الموضوع: المكنة الصينى..........نعمة ام نقمة (موضوع للمناقشة)

لو استعرضنا الآراء حتى الآن سنجد

المشاركة الأصلية كتبت بواسطة memo_hefnawy

الدراجة النارية بأنواعها وسيلة لها الكثير من المميزات و لكنها سلاح ذو حديين يمكن الإستفاده القصوى منها عند ترشيد إستعمالها و ركوبها و نشر ثقافة محترمه عنها و بهذا نكون أوجدنا حل كبير لمشاكل الزحام و المواصلات فى مصر
و يمكن أيضا أن تتحول لنقمة و لعنه على كل من تسول له نفسه أن ينتقل من منزله للشارع المصرى

أولا أهم نقطة فى هذا الموضوع (وضع ضوابط و قواعد)

محمود يرى انها شئ ايجابى لو تم تنظيمه، لكن فيما عدا ذلك فهى شئ سلبى

اما اخونا محب السيات فهو يرى انها كارثة لابد ان تجتث من جذورها

المشاركة الأصلية كتبت بواسطة mahamedaraby

حاليا فى الوضع الحالى طبعا نقمه


من راى الفيسبا كانت احسن بمراحل

اما محمد عربى فيرى انها مشكلة

المشاركة الأصلية كتبت بواسطة amrtalaat

أنا شايف إن الثقافة المرتبطة بالنوع دة من (المكن) هى ثقافة الرعونة والسرعة وال(إمبلئة إمبلئة سك سك سك....)المزيكا الصاخبة العشوائية والغرز والضغط المستمر ع الكلاكس وطبعا لا خوذة ولا حاجة .....الخلاصة شىء سىء

وعمرو طلعت يرى انها مشكلة بسبب رعونة قائديها

المشاركة الأصلية كتبت بواسطة HESHAM AMIN

كل وسيلة بتسهل علينا حياتنا نعمة مش نقمة اى كانت
ونفس الوسيلة بتتحول الى نقمة لو احنا استعملناها غلط

اما هشام امين فهو متعادل ، يرى انها يمكن ان تفيد ويمكن ان تضر بحسب سلوك المستخدم

المشاركة الأصلية كتبت بواسطة محمدعيسى

طبعا كل دول العالم بتحاول توجه الناس للاستغناء عن السيارات و ركوب الدرجات العادية او النارية بس بالنسبالنا لازم نعمل فورمات لدماغ الناس الاول عشان يعرفو ازاي القيادة السليمة و الامنة للدراجات دي لأن في الوضع الحالي هي شئ سئ جدا و خطر على كل الناس على قائد الموتوسيكل نفسه و على اللي ماشيين في الشارع من سائقي سيارات و مترجلين

محمد عيسى يرى انه بدون توجيه ثقافى فهى مشكلة

المشاركة الأصلية كتبت بواسطة fox3d

انا شايف الموضوع ده اجابياته اكثر من سلبياته من وجهت نظرى

المشاركة الأصلية كتبت بواسطة paladin

cheap
clean
quiet

واخونا الى انا هفترض ان اسمه علاء الدين حتى يثبت العكس يرى انها قيمة ايجابية مطلقة

وهكذا نرى ان الأصوات شبه متوازنة ، فلدينا اثنين يرون انها قيمة ايجابية مطلقة، وثلاثة يرون انها كارثة لا حل لاجتثاثها من جذورها سوى الحرق، وثلاثة يرون انها طفرة عشوائية يمكن ان تقود للأصلح لو تم تقنينها وتنظيمها

مازلت اطمع فى مزيد من المداخلات ومازلت اتمنى ممن يرون انه يمكن يقويمها ان يقترحوا اقتراحات للتقويم،

سؤال تانى، ماذا نستطيع تقديمه كمنتدى فى سبيل التفاعل مع هذة الظاهرة؟

كل حاجه ممكن تبقى نعمه أو نقمه وفقاً لطريقة إستخدامها.

وأحيب أضيف لمناقب الماكينه إنها فتحت مجال لرزق ناس كتير

شباب كتير إشتروا ماكينه بالتقسيط وإشتغلوا مندوبين توصيل ومبيعات كمان أحسن من القعده في البيت.

بس أنا رأيي إن زيادة عدد الماكينات بالشكل ده هايبوظ الدنيا أكتر ما هي بايظه في مصر، تلوث وزحام وفوضى مروريه بحته.

المعادلة حسابية و بسيطة :
بما ان : كل شىء بالنظام بيبقى ممتاز
و بما ان : البلد مافيهاش نظام من اى نوع
اذن : المشكلة هاتزيد بزيادة مسبباتها
و فى الاخر : ذى ما سعد باشا قال :- مفيش فايدة