| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 40

  1. #1

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي المكنة الصينى..........نعمة ام نقمة (موضوع للمناقشة) - Facebook Twitter whatsapp انشر الموضوع فى :

    hasad">

    الموضوع ده انا نفسى افتحه للمناقشة مع الجميع ونفسى كل واحد يقول رأيه فيه ، لأن الظاهرة دى اصبحت ظاهرة واضحة جدا فى حياتنا ولازم كمنتدى يهتم بكل ما يتعلق بالسيارات والمرور والشوارع يكون لكنا دخل فيها ، وهى ظاهرة "المكنة الصينى"

    والمكنة هنا ليس مقصود بها محرك سيارة او حتى ماكينة خياطة، وانما "مكنة" هى الكلمة الدراجة التى تستعملها الأوساط الشعبية لتعبير عن الدراجة النارية ، او ما يسميه الآخرون "ألموتوسيكل"

    "دايون" ............
    لا ادرى اذا كان هذا الإسمى Dayun يدق لدى اى منكم اى جرس ، ولكن لو كنتم مثلى من هواه التقاط الأسماء التجارية من على المنتجات المختلفة فستجدون ان 99.9% من الدراجات النارية التى ملأت شوارع مصر تحمل هذة العلامة التجارية ، وبعد بحث بسيط على الشبكة العنكبوتية عثرت على موقع هذه الشركة الصينة المتخصصة فى انتاج الدراجات النارية بكافة اشكالها سواء شكل الحصان (الموتوسيكل العادى)او شكل السكوتر (الفيسبا)

    http://dayunmotorcycle.en.ecplaza.net/

    وهكذا فأن المستورد الذى يتعامل مع هذة الشركة اتاح لكل من يستطيع تدبير ثلاثة آلاف جنيه ان يرحم نفسه من الميكروباصات والأوتوبيسات والبهدلة بكافة اشكالها وان يركب وسيلة مواصلات تحمله من بيته الى عمله والعكس






    وهنا تبدأ الكثير من الأيجابيات فى الظهور:

    أولها : 1-تخفيف الحمل على مرافق النقل العامة من اتوبيس ومترو وحتى الميكروباص والتى اصبحت لا تستطيع تحمل الكم المتزايد من الركاب

    2- وسيلة انتقال سهلة فى المناطق الضيقة

    3- تشكيل ورقة ضغط على المستغلين من سائقى الميكروباصات الذين ما ان يرتفع سعر الديزل عشرة قروش حتى يضربوا تعريفة الركوب فى 2 ، وحاليا طلعو باختراع جديد هو تقسيم المسكافة الى عدة مسافات يتم تحصيل اجرة على كل قسم منها

    4- سهولة الحركة فى الزحام عن السيارة

    5- وسيلة رخصية لحفظ آدمية من لا يتحمل البهدلة فى انتظار الميكروباصات والاهانة من سائقيها

    واخيرا يكفى ان نعرف ان حضارة معظم دول شرق آسيا من اول اليابان وحتى الهند مرورا بكوريا والصين وماليزيا واندونيسيا وتايلاند قامت على اكتاف الدراجة النارية ، ويكفينا القاء نظرة على هذة الفيديوهات لتدركوا حجم تأثير الداراجة النارية فى هذة الدول:

    http://youtube.com/watch?v=QNXU3s3Eo...eature=related


    http://youtube.com/watch?v=NfSVAYEb0hg


    http://youtube.com/watch?v=mr5Gssaxl...eature=related

    ولكن، بالمقابل لدينا ايضا مجموعة من السلبيات لا بأس بها:

    1-الرعونة الشديدة لقائد الدراجة النارية والنابعة من احساحه بصغر مركبته ، وقدرته على الإفلات السريع من اى موقف مما يؤدى الى ايذائهم المادى والمعنوى لقادة المركبات الأخرى، سواء باتلاف مركباتهم بالاحتكاك بها ، او باخافتهم بحركاتهم البهلوانية

    2- الدراجة النارية وسيلة مواصلات غير آمنة ، واى حادث بها غالبا ما يسفر عن اصابه راكبها اصابات شديدة

    3- مع قدم الدراجات النارية والمزودة بمحركات ثنائية الأشواط تستهلك بطبيعتها الزيت مع البنزين فان نسبة الإنبعاثات الصادرة منها تسبب تلوثا شديدا للبيئة، فكمية العوادم غير المحترقة التى تنطلق من دراجة نارية قديمة واحدة اكثر من كمية المواد الملوثة التى تنطلق من عشرة سيارات فى منتصف عمرها

    4- ظاهرة سلبية اخرى لا ادرى لها سببا، فثقافة راكبى الدراجات النارية من الشعب المصرى منذ السبعينات هى ثقافة السكوتر (الفيسبا) وليس ثقافة الدراجة الحصان ، وهى ثقافة مناسبة للشعوب ذوى الطبيعة الهادئة الغير ميالة للمغامرة مثل المصريين والهنود، وفى رأييى المتواضع ان السكوتر افضل كثيرا من الحصان ، حيث انه اولا آكثر امانا لأنه فى حالة السقوط يمكن القفز منه، وحتى مع عدم القفز منه فأنه لا يسقط على الأرجل كما ان كما ان ركوب السكوتر يتم والأرجل مضمومة وهو اسلوب اكثر راحة للجلوس، لكن الحاصل حاليا ان توافر الدراجة الحصان بسعر رخيص يؤدى الى تغير تدريجى لثقافة ركوب الدراجات النارية فى اتجاه الدراجة الحصان الغير مناسبة لأجسامنا ولا زحامنا ولا حوداثنا، كما انها غير مناسبة نهائيا لاستعمال السيدات فى بلدنا لطبيعة الأوزان وطبيعة ملابس السيدة المصرية ومفردات الاحتشام لدى السيدة المصرية، ولا ادرى ما مصلحة المستورد فى توفير الدراجة حصانية الشكل بشكل اكبر برغم توافر عدة موديلات من السكوتر من نفس الشركة

    بيقى ان اضيف معلومة صغيرة لكى اكون فتحت الباب كاملا للنقاش ، وهو القاعدة العالمية لسير الدراجات النارية فى الطريق فى الدول التى تقود سياراتها على يمين الطريق مثلنا ، نص القاعدة هو:
    "تسير الدراجة النارية فى يسار الحارة المرورية المناسبة لسرعتها،بقرب الخط الأيسر للحارة، ويعتبر باقى الحارة من الناحية اليمنى حرم للدارجة لا يتم استعماله لأايه مركبة أخرى (يعنى لا يصح ان تتجاور سيارة ودراجة او دراجتين فى حارة واحدة، ولا يتم تجاوز الدراجة النارية ابدا من نفس الحارة وانم يتم تجاوزها من الحارة التالية على اليسار)"

    انا تقريبا كدة قلت كل اللى عندى وانا مستنى تفاعلكم علشان نفكر هل المكنة الصينى نعمة ممكن تعود بالخير على حركة العمل فى بلدنا ام نقمة ممكن تضر البلد، لو هى نعمة نحاول نفكر فى كيفية الاستغلال الأمثل ليها، ولو هى نقمة نرفع صوتنا ضدها

    سبعاوى
    _______________________________________________


  2. #2

    الصورة الرمزية hamedo0

    رقم العضوية : 2665

    تاريخ التسجيل : 17Oct2007

    المشاركات : 2,326

    النوع : ذكر

    الاقامة : cairo

    السيارة: لا يوجد

    السيارة[2]: 128 حمرا

    دراجة بخارية: لا يوجد

    الحالة : hamedo0 غير متواجد حالياً

    افتراضي -

    انا شايف انها نقمه لان حوادث السرقه انتشرت من ساعت ما المكن ده نزل مصر
    الاطفال الي لسه مكملوش 12سنه كل واحد راكب واحده ومش هامه الناس الحواليه

    سبحان الله وبحمده سبحان الله العظيم

    اخوكم : محمد عماد الدين
    الوظيفه : محاسب

    سبحانك اللهم وبحمدك ، أشهد أن لا إله إلا أنت أستغفرك وأتوب إليك


  3. #3

    الصورة الرمزية memo_hefnawy

    رقم العضوية : 1

    تاريخ التسجيل : 15Apr2007

    المشاركات : 3,507

    النوع : ذكر

    الاقامة : Nasr City

    السيارة: ----

    السيارة[2]: ---

    دراجة بخارية: ....*

    الحالة : memo_hefnawy غير متواجد حالياً

    افتراضي -

    والله يا خالد كما تعودنا منك أن تأتى بكل ما هو مفيد و بكل ما هو مهم فاليوم أنت تفتح موضوع أصبح يمثل قلق و مشكله كبيرة قد لا تكون ظاهرة للجميع الآن و لكنها تتفاقم يوما بعد يوم

    الدراجة النارية بأنواعها وسيلة لها الكثير من المميزات و لكنها سلاح ذو حديين يمكن الإستفاده القصوى منها عند ترشيد إستعمالها و ركوبها و نشر ثقافة محترمه عنها و بهذا نكون أوجدنا حل كبير لمشاكل الزحام و المواصلات فى مصر
    و يمكن أيضا أن تتحول لنقمة و لعنه على كل من تسول له نفسه أن ينتقل من منزله للشارع المصرى

    أولا أهم نقطة فى هذا الموضوع (وضع ضوابط و قواعد)

    يعنى من أول التجار و المستوردين الدولة تعمل ظبط فى البيع - يعنى لما يبيع موتوسيكل أيا كان لازم يبيعه بصورة البطاقة لمن هو فوق ال 18 عام
    دى نقطة مبدأية + يكون معاه رخصة قيادة موتوسيكل و ياخد صورة منها و كل ده يكون عليه رقابة من جهة مسئوله

    تانى نقطة التشدد فى إعطاء تراخيص هذه الدراجات و وضع ضوابط لتسيرها - بيئة + صلاحية + أى موتوسيكل بدون نمر يتسحب و يعاقب سائقة لما نراه الآن من سرقات تتم بهذه الدراجات

    يعنى دى وجهة نظر سريعه فى الموضوع و أتمنى إنى أكون ذكرت حاجة مفيده

    http://www.nilemotors.com/images/Nile_Audi_Memo_2.gif


    Dont Exhaust UrSelf in Thinking...Just Do what U have 2 Do...God Will Never Forget & Never Neglect


  4. #4

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    افتراضي -

    الهى وانت جاهى ربنا يخدها ويرحمنا منها و من اللى راكبينها


  5. #5

    الصورة الرمزية mahamedaraby

    رقم العضوية : 5719

    تاريخ التسجيل : 14Feb2008

    المشاركات : 3,044

    النوع : ذكر

    الاقامة : Cairo

    السيارة: accident Accent 2011

    السيارة[2]: Opel Corsa 2007

    الحالة : mahamedaraby غير متواجد حالياً

    افتراضي -

    حاليا فى الوضع الحالى طبعا نقمه

    من السلبيات الكبيره جدا اللى بنشوفها دلوقتى من اصاحبها

    من سير من غير نمر او طفل سياقها

    وطيب حوادث السرقه اللى بتحصل بيها او واحد يخبط العربيه ويطلع يجرى كل دى حاجات تجعلها طبعا ظاهره سالبيه

    من راى الفيسبا كانت احسن بمراحل

    [shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71]


  6. #6

    الصورة الرمزية amrtalaat

    رقم العضوية : 223

    تاريخ التسجيل : 25Apr2007

    المشاركات : 104

    النوع : ذكر

    الاقامة : القاهرة

    السيارة: لادا 1500

    السيارة[2]: ماتريكس

    دراجة بخارية: no

    الحالة : amrtalaat غير متواجد حالياً

    افتراضي -

    أنا شايف إن الثقافة المرتبطة بالنوع دة من (المكن) هى ثقافة الرعونة والسرعة وال(إمبلئة إمبلئة سك سك سك....)المزيكا الصاخبة العشوائية والغرز والضغط المستمر ع الكلاكس وطبعا لا خوذة ولا حاجة .....الخلاصة شىء سىء


  7. #7

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    هو بس انا حابب الفت نظركم اننا محتاجين نفكر بشكل اعم شوية، يعنى مش نفكر فقط فى الضرر المباشر الواقع علينا كركاب سيارات، لكن لازم ننتبه للميزات التى تتيحها وسيلة المواصلات الرخيصة للكثير من الناس وهو ما من المفترض ان يعود على البلد كلها بقيمة ايجابية، خلينى اديكم مثال بسيط جدا :

    الولد اللى بيعمل الشاى والقهوة عندنا فى الادارة اشترى مكنة صينى، وهكذا اصبح يأتى من المنيب الى الشركة فى ربع ساعة بدلا من ساعة ونصف ، ولا عذر لديه فى ان الميكروباص كان بيحمل واتأخر، وفى نفس الوقت يحصل على ساعة نوم اضافية، ده رجع على المكتب كله بالفائدة، لأنه اولا خدمة الشاى والقهوة والنضافة اصبحت اكثر انتظاما ، وهو ما يعنى ببساطة مزيد من الأنتاج للموظفين، ثانيا، اصبحت مشاوير الشغل السريعة تؤدى بشكل اكثر سرعة، (يعنى مثلا عندى حاجة مسعجلة عايز ابعتها لشركة مجاورة فى المهندسين، بدلا من انتظار تفرغ مندوب وسيارة الشركة وهم ما يتلم، انزل يا ناصر ودى البتاعة دى عند فلان وادى حق البنزين اهه، وعشرة دقائق وتكون المهمة خلصت، وبالتالى انا محتاج منكم واحنا بنفكر اننا نوازن بين الجانب الإيجابى والسلبى، منبصش على الناحية السلبية بس، وخدو بالكم ان دايما الوحش صوته عالى، يعنى قصاد كل حرامى شنط راكب دراجة نارية فيه 100 مواطن محترم راكب دراجة نارية تعينه على اكل عيشه

    وافكركم بالمثال الشهير بتاع الديليفرى، كلنا بنلعن فى سنسفيل ابو الولد بتاع الديليفرى لما بيتصادف وجودنا فى الشارع وهو بيحاول الوصول لمكان التسليم بأقصى سرعة، لكن لما بنكون فى موقع المنتظر للوجبة الساخة بنبقى عايزينه يوصل بأقصى سرعة، وبالتالى لازم نوازن بين دى ودى

    سبعاوى
    _______________________________________________


  8. #8

    الصورة الرمزية HESHAM AMIN

    رقم العضوية : 1948

    تاريخ التسجيل : 28Aug2007

    المشاركات : 546

    النوع : ذكر

    الاقامة : ALEX

    السيارة: ايديا

    السيارة[2]: جولف

    الحالة : HESHAM AMIN غير متواجد حالياً

    افتراضي -

    كل وسيلة بتسهل علينا حياتنا نعمة مش نقمة اى كانت
    ونفس الوسيلة بتتحول الى نقمة لو احنا استعملناها غلط

    وبالمناسبة الكمبيوتر نعمة ولا نقمة


  9. #9

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    طبعا كل دول العالم بتحاول توجه الناس للاستغناء عن السيارات و ركوب الدرجات العادية او النارية بس بالنسبالنا لازم نعمل فورمات لدماغ الناس الاول عشان يعرفو ازاي القيادة السليمة و الامنة للدراجات دي لأن في الوضع الحالي هي شئ سئ جدا و خطر على كل الناس على قائد الموتوسيكل نفسه و على اللي ماشيين في الشارع من سائقي سيارات و مترجلين
    انا بجد و الله لما بشوف اي موتوسيكل بحاول ابعد عنهه باي شكل و عندي استعداد اركن على جنب خالص لغاية لما بسلامته يعدي بحركاته البهلوانية
    بس في النهاية لو الناس اتعلمت تركب الموتوسيكلات صح و تلتزم بحارتها المرورية و يلبسو الخوذة و يستعملو المرايات و ميعدوش من يمين السيارات اكيد تبقى شئ كويس اوي وساعتها ممكن كل واحد فينا يجبله موتوسيكل من دول لمشاويره الفردية و يخلي العربية للمشاوير الطوالي و المشاوير اللي بياخد معاه حد فيها ولو حصل كدا و بقينا كلنا بنركب موتوسيكلات تقريبا مش هيبقى في حاجة اسمها ازمة مرور

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  10. #10

    الصورة الرمزية fox3d

    رقم العضوية : 7968

    تاريخ التسجيل : 25Mar2008

    المشاركات : 213

    النوع : ذكر

    الاقامة : مصر

    السيارة: لا يوجد

    السيارة[2]: اوبترا 2007

    دراجة بخارية: لا يوجد

    الحالة : fox3d غير متواجد حالياً

    افتراضي -

    hasad">

    انا شايف الموضوع ده اجابياته اكثر من سلبياته من وجهت نظرى



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. الريموت سنسور نعمة ام نقمة
    بواسطة ABOSHEHAB في المنتدى بريليانس
    مشاركات: 9
    آخر مشاركة: 02-07-2011, 07:09 PM
  2. انتشار السيراتو نعمة ام نقمة ؟
    بواسطة ahmedbahi76 في المنتدى كـــــيا
    مشاركات: 45
    آخر مشاركة: 28-08-2010, 08:48 AM
  3. التكنولجيا نعمة ام نقمة..................سؤال؟
    بواسطة sahlab في المنتدى المنتــــــدى العـــــــــــام للسيــارات
    مشاركات: 41
    آخر مشاركة: 24-05-2010, 04:35 PM
  4. سيارات الوحوش نعمة أم نقمة ؟
    بواسطة Ahmed Samy في المنتدى ريــــنو
    مشاركات: 27
    آخر مشاركة: 02-03-2009, 11:46 PM
  5. الانذار.... نعمة ام نقمة ؟؟؟؟
    بواسطة eslamspirit في المنتدى ورشـــة نــايل مــــوتـــورز
    مشاركات: 1
    آخر مشاركة: 02-11-2008, 11:50 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2