معلش بس اللانسر تستحق سعرها لو بتقارن مع كورولا- سيفيك الجديدة-جيتا و مينفعش تقارنها بالفلوينس لأن دي موجهة لفئة معينة و دي موجهة لفئة معينة . يعني اللانسر شبابي و أداء رياضي و شكل حجومي و قابل عليه تعديلات كتيرة جدا في المستقبل فا مش هتزهق من شكل العربية, انما الفلوينس عربية عائلية مش بتاعت شد و جري و مش بتاعت تعديلات و الشغل دا.
علي فكرة العربية نازلة نفس المواصفات الكويتي اللي هي تعتبر أكتر مواصفات في الخليجي كله و الرواس الوحيد اللي كان بينزل العربية بفامية في المنطقة .
و حتي بعد الزينون اللي اتشال و العتب انا شايف ان العربية دي تتفوق علي اي عربية في نفس الفئة السعرية بتاعتها و برضوا الموضوع اذواق و العربية ال 1500 مع ناس هنا في المنتدي و جابوا بيها 200 و 210 و 220 .. ما بالك بال 1600 ال MIVEC
و علي فكرة انا مش بدافع عن العربية لأنها عندي بس انا لما اجبي ادفع فلوس بشوف الفلوس دي بتفعها عشان مقابل ايه . و عربية بالمواصفات دي (ساوند سيستم RockFord أمريكي 9 سماعات و Sub 10 بوصة و 6 CD Changer- اسبويلر- فتحة سقف-نظام إيموبليزر-فوجات- سمارت كي- مفتاح بصمة-USB مع نظام ipod-iphone ready / جنوط اسبور 16 مع كاوتش عرضة 205 ) ده غير ثبات العربية الرهيب علي السرعات و التوكيل علي فكرة عامل أوردر لباركنج سنسور و كذا حاجة تانية و هما المفرض علي وصول.
و من رايي العربية اللي في الفئة السعرية دي و تقدر تنافس هي ال Ford Focus الجديدة