اقتباس:
المشاركة الأصلية كتبت بواسطة mad_addison
انهاردة رحت ابص على ال I10 في هيونداي عمارات العبور
دخلت ادور على حد اكلمه ولا الهوا , المهم سألت فين ال I10 يا جماعة ؟؟
مش موجودة يا فندم , قمت قلتلهم بس في شيء برة كده كله تراب وبشبه عليها انها ال I10
واحد منهم جه بص قاللي ااااااااااااااااه ده هي طب تعاللى افرجك عليها
وبعد ما شفتها من جوة اتفاجئت ان الكاسيت مش بتعاها
في معرض اوتوماك قالولي العربية ده لو كاملة هيبقى لون الطبلوه مختلف وفي عمارات العبور قالولي ل مش صحيح قلتلهم امال لييييه في المعرض قاولولي كده ؟؟؟ ردوا
أصل الي في المعرض دول لسة مش مدربين اوي :confused4:
قلتله طب بص وريني ال catalog وانا اعرف ايه الي موجود وايه مش موجود في العربية
بعد ما قريت بسأل الراجل وجت سيرة ال Center Lock قاللي ده مش موجود اصلا في اي نوع من انواع العربية سواء الكاملة او الفاضية
قلت امال ليه مكتوب في ال كاتالوج انه موجود
المهم بعد مناقشات طلع ان الكاتالوج حاجة وان الي بيقولو انه موجود في العربية حاجة تانية خالص الراجل كان بيقولي سييك من الكاتلوج وخد مني
( هو انا بشتري موبايل صيني من شارع عبد العزيز !!!!!!!!!!!!!!!1 ) زمش لازم كل حاجة تبقى واضحة ومكتوبة عشان اعرف ايه ناقص وايه مش ناقص ولا هو بمزاجهم ؟؟؟؟
وطبعا من ساعتها وانا مقتنع ان الغبور سوق خضار
ده قمة الاهمال والفتي وده وانا لسة مشترتش يعني المفروض يبقى الاهنمام اكبر
امال لو اشترييييت ؟
انا خلاص هنضم لحزب لا للغبور وهجرب من الكيا بيكانتو
هههههههههههه دة نظام غبوووووووووورر
بيجيب السيارات منفضة و تشوف الكتالوج تتحصر على كمية الاوبشن اللى شاله من السيارة علشان يكسب و يلم فلوس كويس منها و مش مهم المستهلك المصرى يتحرق بجاز هى دى سياسة غبور النصاب.
و لو شوفت كتلوج سيارتى مثلا ستصاب بغثيان من كمية الاشياء المهمة اللى شالها من السيارة مافيش و لا سيارة هيونداى خارجة من تحت ايده مشابهه للموجودة برا مصر او فى الخليج و اقل امكانيات ممكنة بيستوردها لنا و لو طال يبيع السيارة من غير كاوتش كان عملها .
واحد كان شغال تحت ايدى فى مصر راح السعودية راكب سونتا دلوقتى و جابها ارخص من الماتريكس اللى غبور مستخسر فيها لمبة شيك او جهاز انذار محترم منه لله غبور