الموضوع: صور سويفت الجديده من فورميلا الاهرام 2012

تسلم ايديك يا باشا دايما بتمتعنا بتقاريرك عن المعرض :)

انطباعي عن السيارة بالرغم ان سعرها بقي أفضل من الأول و لو نزلت للـ سبعينات و اتخدمت هنلاقي ناس كتيير جابتها
بس انطباعي عن الشكل من وجهة نظري من خلال الصور الشنطة غير متناسقة مع المقدمة يعني لو تم تصميم المقدمة بشكل أصغر و مرفوع شوية مش مسحوبة زي مثلا اللوجان هيكون افضل بالاضافة ان مفيهاش توازن من ورا نازلة و طالعة ع فوق اللي يشوفها يحس انها الهاتش باك و جايبين شنطة لحمينها
بصراحة شكلها الهاتش باك تتفوق عليها

الحجم كانت محتاجة تطول شوية بحيث تدي نفس للقاعد ورا

التابلوه من فوق نازل حلو لكن او ما دخل في البيج و باقي العربية بيج مش مريحني لو كانت نزلت ع نفس اللون كان أفضل و الكونسولة اللي حوالين الفتيس كانت محتاجة شوية شغل و تترفع شوية مع مخدع في الوسط كانت هتبقي جامدة لكن كتقسيمة حلوة المشكلة مشكلة لون من وجهة نظري لأني مش بحب البيج في العربيات
العدادات كانت محتاجة شوية شغل بس شغالة مش هتقول لأ جايز الاضاءة تحلي شكلها عشان مشوفتهاش

الشراعة اللي ورا ملهاش لازمة خلت الازاز الخلفي صغير اوي بس اعتقد لصغر حجم الباب فتم الاستغناء عن جزء و خلوه ثابت عشان الازاز ينزل

بصراحة الهاتش باك أفضل من وجهة نظري اما انها تبقي سيدان كانت هتبقي محتاجة التعديلات دي

و اخيرا مقدرش برده احكم عليها حكم نهائي غير لما أشوف ع الطبيعة و اجرب بنفسي :)