والله يا باشا موضوعك يزعل على الحالة اللى احنا وصالنالها
.عشان كده بقول لمراتى البلد دى ما يتبكيش عليه
والله يا باشا موضوعك يزعل على الحالة اللى احنا وصالنالها
.عشان كده بقول لمراتى البلد دى ما يتبكيش عليه
حبيب قلبي واللهي ... انا بس بسئل نفسي سؤال ؟
هو أحنا أمتى هندق ناقوص الخــــــــــــطر ونفوق ونقول بلدنا في خطـــــــــر ... بدل ما كل يوم عمالين نقول الثورة في خطر الثورة في خطـــــــــر ، تغور الثورة في الستين داهية تغور هيا والي عملوها والي هيمسكو بعدها والي كانو مسكين قبلها واولهم حسني مبارك ... بحزبو الا وطني ... أمتى الناس تبتدي تقول البلد بتاعتنا في خطــــــــــــــــــر ، الوطــــــــــن بتعنا في خطـــــــــــــر ، ياترى مستنين لمن اليهود يخشو بلدنا علشان نقول أه واللهي صحيح بلدنا في خطـر ، ولا مستنين لمن الاقي عصابة بتكسر عليا باب الشقة ويسرقونا عيني عينك علشان نقول اه والله بلدنا بقت في خطـر .
في أيه أكتــــــــــر من أن كل خناقة دلوقتي بتحصل العيال بيطلعو يجيبو رشاش ألي وينزلو يرعبو ويرهبو الشارع ... في اكتر من ان كل فرح بيحصل فيكي يا مصر تظهر المسدسات ويبتدوى يفضو طبنجاتهم ورصاصتهم في الهوى كانهم بيلعبو بمسدس مية ... ولا بومب من بتاع زمان على ايامنا .. في اكتر من ان كل يوم الواحد ينام على صوت 20 طلقة رصاص بالليل ، كل ده وبلدنا لسه مش في خطر بس الثورة هيا الوحيدة الي في خطر ... الناس بقت تخاف دلوقتي توقف لأي حد محتاج مساعده الناس بقت تخاف دلوقتي تروح في اي حته بقينا نخاف لو عدت عربية متفيمة او عربية ملاينا شباب ونقول يارب أستر ليكونو من العصابة الي بتثبت العربيات ... بقينا نخاف حتى نسيب بيتنا ولا شقتنا لوحدها ... بقينا نخاف نركن عربيتنا في اي حته ونرجع منلقهاش ... ولسه بنقول الثورة في خطر بس بلدنا زي الفل مش في خطـــــــــــــــــــــــ ـر ... حسبي الله ونعم الوكيل فيك يامبارك وحسبي الله في كل من قاعد بيساهم في تخريب البلد وبقه ألعن من مبارك وعيالو ... وقت ما حصلت الثورة في بلدنا كان في توسنامي ضرب اليابان ودمرها وبقه في أشعاعات نووية والاكل ملوث واليابان ادمرت .. بس هما قدرو يفوقوا ويشتغلو ويبنو بلدهم ... واحنا لسه نايمين في العسل وساعه نقول المجلس العسكري وساعه نقول الاخوان وساعه نقول السلفين وساعه نقول قوى خارجية وومطالب فؤوية وقشطة بالمهلبية .
انا بحمد ربنا الف مرة في سري ان عيالي واطفالي مكنوش في العربية وشافو امهم بتتعرض لموقف سخيف زي ده ... علشان مايسبش اثر نفسي وعقدة فيهم لحد مايكبرو .
واحيانا الشيطان بيوسوسلي وبقول في نفسي الحمدالله مكنتش معاها او جنبها ، كانت صورتي ايه هتبقى قدامها وهيا بتتسرق وانا معاها عيني عينك كده وفي لمح البصر ... مكنتش هعرف اعملها حاجة لأني مكنتش هستوعب هو ايه الي بيحصلنا من اساسو ومين كسر القزاز في وشنا ... وساعتها اكيد هتشعر بعدم الامان وهيا معاية مع الاسف ... بس اذا انا نفسي كرجل البيت ورب أسـرة مش شاعر بالامان هيا هتشعر بالامان .
عليه العوض ومنو العوض مش في العربية ولا في الشنطة ... لكن عليه العوض ومنو العوض في بلدي ووطني الي بأه مسخـرة ومهزلة وبقى غابة ... والمفروض الواحد ينزل من بيتو بعد كده شايل موبايلو في جيبو اليمين وطبنجتو في جيبو الشمال ومطوة يحطها في الشراب وأليكترك يربطو في كعب رجلو علشان يقدر يحمي ويدافع اسرتو ولسه في ناس بتقولك الثورة في خطر ومحدش جاب سيرة البلد انها في خطر نهائي ؟؟؟ بلدنا زي الفل ؟
مصــــــر بلد الأمن والأمان
هما فين دول ياباشا ؟
ياريت الله يباركلك تقلي بيتباعو فين او الواحد يجبهم منين الامن والامان علشان كنت عاوز اجيبلي حبت أمن على شوية أمان ليه وللعيال والمدام .
وبعدين حضرتك أنتا شايف ان في أمن في البلد ... أو حتى شاعر بالامان ... ههههههه ياريت تقلنا اذا شاعر بالامان يمكن اشعر معاك ، انا بس دلوقتي ليه فهمت ان في ناس بقت تلجئ وتروح تسكن في كمباوند حوليهم سور وحطين امن وحرسات (وبالاسم قرية سياحية ) لكن في الواقع دي ضرورة حياتية ... وتحياتي .
فعلا عليه العوض ومنه العوض فى بلدنا
حسبى الله و نعم الوكيل
حسبنا الله ونعم الوكيل
اعمل محضر باللى حصل عشان تبقى فى الامان
والحمد لله ان زوجت حضرتك بخير وربنا يسترها خليها تاخد حزرها وربنا يسترها