البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

**MARTINDALE** · 31-03-2012 07:42 PM

البنزين لو مغشوش هيبان على طول خصوصا لو العربيه حديثه وصاحبها حافظ ادائها , لان البنزين المغشوش مهما كانت طريقه غشه هيخلي العربيه مخنوقه او بتكركر او بتهبب .
اللي ممكن يحصل ان بنزين 92 يتخلط ببنزين 80 بس ساعتها حتى لو زود الاستهلاك ((وده مستبعد)) لكن هيبان في الاداء .

**Mohamed_Nafie** · 31-03-2012 07:56 PM

على فكرة .. أنا فعلا حاسس بكدة ... العربيه سحبها مش زي قبل الازمة ... والاستهلاك أكتر شويه ..

**engwms** · 31-03-2012 08:07 PM

فعلا بنزين 92 تحس انه بيطير بسرعة بس السحب بيكون جامد معاه
انا اخر مرة فولت 90 حاسس ان مؤشر البنزين ماتحركش من مكانه
على عكس 92 تماما

**assaf** · 31-03-2012 08:53 PM

انا كمان حاسس بكدا انا بستخدم بنزين 92 وفعلا انا حاسس انه بيطير مش بيستهلك

**mrghost** · 31-03-2012 08:54 PM

انا لسه مفول من شويه وقد كانت الصاعقه
حاطط 22 لتر بنزين 80 والاستهلاك كان 158 كيلو فقط يعنى حوالى
يعنى ال100 كيلو بياخدوا 14 لتر !!!!!!!!
ليه ؟ ده كده هيتخرب بيتى مش عارف ده عيب فى العربيه ولا البنزين مغشوش مع العلم موتورى 1400 سى سى فقط

**Hikayat** · 31-03-2012 09:14 PM

المشاركة الأصلية كتبت بواسطة ahmed_h_g

هما حركتين بيتعملوا في البنزين
يا بيتخلط زي أي بنزينه بتغش في البنزين يا بيتشفط زي كالتكس ما بتعمل في بنزينها

يعني ايه البنزين بيتشفط زي ما كالتكس بتعمل ؟؟؟

**sayed911** · 31-03-2012 09:27 PM

طيب الحمد لله اني مش انا اللي مجنون !!! انا مفول يوم السبت ! وعربيتي 40 لتر !! فاضل فيها 12 لتر !! يعني خلصت حوالي 28 لتر !! والمصيبة اني صفرت العداد بالصدفة يوم ما فولت ! والعربية النهاردة الأسبوع ده كله على بعضه عملت 182 كيلو !! يعني اللتر بيعمل اقل من 6.5 كيلو !! فيه حاجة مش طبيعية ! وقولت يمكن تهيؤوات او يمكن عشان انا شاب وبجري فمعدلي بيبقى غير الناس كلها لكن كدخ صح فيه مشكلة !

**kimocyc** · 31-03-2012 09:54 PM

تفويلة كاملة 57 ليتر عملت 370 كيلو (بنزين 92)

لعنة الله على الظالمين

**Ahmod** · 31-03-2012 10:24 PM

اول تفويلة من امارات مصر اثناء الازمة

دي تعتبر اسرع تفويلة خلصت من ساعت ماشتريت العربية ! ! مكاملتش معايا مشوارين في التالت لقيت التانك مش فاضل فيه الا شرطتين ! ! اي مايعادل حوالي 15/10 لتر تقريبا ! ! لما كنت مزبهل !