مع مع والدى
-عزل صوت الموتور لا باس به..ولكنه اقل كثيرا من العزل فى ال 525
-ثبات راااااائع...اخدت بها غرزتين وتفاديت مطب ولم اشعر بأى انزلاق
-استهلاك بنزين ممتاز (اسكندريه رايح جاى عملنا 520 كيلو ب 37 لتر مع التكييف فى الحر)..لكن لازم من بنزين 95 للاسف..توقع الاستهلاك يتحسن بعد 5-6 الاف وتغيير زيت وفلتر
-كماليات حلوه وعمليه..فى الانوار والدريكسيون
-الاضائه الاماميه بالفعل لا تتناسب مع سعر وحجم السياره!!
-الكراسى الاماميه غير مريحه وغير عريضه! بالرغم من وجود فراغ كافى بجانب الكرسى يسمح بتعريضه على الاقل 5 سم!!
-شنطه بحححررررر..تقريبا بحجم شنطه ال 525
-اماكن حامل الاكواب سخيف!! وعند استخدامه يخفى زاير الانتظار والقفل المركزى!
-شكل خارجى ملفت جدا وخصوصا من الخلف..ممتازه لمحبى التميز والمنظره زى مراتى :)
وبالتوفيق وتحت امركم فى اى سؤال..اعذرونى على التقييم البدائى لانى غير متخصص
ربنا يكرمك على ذوقك والمجامله
ممكن الاخوه المحترفين لو لهم اسئله محدده احاول اجاوب عليها وتفيد اللى بيفكر
تقديرى العام انها ان شاء الله ف خلال سنه هتأثر جامد على مبيعات الفانتازيا والباسات والفولفو ويمكن ال 316 خصوصا مع فارق السعر المحترم مع معظم العربيات دى