حدث في طريق القاهرة -الزقازيق
التاريخ: 31-3-2012
الوقت: الساعة 10:30 بالليل
الطريق: القاهرة –الزقازيق الصحراوي (بعد اول كوبري عند بلبيس)
الحدث: عربية مرة واحدة قفلت الطريق ونزل منها ناس معاها بنادق الية
اللي حصل ...............
1-انا اخدت نفسي ولفيت ومشيت عكسي –عشان كانوا مشغولين بالعربية اللي قدامي واعدت اشاور للعربيات اللي جاية وطبعا مفيش حد فاهم حاجة ومكملين عادي
2-اتصلت بالنجدة ودار الحوار التالي
النجدة : ايوه نجدة القاهرة
انا: ايوه في عربية قفلت الطريق ونزل منها ناس معاها سلاح .......
النجدة: عند اي كوبري بالظبط؟؟
انا: معرفش اسم الكوبري بس هوا اول كوبري بعد الكارتة واصلا مفيش غير كوبريين
النجدة: طب معلش المكان فين تاني بالظبط اصلي انا نجدة القاهرة ومش عارف حاجة في بلبيس
انا : اول كوبري بعد الكارتة وانت جاي من ........................................
النجدة : طب المكان ده تبع قسم ايه ؟؟
انا: وانا اعرف منيين هيا تبع قسم ايه دانا مجرد اني بعدي عليها وانا رايح الزقازيق
النجدة: خلاص احنا هنروحلهم دلوقتي
انا : يا رب يحصل
النجدة : طب اسم حضرتك ايه ؟؟
انا ...........
النجدة : شكرا
3- لما حسيت بالا مبالاة من النجدة و البرود اللي راجل بيكلمني بيه -اكننا هنتصاحب – قلت ارجع عند الكارتة وابلغ قوة الجيش هناك والحوار كان كالاتي
اول ماوصلت
العساكر: خير
انا : حصل .....................................
العساكر: طب اقول الكلام ده ل ...... بيه
انا روحت عشان اكلم ضابط الجيش_ملازم اول_ لقيتو قاعد في ضهر عربية وعمال بياكل وماسك ورك فرخة واخر روقان
الضابط: ايوة خير
انا :...........................
الضابط: شوف انا منطقتي لحد العاشر بس وانا هحاول اكلملك واحد زميلي يمكن تكون تبع خدمته
انا : شكرا
4- روحت لكمين الشرطة اللي قبل الكارته
الضابط : ايوة
انا : ...................
الضابط: ممكن يكونوا كمين شرطة
انا: طب مين فينا اللي يعرف
الضابط: طب انا هحاول اعرفلك بس انت روح ل.........بيه واحكيلوا
روحت للضابط التاني
الضابط 2: شوف انا لسه جاي من طريق القاهرة مفيش فيه اي مشاكل ممكن ترجع تاني احسن و انا هحاول اكلم قسم بلبيس يطلع دورية يشوف اللي بيحصل
انا : شكرا
4- قعدت نص ساعة عند الكمين وقلت اكلم النجدة تاني اشوف اللي حصل
النجدة : نجدة القاهرة
انا: انا كنت بلغت ان .......................
النجدة: ايوة مش انت احمد ...........
انا: ايوة
النجدة : انا هعملك بلاغ تاني
انا :طب انا اعمل ايه دلوقتي ارجع القاهرة ولا اكمل الزقازيق
النجدة: والله يا باشا مش عارف اقولك ايه بس انت اللي في الموقف وانتا ادرى مني
انا: مش انت بتاع الامن وانت اللي عندك البلاغات
النجدة: انت اول واحد يعمل بلاغ غن الطريق ده
انا : شكرا
5- اخدت قرار وقلت هكمل على الزقازيق والحمدلله الحكاية عدت علي خير واول ما وصلت الزقازيق لقيت كمين
فسألت الضابط لو فيه حد بلغو بحاجة قالي لاء خالص
قلتلو شكرا ومشيت
والحمد لله ....................