نفسي في ديفل !

**Mandible** · 01-04-2012 01:04 AM

السلام عليكم اعضاءنا الكرام ... من زمان و انا نفسي اركب ديفل بس مش لاقي حد يدلني على حد كويس بيبع .. و انا الصراحة لسة جديد في الموضوع ده و عايز خلال اليومين الجايين دول اركب واحد بس قلت الاول لازم استشير اصحاب الخبرة في منتدانا العزيز قبل ما أقدم على اي خطوة .. و السؤال هنا .. لو عايز علبة شكمان محترمة لعربية اكسل 1500 من اللي صوته مكتوم و بيظهر في الكبس .. الاقيه فين و ممكن يعمله كام ؟ و ايه الحاجات اللي اخلي بالي منها لما اشتري ؟ و هل ممكن أرجع علبة الشكمان الاصلية مكانها لو انا عاوز ؟ و الشكر كل الشكر مقدما :)

**Ahmod** · 01-04-2012 01:24 PM

موضوع الديفل ده بسيط مافيش فيه مشاكل لانك مجرد هتشيل العلبة الخلفية وهتحط الديفل

ووقت ماتحب ترجع علبتك الاصلية مافيش اي مشكلة

الاسعار من 150 جنيه وانت طالع

وعندك طبعا العلب المصري والصيني دول ارخص حاجة وسعرهم هتلاقيه في رنج ال 150/200 جنيه على حسب شكل العلبة وصوتها

وفيه انواع احسن وماركات انضف زي HKS , jasmine وغيرهم

وطبعا كل علبة وليها صوتها على حسب بقى انت عايز طول مانت ماشي تعمل صوت وصوت عالي ! زي اللى بتشوفه في العربيات ال 127,128 ! ولا عايز حاجة صوتها يطلع مع الكبس ! ولا حاجة صوتها مع الحرق بس

على حسب انت عايز ايه وكل حاجة موجودة

انا انصحك تروح لواحد اسمه محمد لطفي في عين شمس انا لسه مغير الشكمان بتاعي عنده

قوله انا من طرف الياريس الكحلي اللى لسه عامل الشكمان عندك وهو هيعمل معاك واجب كويس ان شاء الله

والاسعار عنده زي ماقلتلك بداية من 150/200 جنيه للعلب المصري والصيني ولحد 500 جنيه للعلب الانضف

**Mandible** · 01-04-2012 04:27 PM

المشاركة الأصلية كتبت بواسطة ahmod

موضوع الديفل ده بسيط مافيش فيه مشاكل لانك مجرد هتشيل العلبة الخلفية وهتحط الديفل

ووقت ماتحب ترجع علبتك الاصلية مافيش اي مشكلة

الاسعار من 150 جنيه وانت طالع

وعندك طبعا العلب المصري والصيني دول ارخص حاجة وسعرهم هتلاقيه في رنج ال 150/200 جنيه على حسب شكل العلبة وصوتها

وفيه انواع احسن وماركات انضف زي hks , jasmine وغيرهم

وطبعا كل علبة وليها صوتها على حسب بقى انت عايز طول مانت ماشي تعمل صوت وصوت عالي ! زي اللى بتشوفه في العربيات ال 127,128 ! ولا عايز حاجة صوتها يطلع مع الكبس ! ولا حاجة صوتها مع الحرق بس

على حسب انت عايز ايه وكل حاجة موجودة

انا انصحك تروح لواحد اسمه محمد لطفي في عين شمس انا لسه مغير الشكمان بتاعي عنده

قوله انا من طرف الياريس الكحلي اللى لسه عامل الشكمان عندك وهو هيعمل معاك واجب كويس ان شاء الله

والاسعار عنده زي ماقلتلك بداية من 150/200 جنيه للعلب المصري والصيني ولحد 500 جنيه للعلب الانضف

أشكرك على ردك .. بس هو فين في عين شمس بالظبط ؟ و هل انت واخد من عنده علبة كويسة مفيهاش مشاكل ؟ و نوعها ايه و عملت كام ؟ و شكرا مقدما

**ahmed_h_g** · 01-04-2012 06:12 PM

ممكن عنوانه بالظبط لو سمحت ؟

**Ahmod** · 02-04-2012 03:13 AM

المشاركة الأصلية كتبت بواسطة Mandible

أشكرك على ردك .. بس هو فين في عين شمس بالظبط ؟ و هل انت واخد من عنده علبة كويسة مفيهاش مشاكل ؟ و نوعها ايه و عملت كام ؟ و شكرا مقدما

المشاركة الأصلية كتبت بواسطة ahmed_h_g

ممكن عنوانه بالظبط لو سمحت ؟

المشاركة الأصلية كتبت بواسطة Mandible

مفيش حد عنده معلومة يا جماعة ؟

العلبة ب 450 جنيه والحمد لله مش شايف فيها اي مشاكل نهائي

العلبة عموما نوعها Jasmine استيراد وانا اخترت العلبة دي بالذات عشان مالهاش صوت او صوتها خفيف ! صوتها معدوم على السلانسية وبيزيد حجات بسيطة مع المشي بيبدأ يظهر مع الحرق ولكن بيفضل برضوا صوت خفيف لاني مش من هواة الازعاج والاصوات العالية

عنوانه بعد ماتعدي اشارة روكسي تفضل ماشي طوالي في اتجاه شارع جسر السويس

لحد ماتلاقي نادي الشمس على يمينك وسعتها هتلاقي على الشمال "في الاتجاه المقابل" بنزينة موبيل

تاخد اول U-turn وتدخل من الشارع اللى جمب البنزينة بعدين يمين بحيث تبقى ماشي جمب البنزينة "البنزينة هتبقى على يمينك"

تاخد اول شمال بعدها وبعدين يمين في اول شمال هتلاقيه على ايدك اليمين !

عموما انت اول ماتوصل لبنزينة موبيل اسال اي حد عن لطفي بتاع الشكمانات هو معروف اوي هناك وده رقم موبايله عموما للي حابب يستفسر منه على حاجة

01005843049

**Dr'AhmZZong** · 02-04-2012 03:21 AM

هل حسيت بيفرق يا ahmod في التسارع ؟؟

**Ahmod** · 02-04-2012 03:43 AM

المشاركة الأصلية كتبت بواسطة Ahmazong

هل حسيت بيفرق يا ahmod في التسارع ؟؟

طبعا الفرق كبييير بعد وقبل !

يعني الفرق اللى حسيته بعد تغيير الشكمان يمكن يعادل تلت او اربع اضعاف الفرق اللى حسيته بعد ماركبت الفلتر ال K&N ! فرق محسوس بشكل واااضح !

العربية بعد ال 3000 Rpm بتحس انك شلت الماتور وحطيت ماتور تاني ! بقت الاستجابة احسن واسرع واقل دوسة بنزين بتجري العربية ! حتى كتيير مش محتاج انك تسقط نقلة ! مجرد تدوس شوية In gear هتلاقي العربية قالت معاك !

لكن عموما انا العربية عندي حاليا فيها مشاكل ومكتومة

عطلت بيا على المحور بعد ماركبت ال Exhaust بيومين ! ! ؟ فيوز ال Electronic fuel injection ضرب !

معرفش ليها علاقة بالتعديل اللى انا عملته ولا لاء ! ؟

بس لما سالت اكتشفت ان انا محتاج اغير فلتر بنزين ! لاني من ساعت ماشتريت العربية ماغيرتوش

وبعد التعديل العربية بقت محتاجة تضخ كمية بنزين اكبر ومع الفلتر القديم اللى غالبا مسدوم ومتهالك !! بقاله خمس سنين ؟؟ مع بنزين مصر الجميل ! ! اعتقد انه اتسد من كتر الرواسب ! !

مابقاش بيوصل للعربية كمية بنزين كافية او متناسبة مع التعديل الجديد خصوصا على ال Rpm العالي والسرعات العالية وده اللى عملي المشكلة وحرق الفيوز وكاتم العربية على ال Rpm العالي

فحاليا العربية لما بعمل Kick down بتتخنق وتتكتم ! ! عشان تجري لازم ادوس على الدواسة بشكل تدريجي اول ما ال Rpm يوصل 3000 تلاقي العربية اتجننت وعايزة تاكل الاسفلت ! ! وعشان انت مش جايب اخر الدواسة بتنقل عند 4500 : 5000 !

ولو حاولت تحرق زيادة عن كدة العربية بتتكتم ! وفوق ال 80 مكتومة جامد !

هغير فلتر البنزين / البوجيهات وهعمل صيانة ال 40 الف للعربية ومتفائل خير ان شاء الله