حبيب قلبى أيوه بقى هات ماعندك هات
عرض للطباعة
الموبيل دا تحفة بصراحة انا من اول ما نزل و انا متابعة على النت و بشوف الفديوهات بتاعته .. شوفتة في سيلكت و بصراحة من اشيك الموبيلات الموجودة دلوقتي خصوصا اللون الابيض
كنت ناوي علية بشدة بس شكلي هستنى بقى لما نشوف الكلام دا اخرة اية
tayb what's ur opinion about that one:
Motorola RAZR XT910 - Full phone specifications
بالفعل هو فية مشكلة السخونة الشديدة بس مش دة سبب البيع
المشكلة الاساسية الشاشة الصفرا مع ارتفاع حرارة الجهاز وسوني وعدت بتلافيها في الاصدارات الجديدة ممكن تعمل جوجلنج عنها وتعرف اكتر ضيف
1.البطارية داخلية غير قابلة للفك والتركيب
2..ميكرو سيم كارد
3.مفيش منفذ كارد ذاكرة
وفعلا الارك خالي من العيوب دي
الميكرو سيم كل الجديد بيستخدمه .. وبالنسبة للمنفذ الموبايل ذاكرته الداخلية 32 جيجا مش قليل خالص يعني .. بالنسبة للبطارية برضه مش شايفها مشكلة كبيرة يعني , بس رايي اللي ناوي يجيب اجمد موبايل موجود دلوقتي يستنى HTC One X
ولو هتجيب الارك اس يبقى هات نوكيا n9 احسن في رايي
علشان الناس تبأة عرفه بس htc one x نفس الكلام البطارية مش بتتشال و Micro sim و مش بيركبلو SD Card
والله ياباشا كمواصفات مكتوبة تحفة طبعا بس من ساعة xperia S و أنا متعقد و مقتنع إن لازم التليفون يتجرب على الواقع مع عدم الإكتفاء بمتابعة مواصفات مكتوبة فقط
بس بالنسبة للتليفون ده ممتاز بس طبعا السوق المصرى مش سوقه و لو حبيت تبيع هتخسر جامد ده لو إتباع أصلا يعنى ....................... مرار طافح
خلينا متابعين السونى s , و كمان نستنى نشوف ال one X HTC
عشان الذاكرة الداخلية اسرع من الخارجية بكتير
لأ كروت الذاكرة ال class6 or 8 or 10 سراااع جدا !
انا منتظر ال جلاكسى s3
السلام عليكم و رحمة الله و بركاته ............................
كنت إمبارح فى مول العرب و بالمناسبة بسمة كانت هناك فى سبينس بتشرى حبة حاجات كدة حمزاوى كان طالبها منها و كمان كان هناك أحمد بلال و أحمد السيد ................. دا طبعا مش موضوعنا بس القافية حكمت
المهم : كل ستورز الإلكترونيات هناك بدون ذكر أسماء عاملين عرض هناك كالاتى : تحجز ال htc one x إللى هوه هينزل السوق المصرى بعد 15/4 و تاخد أكسيسوريز ليه بقيمة 1000 جنيه ( جراب + إسكرين بروتكتور + حامل و شاحن العربية ) و الجهاز سعره هيبقى 5200 إن شاء الله ....................... يابلاش
و مازلنا منتظرين الحقيقة فين !!!!!!!!!!!!!!!!!!!!!!!!!!!!!!!!!!!
انا اشتريته لمدة 18 ساعة فقط
وتخلصت منه بعد فرق الحركات الرهيبة بينه وبين النوت او الإس تو
العيوب
الستارة المنسدلة لا يوجد بها فتح وقفل البلوتوث والجي بي اس وغيرها مثل الجالاكسي نوت
البطارية مدمجة داخل الجهاز وانا احب يكون عندي بطكارية احتياطية ابدلها مع الأساسية
السيم كارت مايكرو يعني لما تقصه ما تقدجدرش تركبه على جهاز عادي
لايوجد منفذ ذاكرة
كان بطيء الإستجابة
لا يمكنني عمل روت وبعض برامجي المهمة محتاجة روت
الدعم الفني له قليل
اكسسواراته قليلة
المميزوات /-
الكاميرا 12 ميجا بكسل
زر الكاميرا
فتح الكاميرا من الزر حتى والجهاز مغلق
حجمه جميل وانيق
كنت في موبايل شوب و قالي ان الـ htc ون اكس لو جبتوا " مافيش دعم خـــالص ولو اي حاجه حصلت للموبايل ارميه :) "
ترو ستوري
لو حصله حاجة من ناحية ايه ؟ طب اقولك حاجة روحلهم بعد شهر يكون الموبايل نزل في الاستوك عندهم وابقى شوف هيقولولك ايه عليه , اسطورة من اساطير الزمان bla bla bla , كل ده عشان مش موجود عندهم لسه , ماهو ده اسلوب ادارة المبيعات :) , والدعم طبيعي جدا الموبايل لسه منزلش رسمي اصلا متوقع يكون الدعم عامل ازاي ؟
مش One X بس ,, HTC كله مالوش دعم والمشكله دي في دول عربيه تانيه على فكره ,,, وقريت ردود كتير لعرب بينصحوا انه محدش يشتريه لأن مافيش دعم نهائي للـ HTC ولو عايز تصلحه ممكن تصلحه برا البلد كمان ,, او تفضل تدور على محل يصلحه " وغالباً بيرجع اسوأ مالاول " ,, طبعاً لو حصله حاجه يعني ,,
ده اللي انا اعرفه من تجارب ناس ومن كلام المحلات زي موبايل شوب ,,
[quote=د.محمود صلاح;3874220828]انا اشتريته لمدة 18 ساعة فقط
وتخلصت منه بعد فرق الحركات الرهيبة بينه وبين النوت او الإس تو
العيوب
الستارة المنسدلة لا يوجد بها فتح وقفل البلوتوث والجي بي اس وغيرها مثل الجالاكسي نوت
البطارية مدمجة داخل الجهاز وانا احب يكون عندي بطكارية احتياطية ابدلها مع الأساسية
السيم كارت مايكرو يعني لما تقصه ما تقدجدرش تركبه على جهاز عادي
لايوجد منفذ ذاكرة
كان بطيء الإستجابة
لا يمكنني عمل روت وبعض برامجي المهمة محتاجة روت
الدعم الفني له قليل
اكسسواراته قليلة
المميزوات /-
الكاميرا 12 ميجا بكسل
زر الكاميرا
فتح الكاميرا من الزر حتى والجهاز مغلق
حجمه جميل وانيق[/quote
يا الله أخيرا لقينا عضو كان يمتلك التليفون و كمان تخلص منه و مع ذكر العيوب و المميزات لا يسعنا إللا أن نقول جزاك الله خيرا
كدا أنا خالع وش خالع حالع
طيب ياجماعة معلش انا دلوقتى محتار مابين جهازين
نوكيا 701 عاجبنى جدا
سامسونج s2 او مايسمى skyrocket 2 اية رأيكوا فى الاتنين دول وخصوصا نوكيا 701 لانة عاجبنى اوى
ياجماعة محدش يعرف برنامج عمل قفل لوحة المفاتيج بباسورد لتليفون سامسونج b3410 او corby
بس قفل للوحة المفاتيح من برة زى النوكيا كدة لما بيطلعلك المفتاح فى الشاشة
الون اكس لسّا جديد و العيوب بدأت تظهر فيه من البقع الصفراء و الشاشة و كل شوي يظهر شيئ
بص ياباشا أنا راجعت البيانات الخاصة بالنوكيا 701 و عندى تحفظين أو ثلاثة فقط على التليفون و هما كالاتى :
1 - الشاشة مش قد كده يعنى نصيحة من دلوقتى إبتدى إهتم بال LCD & Super LCD علشان تعرف تنبسط من عرض الصور و الألعاب و الأبليكيشينز و كده .
2 - النظام الفاسد الفاشل الفاشى Symbian حتى لو كان Belle و كان بيتعمله تحديث ل Belle FP1
3 - البروسيسور (1GHz to 1.3GHz after update) بس خلى بالك إن بروسيسور S2 ده 1.2 Dual Core .
طبعا الموضوع موضوع أذواق و حضرتك بترتاح إيه و برده هتجيب التليفون ليه لكن برده إحنا إتعلمنا إننا مش هنشترى بناء على المواصفات إللى الشركة المنتجة كاتباهاعلشان مانلبس فى الحيطة زى sony s .
نصيحة أخيرة ياريت تقرا أكتر عدد من الريفيوهات عن التليفون و تسأل عليه و أنا لو عرفتأى معلومات أكيد هبلغك إن شاء الله و ربنا يارب يوفقك لكل مايحب و يرضى
ظهور مشكلة في شاشة “إكسبيريا إس”، وسوني تُصلح الأجهزة المتضررة مجاناً
مصدر
ظهور مشكلة في شاشة “إكسبيريا إس”، وسوني تُصلح الأجهزة المتضررة مجاناً | Ardroid | أردرويد
هو ده الكلام الله عليك جزاك الله خيرا .............. كده بدأت الصورة توضح أكتر و أكتر بس هل الكلام ده هيطبق عندنا هنا فى مصر المحروسة ...... مصر الثورة ....... ملهمة الربيع العربى و للا هنبدأ مشوار جهاز حماية المستهلك و الكلام اللذيذ ده ....... لإن المستعمل منه كتير أوى نتيجة إن الناس لقت العيوب راحت بيعاه علطول و بالتالى إحنا مستنيين لحد ماترسى على حل................. مازال البحث عن الحقيقة مستمرا :b4_444:تابعونا
خطوه رهيبه من الشركه الاعتراف بالخطأ كامل وتحمل مسؤوليته !!
على فكره في صفحه لسوني مصر على الفيس بوك ممكن تسألهم
https://www.facebook.com/sonymobileeg
قولهم ان عندك المشاكل دي فالموبايل وشوف ردهم :)
من الكومنتات على الخبر ان شركه ايفون لو حصل كده بتقولك عيب من المستخدم ولا تعترف بالخطأ :D
ياجماعة للافاده بس
سبب انتشار الشريحة الميكرو سيم هو اتاحة فراغ لتكبير ميزات الهاتف مع تصغير السمك والهاتف معا وده اللى اقرته سامسونج انها هتنفذه فى جميع هواتفها مستقبلا
وفيه شريحة جديده ابل شغاله عليها وظهرت للنور وهى نانو سيم وحجمها نص الميكرو ودى بيقال انها هتكون فى الايفون 5
ال htc ده الريفيو الشامل عنه فكل حاجة وبعد ماتقراوه هتحددوا الهاتف يستحق ولا لا
بس فى جمله لازم تتقرأ كويس جدا..
"الهاتف مزود ببطاريه 1800 ملي أمبير قمت بشحنه 100% وقمت بأستخدام الهاتف بالطريقه المعتاده بأستخدام تقنية الوايرلس بشكل متقطع وشبكات الجيل الثالث من دون التخلي عنها ومن ثم تصفح القوائم والدخول إلى متجر الأندرويد وتحميل التطبيقات ومشاهدة الفيديو والمكالمات بشكل متقطع ومن ثم تصفح الأنترنت و مشاهدة الفيديوهات لمدة ربع ساعه ولمرّه واحده فقط ولقد أعطاني الهاتف تقريبا 11 و 36 دقيقه قبل أن يعلن عن وفاته بشكل نهائي .عندما قمت بأستخدامه بشكل مكثف وأعني الأستخدام القوي ورفع الأضاءه من التلقائي إلى 100% فلقد أعطاني الهاتف 4 ساعات"
هاه ايه رايكم؟؟؟