كاميرات مراقبه

**Mshawky** · 31-03-2012 03:46 PM

حد يعرف ياجماعه شركات اسعارها كويس لتركيب كاميرات مراقبه وعندهم دعم كويس

ويفضل يكون حد جرب التعامل معاهم افضل

**amdd** · 31-03-2012 03:54 PM

كان فى موضوع جميل عن كاميرات المراقبة هنا حاول تدور عليه هيفيدك كتير

**Mshawky** · 31-03-2012 05:25 PM

لو تقدر تجبلى اللنك اكون شاكر ليك جدا

**أبو صلاح** · 31-03-2012 06:28 PM

انا اعرف مهندس كمبيوتر محترم ممكن يعملك الشبكة دي ويربطها بالنت ولو في فروع في كذا مكان برضه يربطهملك ببعض

كان عامل الشغل ده في الشركة اللي كنت شغال فيها

**DreAmO** · 31-03-2012 10:40 PM

الموضوع مش محتاج شركات ولا مهندسين

اشتري الكاميرات وركبها بنفسك ووصلها بالكمبيوتر تسجل عليه

والكاميرات انواع وامكانيات وليها برامج .. كاميرا حساسه للحركه وكاميرا بموتور متحركه ومش متحركة وبزوم ومن غير وزم

وفكرتها نفس فكرة شبكة الكمبيوتر .. يعني الكاميرا كانها جهاز كمبيوتر مربوط بشبكه

ليها رقم ip وكلهم مربوطين بشبكه

عموما لو بحثت عالنت هتلاقي شروحات كتير للكلام دة

الموضوع سهل

**hossam165** · 01-04-2012 12:08 AM

انا ممكن اساعد حضرتك
بحكم اني مدير قسم التركيبات باحدي الشركات التي تعمل في هذا المجال
ممكن تشرح انت عاوز تعمل ايه وانا اساعدك علي الاختيار ان شاء الله

**Mshawky** · 01-04-2012 01:07 AM

على فكره انا اصلا نتورك انجنير وده مجالى من 7 سنين فمش قصه نتورك ولا حاجه خالص ده شغلى اصلا

هى بس الفكره فى التركيب ومد الاسلاك وتزبيط DVR عليها علشان يسجل كويس وميهنجش او يقطع وعايز كاميرات خفيه شويه مش كبيره وواضحه وجبت عرض من بره شركه بتعامل معاها بعتولى اسعار كاميرا هاى ديفنيشن كمان
وده موقعهم 123 CCTV Security Camera Surveillance Systems. Security Cameras

المهم فانا مشكلتى فى التركيب واسلاك والكلام ده لكن انا ممكن استوردهم وعارف طريقه تركيب النتورك وكل حاجه فيها

فعايز بس نصايحكم لو حد كان جرب الموضوع ده قبل كده فى التركيب والاسعار وكده

**yascro** · 01-04-2012 02:14 PM

متابع

**ahmedmaklad** · 01-04-2012 02:28 PM

و انا برده ممكن اساعد لاني كنت مهندس تصميم و تركيبات قبل كده في شركة خاصة و انا دلوقتي مدير ادارة التشغيل لانظمة التيار الخفيف في وزارة الاتصالات في القرية الذكية فعندي معرفة بالشركات الشغاله في المجال و الانواع لو عايز مساعده فيهم او طريقة الاتصال بيهم انا تحت امرك لاني بعمل ممارسات كتيرة في شركات كتير بتدخل معانا في الشغل
و لو الموضوع مجرد الشبكة و تركيبها برده انت محتاج فنيين فقط و الجزء بتاع التشغيل هيبقى سهل
هو السوق دلوقتي مليان حاجات صيني و باب اللوق حاجات كتير جدا و انواع كتير فيه فانت لازم تحدد البادجيت و طلباتك ايه في النظام(كاميرا ثابته او متحركة بزووم و لا ثابته بردهفيها رؤية ليليه و لا مش مهم) حسب المكان برده يعني في عناصر كتيرة مهمة لازم تحدد الحاجات دي كلها و انا تحت امرك في اي مساعدة في الشركات او في الانواع