السلام عليكم
من الاخر انا ناوى اجيب صنى اى اكس اوتوماتك ان شاء الله و تخوفى الوحيد ان فى ناس بتقول انقطع الغيار والصيانة ناار.
هل دا صح ولا تهويل والامور فى الرينج المعتاد للكورى؟
عرض للطباعة
السلام عليكم
من الاخر انا ناوى اجيب صنى اى اكس اوتوماتك ان شاء الله و تخوفى الوحيد ان فى ناس بتقول انقطع الغيار والصيانة ناار.
هل دا صح ولا تهويل والامور فى الرينج المعتاد للكورى؟
ده يا باشا من اكتر مميزات العربية ديه : انتشار قطع الغيار و بكل الانواع من الصيني لحد الياباني و من جنيه لألف ..
و الصيانة مش غالية نهائي و بجودة عن أي مركز صيانة للسيارات الكوري و ده لأن توكيل نيسان من احسن التوكيلات في مصر ..
متقلقش يا بيييييه نهائي ..
تحياتي لحضرتك و نورت القسم ..
حضرتك بتتكلم على الكورى فين !!
اسعاره فى التوكيل ولا بره التوكيل !!
الكورى صياناته وقطع غياره فى الوكيل بتاعه نفس الاسعار زيه زى نيسان .. وقريبين من بعض جدا
بس تفرق فى نيسان الخدمة فى الصيانات ممتازة
اما بره التوكيل الكورى ارخص حاجة بسيطة عن نيسان .. انا مش بتكلم على كل البراندات اليابانى
لان نيسان معقولة فى السوق ومنها فى تايوانى بيشتغل عليها .. ويابانى بردوا شركات .. بيكون ارخص من الاصلى بجودة معقولة
فتوكل على الله .. واعمل استخارة .. والله الموفق
فعلا توكيلات الصيانة بتاعة نيسان رائعه والاسعار كويسه بس ياريت تجيبها مانويل علشان استهلاك البنزين
اختيار رائع وتكويل نيسان محترم
ما تقلقش خااالص ....
اصلك بتفكرني بنفسي قبل ما اشتري الصني ....
كنت كل ما اسال واحد .... واحد يقولي دي بتمشي على الحيط ... وواحد يقولي دي كل 100 كم لازم تفول ... وواحد يقوللي دي عاوزة ميزانية دولة علشان الصيانات ....
لكن بعد ما ربنا هداني للناس المحترمة اللي هنا ... و كلامهم كان على مستوى عالي جدا من الخبرة .. اشتريت الصني
و اكتشفت ان كل اللي اتقال ده كله .....
مجرد تاليفات من شعبنا المصري العظيم ....
اتوكل على الله و صلاة استخارة ... ربنا يهديك للخير
سيارة ممتازة
قطع غيار موجودة ومتاحة وبسعر معقول
زي ما قالوا الرجاله
قطع الغيار الاصلي بين الكوري والصني في التوكيل قريبين من بعض جدا والالنترا الجديده بالذات والسيراتو في التوكيل نار النار برا بصراحه بتلاقي الاصلي الكوري ارخص بفرق ملحوظ عند التجار الي بيجيبوا قطع الغيار
انما النيسان قطع غيارها الاصلي برا مش ارخص بفرق كبير عن التوكيل
انما التجاري قطع الغيار كلها رخيصه مش غاليه
وموضوع البنزين ده اشتغاله مش اكتر(هو في في الغالب بعض العربيات بتحتاج تغير ضفيره انما الطبيعي موفره وجميله
كل الفكره ان فعلا الصني تنكها بينور بدري اوي عشان تقريبا تصميم عوامه البنزين قديم شويه ومش بتدي استهلاك صحيح
انما انا مثلا بفول واعمل 300 كيلو ولا يفرق معايا مؤشر البنزين فين واجي افول تاني الاقيها واخده بالكتير اوي 35 لتر
هي عموما جوه البلد الصحيفه بتبقى في رنج ال 180 كيلو ولو بتسوق بالراحه ومش بتحرق بتعمل اكتر من كده
وعلى الطريق مجربتهاش بصراحه بس اكيد هتبقى ممتازه
وعربيتي اوتوماتك كمان