مشكله في شبكه اتصالات " باقات الانترنت على الموبايل "

شباب عندي مشكله في اتصالات انترنت

بحاول اشترك في باقه 20 وببعت رساله فاضيه لـ 751 ثم رساله فيها 20
وجربت *751#

وكل مره تيجي رساله من 751 " عفواً لا يمكنك الاشتراك في هذه الباقه"

رحت فرعين اتصالات و اتصلت بخدمه العملا 5 مرات و ماقلوش كلمه غير اني ابعت رساله لـ 751 او *751# !!!!!!!!!!!!!

:blueletter::blueletter::blueletter::blueletter:

و واحد دلوقتي قـالي هتصل بيك 1 و نص ! .. :) و اللي في الستور بتاع اتصالات قالي عشان انت مشترك في Yes 6 وكل بتوع خدمه العملا اكدولي انه ملوش دعوه !

وكل واحد اقولوا طب فعلها من السيستم عندك يقولي مينفعش :))))))))))))))))))

اعمل ايه ! الوايرلس بايظ وبحب استخدم الموبايل وانا بره + Android و اكيد بحتاج النت فيه :\

بص هو تقريبا الرساله التانيه بتكتب فيها 2 مش 20
عموما لو ما نفعتش اشترك في الباقه الاسبوعيه مؤقتا
هتبعت الاول رساله748 فاضيه وبعد كده تاكدها برساله تانيه فيها 2
دي بتلغي اي باقه قديمه
بعد كده رساله ل 750 فاضيه وتاكدها برساله تانيه فيها 2

ايه باقة 20 دي ؟ ممكن توضح ظروفها ايه عشان انا كمان اندرويد و بحتاج نت بس متبهدل فلوس

فيه باقه 20 جنيه وفيه باقه 50 جنيه وفيه باقه اسبوعيه بـ 7 جنيه ,, اول واحده بتديك 110 ميجا وبعد ما يخلصوا السرعه تقل بس مافيش فلوس زياده , تاني واحده 500 ميجا وتقل ومافيش مصاريف ,, تالت واحده 50 ميجا تقريباً ,, وباقه الـ 20 هتبقى متتازه اظن :)

---

ابن سينا ,, هجرب واقولك

نفس الشيئ يا إبن سينا ,, انا هروح اولع في الخط والموبايل والاندرويد !!!!!!!

نفس اللي حصل معايا

جزم عشان تفضل على اللي بجنيه
رحت سايب الخط في عده قديمه واشتركت في باقة فودافون 500 ميجا ب 50
وممتااااااااااااااااااااا اااااااااااااااازه جدا

سلامي

انتوا شايفين ان اتصالات واقعه في الحوار ده و فودا احسن ؟ طيب ام نبيل ظروفها ايه ؟

انا شايف كلهم نفس النظام , كام ميجا هتخلصهم في يوم وتلبس الـ 64 كيلو !!!!!
والاخ بتاع خدمه العملا اتصل بيا قالي قدملي شكوه للقسم المسؤول وهيتصلوا قبل 5 ابريل يا اما يقولي ايه المشكله يا اما هيفعل الباقه لو يقدر !!!!!!!!!!!!!!!!!!!!!!!!!!!!!!!!!!!!!!!!!!!

هااااار اسود على دي شركه !!! ,, :( :( :( المشكله اني مينفعش ادخل بجنيه ,, دول خمسه ميجا , كفايه ادخل الماركت بس هيخلصوا في دقيقه وبعد كده الميجا بجنيه !! ,,,

ومينفعش احط الفودافون لان كل معمالاتي اتصالات :\ يففففففففففففففففففففففف

:\ بعد ما اتصلت اول مره وكل شويه يقولي 751 قولتله جرببببببببببت وقبل ما تتكلم جربت *751# وبرضو مافيش فايده ,, المهم انهارده ااتصل وجاتلي رساله انه فعل الباقه وانا لسه على نظام Yes 6 عادي !!!

:\ يا سلام لو الراجل فالمحل كان غير نظام الخط والباقه مش اشتغلت برضو ,, كنت هكسر المحل فوق راسو !!

وهحاول اقدم فيه شكوه كمان ....

http://i.imgur.com/pSv7e.png

مبروك وباقة ال 110 ميجا يادوب هيكفو الشهر عادي من غير برامج من الماركت أو بمعنى اصح بتاع 10 أو 15 ميجا ماركت وميلات وفيس وشات هيكفوك بالعافيه

انا كنت شغال مع النت ابو جنيه و كان حلو ...جبت اندرويد اشتركت في ال 500 ميجا مع فودافون بس الشبكه وحشه فالنت وحش ...اشتركت في ال 500 مع اتصالات بس بطيء !! حاسس ان ابو جنيه اسرع منه ..و مش عارف اعمل ايه حاجه تقرف

مبروك
انا في باقة ال20 ومحصليش المشاكل ده
بس الصراحة ... بقت شركة زبالة ( عفوا )
انا مبنزلش حاجة وكنت مقضيها face و twitter وشوية المنتدي وشوية حاجات هبلة زي ال whats app ومفيش download خالص وشغال ب E بس مش 3G حتي
وخلصت الباقة ال 110 في 5 أيام !
بتقطع كتير وبتطلع عيني كتير ... ده حتي قبل ما أخلص ال package !
انا لما كنت شغال باللي هو جنيه في في اليوم مكنتش بخلص ال 5 ميجا .... يعني 5 أيام max هيبقي 25 ميجا
أزاي خلصت ال 110
كلمت خدمة العملاء ... واحد بيتهته وخايف جدا وقعدت أهديه عشان يركز بيقول ايه
وفي الأخر كل ما يخلص الورقة اللي بيقرا منها وأقوله المشكلة يقوم عايدها من الأول
في الأخر قلتله هاتلي حد كبير أكلمه !
بجد شركة .....

بالنسبه للماركت انا عندي وايرلس فالبيت ,, هحمل منه زي ما بعمل دلوقتي ,, هههه الوايرلس والباقه اشتغلوا في نفس الساعه :d

يعني الـ 110 ميجا هيكفوا الشات والميلات والفيس و يمكن يخلصوا قبل الشهر بشويه

عشان يكفو إقفل أي حاجة بتعمل اوتو سينكرونيز
والميل خليه كل ساعة
لو htc الweather مرة في اليوم
الفيس الكونتاكتس بس
هيقعد معاك لحد أخر الشهر

اقتباس:

---

المشاركة الأصلية كتبت بواسطة Eng.Geo

مبروك
انا في باقة ال20 ومحصليش المشاكل ده
بس الصراحة ... بقت شركة زبالة ( عفوا )
انا مبنزلش حاجة وكنت مقضيها face و twitter وشوية المنتدي وشوية حاجات هبلة زي ال whats app ومفيش download خالص وشغال ب E بس مش 3G حتي
وخلصت الباقة ال 110 في 5 أيام !
بتقطع كتير وبتطلع عيني كتير ... ده حتي قبل ما أخلص ال package !
انا لما كنت شغال باللي هو جنيه في في اليوم مكنتش بخلص ال 5 ميجا .... يعني 5 أيام max هيبقي 25 ميجا
أزاي خلصت ال 110
كلمت خدمة العملاء ... واحد بيتهته وخايف جدا وقعدت أهديه عشان يركز بيقول ايه
وفي الأخر كل ما يخلص الورقة اللي بيقرا منها وأقوله المشكلة يقوم عايدها من الأول
في الأخر قلتله هاتلي حد كبير أكلمه !
بجد شركة .....

---

كلهم كده ومش فاهمين حاجه !! :I_angr1[1]::I_angr1[1]:

بصراحه انترنت موبينيل و فودافون عمره ما قطع معايا ثانيه ... !

اتصالات من 12 بليل لحد 1 و نص كده الجمعه والسبت في الضياع .... :I_angr1[1]:

:@ :@ الواحد عايز شركه نضيفه !!! -.- دول كل همهم الفلوس ,, 51 قرش ضريبه قـاالك..

اقتباس:

---

المشاركة الأصلية كتبت بواسطة yoko

عشان يكفو إقفل أي حاجة بتعمل اوتو سينكرونيز
والميل خليه كل ساعة
لو htc الweather مرة في اليوم
الفيس الكونتاكتس بس
هيقعد معاك لحد أخر الشهر

---

الف شكر حضرتك على المعلومات :)
هعمل كـده ان شاء الله ,, Sony Neo V :D

انا الشهر ده فباقة ال 500 ميجا
فاضلي 9 ايام ومكملتش 110 ميجا لحد دلوقتي

واكتر حاجه بتستهلك نتي كالتالي
الفيس اكتر حاجه
بعده مسنجر الفيس
بعده البراوزر والاوبيرا
بعد كده الباقي


سوني اريكسون ارك اس