عرض للطباعة
حبيت اشارككم معايه في تصليح عفشة ميجان حبيبتي واليكم البيان الآتي
الأعراض : رجرجه فظيعه في المطبات وخبط في عضم العربيه لدرجة لا تطاق
الدواء :
1 - بطاحه شمال ( 175 جنيه )
2 مقص يمين ( 250 جنيه )
3 - اثنين تيش ميزان خارجي ( 150 جنيه )
4 - طنابير - ماستر - ( 400 جنيه )
5 - تيل فرامل امامي - ماستر - 275 جنيه
التكلفة الإجمالية ( 1250 جنيه )
80 جنيه مصنعية
بس بيني وبينكموا حسيت اني راكب عربيه تانيه بصراحه
وانا مستعد لأي استفسارات
شكرا علي المشاركة ممكن تقولينا عملت الصيانة فين؟
ومعلش سؤال تاني ايه المقصود بتيل او طنابير ماستر؟ قصدك الاصلية يعني؟ وجبتها منين عشان شكلي هغير تيل فريب
وشكرا
انت جبت الحاجات دية اصلى ولا تركى ولا استيراد ياريت توضيح
مبروك الشغل..ومستني ردك على الاسئلة السابقة
بصوا كل الحاجات دي جديده مرتضش اجيب استيراد خصوصا في المقص ،
الطنابير والتيل داه نوع كده اسمه ماستر في علب حمرا وكده بس على العموم كان فيه حاجات بالنسبه للتيل والمقصات ارخص من كده بس انا مش استرخصت وبالنسبه للعفشه هوه راجل كويس انا اعرفه بتعامل معاه من زمان وحافظ الميجان حته حته ، وبيشوف ايه الحاجات اللي ينفع امشي بيها ومش ينفع امشي بيها
ومستعد لأي استفسارات تانية علشان نفيد كلنا بعض
مبرووك ياباشا
والاسعار شايفها كويسه اوي
بص انا عارف انها يمكن غالية شوية بس في صقر قريش ارخص بس اللي هيخليني اروح مشوار لحد هناك
مش هتفرق كتير ياعني في الأسعار حاجات بسيطه بتتكلم في 20 او 30 جنيه بس
متشكر جدا على المشاركة بس سوال كان فيه خبط كتير لما بتمشى على السفلت محبب أو فى حتت مكسرة بما أن كل شورارعنا مكسرة والمقص نوعه أيه أسبانى ؟؟
والله بأمانه مش فاكر المقص كان نوعه ايه بس هسأل لك عليه ، وبالنسبه للرجرجه فهيا انا جربت العرييه بعد تغير الحاجات دي فرق تاني خالص بصراحه
الف مبروك ياوحش
الراجل اللى انت عملت عنده الشغل ده فين
والله في المنصوره مش في القاهره للأسف
midohits لو سمحت قطع الغيار دي حضرتك اشتريتها من المنصورة ؟
لو من المنصورة يا ريت تقولي منين عشان أنا محتاج طنابير و تيل خلفية
هى صقر قريش بيضرب بيها المثل دلوقت فى انها المنطقة الصناعية الاولى فى البلد ولا ايه ؟حسبى الله ونعم الوكيل
معلش اصل انا من سكان صقر قريش ومن ضحايا الورش اللى مالية المنطقة فى كل حتة ربنا ينتقم منهم