-
الكبالن
السلام عليكم
اولا انا باعتذر لغيابى لفترة عن المنتدى بسبب الامتحانات :hang:
ثانيا لاحظ ان الكوبلن الشمال بينقط زيت على الارض :surprise:
معنى كده ان الكوتشة بتاعته عاوزة تتغير ولا هو كله عاوز يتغير
رغم انه مبيطلعش صوت وهل ينفع اغير كوبلن واحد ولا لازم الجواز
لو فيه اى نصائح اثناء القيادة لحد ما يتم التصليح:funny34d:
وشكرا
-
الزيت ده من ناحية العجلة و لا الفتيس ؟
لو من ناحية العجلة يبقى مش زيت ده شحم سايح و لو من ناحية الفتيس يبقى ده زيت الفتيس
الموضوع فى الحالتين بسيط , كاوتش تراب للى بره او كاوتش زيت للى جوه و بالمره بص على الاويل سيل اللى بيمسك كاوتش الزيت فى اكس الكوبلن
عامة , تغيير الكبالن بيبقى الاتنين مع بعض
-
طالما مافيش صوت ابقي غير الكوتش بس
استني حد من خيره المنتدى ممكن يفيدك اكتر
-
'طبعا الميكانيكى هو الى حيكشف على الزيت ده جاى منين ، غالبا ده حيكون زيت جيربوكس ( كوبلين داخلى ) ، المهم انه يغير الكاوتش لو مقطوع او حيتقطع و يركب افيز جديد ، و لو كاوتش الكوبلين الخارجى ( عند العجل ) مخلوع او مقطوع بقاله فترة و الكوبلين من غير شحم ، فالأفضل انه يطلعه و يغسله كويس بالجاز ( عشان لو لم تراب او شوائب ) و يكبسه شحم جديد و يغير الكاوتش و الكويل . و فى كل الأحوال ما تركنش العربية الا على ارض مستوية يعنى مش جنب عالى و تانى واطى ، عشان زيت الجيربوكس ما يرجعش و يتسرب من الكاوتش .
-
شكرا لرد الاعضاء:hurray:
ان شاء الله هغير الكوتش واشحمه فى اقرب وقت ممكن :superman:
وهو عموما زيت الفتيس لانه نقص وزوته ونقص تانى :driving:
Content Relevant URLs by
vBSEO 3.6.0 PL2