تحذير من كيا بيكانتو خليجي
كنت امبارح في سوق السيارات في مدينة نصر بادور على عربيه للزوجتي
ولقيت قبل المدخل الرئيسي كده بشويه معرض عارض كيا بيكانتو خليجي اوتوماتيك 2012
ولقيت سعرها 80 الف جنيه يعني أرخص من الوكيل ب 3500 ج فاستغربت
بصيت عليها لقيتها كالأتي
.بدون كاسيت
.بدون مرايات كهربا
.بدون زجاج كهربا
.بدون انذار
واستغربت جدا جدا ازاي المواصفات الخليجي اقل من المصري لأن المصري بتنزل بكاسيت ومرايات كهربا وزجاج كهربا وانذار...المهم دخلت اتفرجت في المعرض فلقيت واحد عارض كيا بيكانتو كسر زيرو 2012 مواصفات خليجي برضه على 73 ألف بنفس المواصفات....فلما سألت عرفت انها مش خليجي ولا حاجه..وانها بتيجي فاضيه تماما من كل الكماليالت حتى التكييف
...وبيركبوا التكييف في الحرفيين بنوع سيء جدا جدا...ويقولك طبعا العربيه زيرو ماتشغلش التكييف قبل 1000 كيلو...ولما تكون مشيت بالعربيه 1000 كيلو تفاجا ان التكييف سيء جدا...
لذلك لزم التنبيه والتوعيه من البيكانتو الخليجي