عاوز اجيب فردتين كاوتش قدام للاوبترا بس عاوز ماركة كويسة لان الكاوتش اللي عندي بيسحف جامد وكنت عاوز اجيب حاجة كويسة للفرامل و العفشة المقاس عندي 14 وشكرا
عرض للطباعة
عاوز اجيب فردتين كاوتش قدام للاوبترا بس عاوز ماركة كويسة لان الكاوتش اللي عندي بيسحف جامد وكنت عاوز اجيب حاجة كويسة للفرامل و العفشة المقاس عندي 14 وشكرا
الكاوتش الجديد يركب فى الخلف و ليس فى الامام
ركب حاجه ياباني
وانصحك بيوكوهاما
فرده ناعمه وحتنبسط بيها كتير
لو مش هتقدر علي تمن البريدجستون الياباني والميشلان يبقي خليك في السيلفر استون او الاكليز بشفتين وانسي موضوع الزحف ده نهائي وسعره في ال 14 بيعمل 380 جنيه اما البريدجستون والميشلان معاك من 590 لحد 650 جنيه للفرده الواحده
والكاوتش الجديد بيركب قدام تحت الماتور والقديم بترجعه ورا الكلام ه للاستاذ لوني ولف علشان الفرامل عنده امامية مش خلفية يا بشمهندس والراجل بيشتكي من الزحف
فعلا خليك ف البريدجيستون
والاحسن انك تغير كلة
وبالتوفيق
انت وقعت ولا الهوى الى رماك!!
ههههههههههه
الجمله الى انا حاطت تحتهت خط لحد دلوقتى مش فاهمها ياريت توضح لنا و خصوصا انى عملت سيرش على النت لقيت ان كل العربيات فيها فرامل اماميه و خلفيه
و عامة اتفرج على اللنكين دول و لو لسه مصمم على رايك ان الكاوتش الجديد بيركب فى الامام و القديم فى الخلف( بغض النظر عن السبب)و هتقوله لحد, امانه عليك تديله برضه اللنكين دول عشان هو يقرر بنفسه
Install Two New Tires on the Rear Axle - YouTube
و ده
Vicki Butler Henderson explains why new tyres should go on the rear - YouTube
معلومه حلوه ومهمه جدا
شكرا
يعني دلوقتي اركبهم ورا و لا قدام مش عارف
بعد ما شوفت الفديو
خليهم ورا
وخد قرارك بنفسك
اولا الكاوتش يركب قدام ولا ورا فا ده يتوقف علي العربية
دفع امامي يبقي يركب قدام
لو دفع خلفي يركب ورا
ثانيا انا لما غيرت من فترة جبت gt سعرها كويس
بس طبعا بريدجستون افضل :)
وحكاية الفرامل اكيد من الكاوتش و لا ممكن يكون في حاجة تاني
هي بتزحف جامد مع الفرملة
متشكر ليكو يا رجالة يا اجدع اصحاب بجد
المفروض قدام
شكرا ليكم جدا يا رجالة
اللى اعرفو ان لما الكاوتش بيحتاج يتغير وحتغير اتنين بس يبقى اللى قدام عشان لا قدر الله لو ماشى على سرعة فوق ال100 والكاوتش اللى قدام فرقع العربية ممكن تتقلب لكن اللى ورا عادى فهي دي الفكرة على حد علمى
الكاوتش عندي بيزحف بطريقة غريبة اوي مع الفرامل ومنظومة الفرامل كلها مظبوطة و الحمد لله مفيش غير تغيير الكاوتش فعاوز نوع يكون سعرة حنين شوية و يكون حلو في حكاية الفرامل دي وشكرا
الفيديو الاولانى
0:23@ مكتوبه و مسموعه
Insist your new tires are mounted on the rear
افتح من 2:09 عند السكشن بتاع Remember تانى جزئيه مكتوبه و مسموعه فى نفس الوقت:
Always keep the two tires with the deepest tread on the rear axle. This applies to FWD, RWD and AWD vehicles.
وdeepest tread ده معناه الكاوتش الاجدد (او اللى مداسه اعلى و اقل تآكل)
الفيديو التانى من اوله الكلام بيقول:
when it comes to renewing tires , sales statistics shows most of those buy two tires instead of one or set of 4. In this situation, leading tire manufacturers and road safety organizations recommend the new tires are fitted on the rear axle, regardless if whether the car is front or rear wheel drive, this is by far the safest option
الكلام واضح جدا و هو ان الكاوتش الجديد يركب فى الخلف بغض النظر عن ان السياره جر امامى او دفع خلفى او دفع رباعى
ياريت اللى يتفرج على الفيديوهات يسمع الكلام بيقول ايه عشان نفهم, و لو حد عنده مشكله فى الانجلش مفيش اى مشكله فى اننا نساعده
طيب وحهة النظر ايه او الفكرة العلمية طيب وشكرا
علعموم انا جبت فرديتين ستار مكس حلوين جدا و الفرامل اتضبطت الي حد ما
شكرا لكل اللي ساهم معايا في الرد
الفكره ببساطه ان عشان يكون فيه احتكاك كويس بين الكاوتش و الطريق لازم عمق النقشه ميقلش عن حد معين لان وظيفة التجاويف اللى فى النقشه انها تسمح للماده اللى على الطريق انها تخرج بره المساحه اللى بين الطريق و الكاوتش, لان المواد دى لو فضلت بين الطريق و الكاوتش بتقلل الاحتكاك بينهم و ساعتها العربيه تبدأ تعوم.
و بالتجربه زى ماهو موجود فى الفيديوهات, لما الكاوتش الجديد بيركب فى الامام و القديم فى الخلف, العربيه بتعوم جامد من الخلف و يصعب التحكم فيها نهائى, و على عكس, لما القديم بيتحط فى الامام و الجديد فى الخلف بيكون التماسك بين الكاوتش الخلفى و الطريق اكبر من الامامى, فلما العربيه تبتدى تعوم من الامام بيسهل السيطره عليها بالدركسيون
الكلام ده لكل العربيات الامامى و الخلفى و الرباعى
و لنفس السبب الفرامل عندك اتحسنت لما غيرت الكاوتش القديم لان عمق النقشه فى الجديد اكبر من الكاوتش القديم فاى حاجه على الطريق بتدخل عن طريق تجاويف النقشه و تطله لبره و بالتالى مساحة الكاوتش الملامس للاسفلت بقت اكبر و ده معناه احتكاك و تماسك اكبر بين الكاوتش و الطريق
(على فكره الكلام للحالتين سواء ميه او رمل, و شكل النقشه بيعتمد على نوع الطريق اللى هامشى عليه معظم الوقت يعنى النقشه بتاع الاسفلت متنفعش لعربيه بتمشى فى مدقات او عربيه بتمشى فى طرق مبلوله)
الله ينور عليك و الله استاذ