الموضوع: هو اللى انا فيه ده صح ولا عقده نفسيه وتهيؤات

والله عموما او نسبيا انت بتتكلم صح

بس في نقطه في الاكسيل بتاعتك وهي اكيد ان تصميمها غير تصميم العربيات الجديده وهي اضعف منهم بكتير في الحوادث

دلوقتي مفيش اي عربيه في الغالب في الحوادث اقل من 3 نجوم في الاختبار او حتى نجمتين

لكن سمحني الاكسيل لو دخلت اختبار زي ده ممكن متحصلش نجمه

وكذالك كل العربيات القديمه ده موديلات التسعينات في العربيات الياباني زي صني ولانسر في الضياع في الاختبارات دي ما بالك بالاكسيل

دلوقتي الاتجاه في التصنيع تخفيف الصاج الى اقصى حد ممكن وممكن حتى يبقى فبر بس مع مراعاه تصميم بيحمي الكابينه ونقاط توزيع وتخفيف الصدمه عشان كده مثلا الميجان الي الناس كلها بتتريق انها كلها فبر انا شوفت لها حادثه العربيه اتقلبت كزا قلبه ولبست في صور والكابينه مفيهاش خدش مع ان الشنطه كانت في مكان تاني اساسا بس الكابينه مفيهاش الهوا

انا نقطه اعتراضي على الهيونداي والكيا البيكانتوا انهم ضيقين اوي اوي يعني انا ركبت البيكانتو مع صديق ليا كنا 3 احنا التلاته قاعدين في العربيه متكدرين الي سايق والي قاعد جنبه والي قاعد ورا انا متهيالي تشوفلك فيرنا هتبقى افضل منهم

اشكركم للردود وكلامك صح ومتفق معايا
وانا عارف ان الاكسيل هوا طبعا بالنسبه لاختبارات التصادم
ومعنى الكلام ان العربيات القديمة انشف من الحديثه كصاج وقوه تحمل
اذن يصبح الاكسيل زى الفرنا الحديثه واللانوس او الفرنا زى الصنى القديمة..وهكذا ولا ايه؟؟
هو انا اعرف ان نقاط القوه فى العربيه من الامام بتكون اقوى من الخلف..يعنى العربيه سهل تتبهدل من ورا انما قدام لا وده من حوادث كتير قدام عينى
بس انا مثلا اقدر اقارن بين اكسيل وبيكانتو فى حادثه واحده فنفس القوه؟؟
ياترى هيحصل ايه؟؟

مش شرط خالص

الكلام ده في حالة تساوى باقى العوامل يبقى العربية الكبيرة هتبقى افضل من مثيلتها الصغيرة

انما لو كانت العربية الصغيرة اصلا متفوقة في كل حاجة عن العربية الكبيرة يبقى الصغيرة تكسب

عشان كدة عملوا اختبارات الامان زي الـ EuroNCAP هى دى اللى بتقيم العربية فعلا مش بالشكل ولا بمتانة الصاج ولا الكلام ده كله !

العربيات القديمة بتلعب كمال اجسام شديدة ماشاء الله تدخل في اي عربية جديدة تجيبها نصين

فما بالك بعربية جديدة هاتش باك ...الناس جوة العربية حيتفعصو زي العنب لاقدر الله ربنا يحفظنا

كلامك منطقى جدا استاذ عمرو بس جوده عربيات زمان كصاج اقوى من دلوقتى بكتير..طبعا باستثناء الاكسل :d
بس هنا انا اشعر كله بيتساوى وكمان نقطة الملفات دى مهمة اوى لان العربيه الواطيه الكبيره المفروده على الارض زى الهوندا سيفيك افضل من الماتريكس..صح ولا؟؟

استاذ على جاب المفيد :)))

المشاركة الأصلية كتبت بواسطة beshomilan

كلامك منطقى جدا استاذ عمرو بس جوده عربيات زمان كصاج اقوى من دلوقتى بكتير..طبعا باستثناء الاكسل :d
بس هنا انا اشعر كله بيتساوى وكمان نقطة الملفات دى مهمة اوى لان العربيه الواطيه الكبيره المفروده على الارض زى الهوندا سيفيك افضل من الماتريكس..صح ولا؟؟

استاذ على جاب المفيد :)))

على كدة مثلا يبقى مازدا 323 افضل من اوبل كورسا !

لا طبعا زي ما قلتلك عوامل كتير

في فرق بين "قوة الصاج" و "قوة الشاسيه" في مقاومة الصدمات
وتصميم الكابينة و تصميم حجرة المحرك ، كل ده بيفرق ..

وفي الثبات تكنولوجيا العفشة والايروديناميكس وارتفاع العربية عن الارض وتوزيع الوزن على المحاور ..

مش بس قاعدة العجلات وطول العربية

العوامل كتير جدا ...


معاك ان العربيات العالية ثباتها اقل ومش معمولة اصلا للسرعات
الجيب ممكن تنقلب في ملف على 100 !! ده مش معناه انها عربية اي كلام ، لأنها اصلا معمولة للطرق الوعرة مش الطرق السريعة