نزلت اتفسح و يارتني ما نزلت ههههههههههههههه
جاري حبيبي فات عليا بالفوليستر فلطعت منه المفاتيح و قولت لازم اسوق انا
ماشين في امان الله في شارع اتجاهين و كل واحد ماشي علي يمينه و من حظي الهباب واحده ماشيه قدامي علي سرعه 37 سنتي متر في الاسبوع و طبعا مينفعش افاديها و الا هلبس في اللي جاي من علي الشمال لان الطريق ضيق و هما صفين عربيات المهم عيال في اعدايه كده نطوا فجأه من علي الرصيف قدام البنت دي فرد الفعل الطبيعي انها تفرمل لا ازاي ؟ عملت نفسها خليفه مايكل شوماخر و قامت حدفه نفسها علي الشمال فجأه و طبعا لبست في اللي جاي من علي الشمال و لحسن حظها انه تاكسي و السواق شكله عيل سرسجي يعني هتتروق هههههههههههههههههه
ماشين برضه في امان الله في شارع الممشي السياحي و اللي بيجي بورسعيد هيعرفه اكيد و الشارع ده كله محلات موبايلات علي اليمين و محلات ملابس حريمي و برضه موبايلات علي الشمال المهم ماشين و بنجري علي سرعه 60 كيلو في الساعه برضه فتاه اخري بتتوقف ادامي فجاه و طبعا اللي ورايا باس الفيلوستر بوسه صغيره كده طبعا صاحبي نازل يعيط علي العربيه اللي اتخرشمت و لكن الحمد لله حصل خدش بسيط في الاكصدام و اللي دخل فينا النمر الاماميه اتعوجت يعني الحمد لله المشكله كلها في الفتاه اللي توقفت امامي يا تري ليه وقفت ؟ عشان شافت ايشارب ما في فاترينه محل فتقوم ضاربه مكابح و ملهاش دعوه بالاختراع المسمي شارع و لا كأنها ماشيه في الابعديه اللي ابوها اشتراهلها طبعا صديقي كان مجهز قاموش الشتايم بتاع سنه 2020 بس انا وقفته بدل ما يقتل البنت و طبعا البنت نزلت تبص علي اكصطادم عربيتها الخلفي و تبصلنا بقرف و قامت داخله المحل :I_angr1[1]:
في نفس الشارع المذكور و طبعا كلنا عارفين ان النهارده يوم الاحد اجازه الاخوه المسيحين ففي كذا محل موبايلات بيقفلوا اليوم ده المهم ركنا العربيه و ماشين علي رجلنا عشان نبص بصه علي الموبايلات نتلاقي مجموعه من الشباب مربين دقونهم و جايبين بوسترات ابو اسماعيل و بيلزقوها علي احدي المحلات اللي قافله ههههههههههههههههههههههههه هههههههه بيلزقوا بوسترات ابو اسماعيل السلفي علي محل موبايلات بتوع ناس مسيحين هههههههههههههههههههههههه طبعا صحاب المحلات المجاوره قالولهم لا و مش عارف و مكانوش راضين يمشوا الا لما عرفوا ان اصحاب المحل مسيحين ههههههههههههههههههههههههه ههه و الله مش عارف اقول ايه
طبعا لما مشيت علي رجلي لاحظت شويه حاجات
1- هدوم البنات تقريبا مبقاش ينزل منها الا مقاس سوبر سمول تقريبا و الله اعلم
2- مفيش شاب ماشي في حاله كله شغال معاكسات و تهريج و صوت عالي
3- المحلات مهويه من الزباين يعني العمليه جبانه زي ما بيقولوا
4- انتشار السرسجيه بجميع انواعهم كالنار في الهشيم و ربنا يتوب علينا
:I_angr1[1]::I_angr1[1]::I_angr1[1]:
